Matiyu 5:7 - Hanunuu

⁷ Papaladan Diyus ti manga maawaun, dahil sida aban ti kaawaan Diyus.

Matiyu 5:7 Iomraidhean Croise

2 Samwil 17:28

May dara sida manga parahuwayan, manga malukung, manga anglit hanggan tirigu, sibada, arina, manga sinanglay, ag manga butiran pag urupiun,

2 Samwil 22:26

Matinupadun kawu sa manga matinupadun sa kanmu, ag mayad kawu sa mayad pag manga tawu.

Kanta 112:4

Una sa kadudulman may rayaw di para sa manga tawu magkabuhi mayad, maawaun, mabuut, ag matadlung.

Kanta 112:9

Mag-ayaw siya sa manga pugri; kay matadlung pag buruwatun alalahanun tugka aban ag kay kabisugan dugangan Diyus bilang paggalang sa kanya.

Kanta 18:25

Matinupadun kawu sa manga matinupadun sa kanmu, ag mayad kawu sa mayad pag manga tawu.

Kanta 37:26

Pirmi waya ngani sida tig pakaun ag magpaudam, ag kanda manga anak nagbaliw papalad sa iba.

Kabagawan 11:17

Nu mayad kawu sa iba, ikamayