Matiyu 6:10 - Hanunuu

¹⁰ Kawu mana ti maghari sitay sa babaw daga. Mana tupadun kanmu kagustuhan sitay sa babaw daga parihu sa langit.

Matiyu 6:10 Iomraidhean Croise

Nihimyas 9:6

Kawu ti Panginuun. Binwat nimu ti kalangitan, ti daga, ti dagat hanggan ti tanan asan sa kanda. Pagpakan-an nimu buhi ti tanan nimu linalang ag pagsambahun kawu manga anghil sa langit.

Kanta 2:6

Magkun siya, “Ipinatukaw yi niku sa Siun, sa kang banal pag bantud, ti pinili niku pag hari.”

Kanta 40:8

Diyus niku, gustu niku tupadun kanmu kagustuhan. Kanmu kasuguan paghamnuun niku sa kang tagipusuun.”

Isayas 2:2

Sa manga uryan pag sirang, ti bantud pagtindugan Balay Diyus Panginuun bumaliw pinakamahalaga sa tanan pag bantud. Rumas-ug siyun ti manga tawu ginan sa tuhay-tuhay pag nasyun.

Hirimyas 23:5

Magkun waya ti Panginuun, “Rumas-ug ti sirang pahariun niku ti usa ka hari matadlung ginan sa linahi ni Dabid. Humari siya may kadunungan, ag palantagun niya ti katadlungan ag katutuuhanan sa inda pag daga.

Danyil 2:44

“Sa ati pag panahun manga hari, ti Diyus sa langit pumatindug usa ka kaharian unman gid magpu hanggan aban. Balaw gid inda matalu iba kaharian, nu unman papasun waya ngap niya ti tanan kaharian ag pihu pumirmaminti inda hanggan aban.

Danyil 4:35

Ud may halaga ti manga tawu sa kalibutan nu ipaparihu sa kanya. Pagbuwatun niya kay gustu sa manga anghil sa langit hanggan sa manga tawu sa daga. Unman may makaampara ngatay makahadlang sa kanya.’

Danyil 7:13

“Bag-u nakitan niku ti ga anyu tawu sinangputan rurum. Nagpakarani siya sa Diyus Buhi unman may Katapusan.

Danyil 7:27

Bag-u iayaw sa banal pag manga nasakupan Kaabwat-abwatan pag Diyus ti pagdumara hanggan kapangyarihan sa manga kaharian buu kalibutan. Nakan humari sida hanggan aban, ag pasakup sa kanda ti tanan kaharian.

Sakaryas 9:9

Magkun ti Panginuun “Paghuyaw kamu sa kabayaan, kamu pag manga mag-uli sa Siun, ti banwa Hirusalim, dahil kanyu hari rumas-ug yi. Matadlung siya ag marapanalu. Mapinakumbabaun siya ag rumas-ug masakyan sa anak asnu.

Matiyu 12:50

Dahil una si unu pag tawu ti magtupad sa kagustuhan niku Ama sa langit, siya gid kang patar-ari lalaki, kang patar-ari babayi, kang ina.”

Matiyu 16:28

Ungud duy kang pagsabihun sa kanyu, ti iba sa kanyu sitay dayu mamatay hanggan sa udwaya makitan nida aku, ti Anak Tawu, humiyaput yi sa kay karampatan maghari.”

Matiyu 26:42

Nagpakarayu maan siya nandarangin magkun, “Amang nu ud mab-ul inda pag ungut may kakurian nu unman kang inman, kailangan kanmu di pag kagustuhan ti masunud.”

Matiyu 3:2

“Iampu yi niyu kanyu kasalanan, dahil udyi dugay rumas-ug yi ti kaharian langit.”

Matiyu 4:17

Siyun ginan nag-umpisa yi si Hisus magtudlu. Magkun siya, “Iampu yi niyu kanyu manga kasalanan, dahil arani yi ti kaharian langit.”

Matiyu 7:21

Magkun si Hisus, “Balaw tanan-tanan tig-ingaran sa kangku magkun, ‘Panginuun, Panginuun’, rumas-ug sa kaharian langit, nu unman tunda lang pag manga tawu ti magtupad sa kagustuhan niku Ama sa langit.

Markus 11:10

Papaladan Diyus ti humari maan sa kaharian nita ginurang, ni Dabid. Pagdayawun ti Diyus sa langit.”

Markus 3:35

Una hintay pag tawu ti magtupad sa kagustuhan Diyus imaw kang patar-ari lalaki, kang patar-ari babayi, kang ina.”

Lukas 19:11

Magpatingi waya ti manga tawu sa kay manga pagsabihun ni Hisus, rargu itinultul niya ti usa ka pahalimbawa, dahil arani yi siya sa Hirusalim ag dahil nahantup manga tawu udyi dugay ipaburayhaw yi kay paghari Diyus.

Lukas 19:38

Magkun sida, “Mapalad ti Hari magras-ug sa ngaran Panginuun. Kahusayan sa langit. Pagdayawun ti Diyus sa langit.”

Lukas 22:42

magkun, “Amang, nu gustu nimu ipakarayu nimu ginan sa kangku inda pag ungut may kakurian. Dapat una katida, danga kangku pag kagustuhan ti masunud, nu unman kanmu di gid ti masunud.”

Huwan 4:34

Magkun si Hisus sa kanda, “Kang pinagkakaran-unun duy kang yi ngani magtupad sa kay kagustuhan niku Ama hanggan sa ud matapus niku ti buruwatun kay iinintirga sa kangku, dahil siya ngani ti nagsugu sa kangku.

Huwan 6:40

Dahil inda yi ngani ti kagustuhan niku Ama hampay una si unu pag tawu ti nakakit sa Anak bag-u nagsarig sa kanya, makatanggap tutuu pag buhi unman may katapusan. Buhiun niku siya uman sa katapusan panahun aban.”

Huwan 7:17

Una hintay pag tawu nu handa siya magtupad sa kagustuhan Diyus, makilala niya kang pag-itudlu nu ngatay ginan sa Diyus aw ngatay magbagaw aku ginan lang sa kang sadili.

Binwat 13:22

Pagka binahasan yi siya Diyus, si Dabid maan ti pinili Diyus hampay kanda hari. Nagpasnu ti Diyus sa kan Dabid magkun, ‘Nakitan niku kan Isai anak si Dabid, imaw yi gid kang pagbayaun pag tawu, masurundun siya sa tanan niku nagustuhan.’ ”

Binwat 21:14

Pagka unman siya napatalu, udyi lang kami nag-ingay. Sinabi lang nimi, “Pagmasunud gid ti kagustuhan Panginuun.”

Binwat 22:14

Bag-u kay sinabi ni Ananiyas sa kangku magkun, ‘Kawu duy ti pinili Diyus nita ginurang hampay maalaman nimu kay kagustuhan niya, hampay makitan nimu kay matadlung pag Suruguun niya ag hampay madnugan nimu kay magbagaw.

Ruma 12:2

Danga kamu magpaangay sa inda pag palakaw manga taga kalibutan. Danga magpaparihu kamu, pag bag-u yi kanyu naisipan agud maalaman niyu nu hintay ti kagustuhan Diyus, nu hintay ti mayad ag ti ikabaya niya ag udyi may kakurangan.

Ipisu 6:6

Una mag-akitan manga tawu, una unman mag-akitan, pagkatunda diman kanyu buwatun, balaw sa ikabaya tawu, nu unman dahil kamu manga panawuhun ni Kiristu buluntadan kamu pagtupad sa kagustuhan Diyus.

Kulusas 1:13

Irinibri niya kita ginan sa kapangyarihan kadudulman, ipinauli yi niya kita sa kaharian niya magmayadun pag Anak.

Kulusas 1:9

Nakan ngani pagka naalaman nimi inda, pirmi nimi pag-idarangin kamu sa Diyus hampay ilubus niya sa kanyu ti kang-ud pag kadunungan kay pakaun Ispiritu, hampay lalu niyu maintindihan kay kagustuhan Diyus.

1 Tisalunika 4:3

Inda yi ngani ti kagustuhan Diyus, paglubus yi kamu pasakup sa Diyus ag pagpakarayu kamu sa kahalayan.

1 Tisalunika 5:18

Una hintay ti mangyari pagpasalamat kamu sa Diyus. Dahil katida kay gustu Diyus kanyu buwatun nu kamu magpakiusa sa kan Kiristu Hisus.

Hibriyu 1:14

Ti tanan manga anghil manga ispiritu magsirbi sa Diyus, kay manga suruguun hampay mag-alaga sa manga tawu mumana karibrihan.

Hibriyu 10:36

Kailangan kamu pagmatiniisun, hampay matupad niyu ti kagustuhan Diyus, agud matanggap niyu kay itinaratu.

Hibriyu 10:7

Bag-u sinabi niku, ‘Diyus, nagsitay yi aku hampay tupadun niku kanmu kagustuhan, angay sa isinurat sa ribru Kasuguan tungkul sa kangku.’ ”

Hibriyu 13:21

Mana ipakaun niya sa kanyu ti tanan niyu kailangan agud matupad niyu kay kagustuhan. Mana buwatun ni Hisu-Kiristu sa kanta ti angay sa atubangan Diyus. Sa kan Hisus ti kadayawan hanggan aban. Amin.

1 Pidru 2:15

Dahil katida gid kay kagustuhan Diyus, kamu pagbuwat mayad hampay imaw kanyu panalu sa pagbagawun manga tawu unman nakaintindi.

1 Pidru 4:2

Yabi sirang kay yi pag-intindihun ti kagustuhan Diyus sa kay buhi sitay sa babaw daga, balaw yi pag-intindihun niya kay sadili pag kagustuhan.

Ipinakakit 11:15

Pagka inyup ikapitu pag anghil kay budyung, may manga namaragawan daraka ginan sa langit magkun, “Kanta Panginuun hanggan ti Pinili Diyus Manugribri pag Hari nag-aku yi lubus sa paghari sa bilug kalibutan. Humari siya hanggan waya aban.”

Ipinakakit 12:10

Bag-u nadnugan niku may magbagaw daka sa langit magkun, “Taynguna niburayhaw yi kay pagribri nita Diyus sa manga tawu, hanggan kay kapangyarihan hanggan kay maghari. Niburayhaw yi waydi ti karampatan niya Pinili Manugribri pag Hari. Dahil iyinmut yi ginan sa langit ti manugsumbung, imaw tigpakasumbung sirang yabi sa kanta manga patar-ari sa atubangan nita Diyus.

Ipinakakit 19:6

Bag-u nadnugan maan niku bilang ga nagkaminsan nagbagaw ti mayamu gid tawu parihu ga danum magpaywas sa sapa kay katnug, ga ranranug linti. Kay sabi, “Dayawun ti Panginuun! Dahil maghari ti Panginuun kanta Diyus makamaskihan sa tanan.

Ipinakakit 20:4

Nakakit aku may manga tukawan hari. Ti manga nakatukaw ati pinakan-an karampatan hampay pumihu sa daut sa mayad. Nakitan diman niku ti karadwa manga tawu pinugutan ulu dahil sa kanda magsarig sa kan Hisus hanggan sa kanda magpadakit Bagaw Diyus. Unman nagsamba sida sa hayup malangas una sa kay tawu-tawu. Unman sida nagtanggap manga marka hayup malangas sa kanda bangas una sa kanda kamang. Binuhi sida hampay maghari kaibahan ni Kiristu sa sulud usa ka libu ka timpu.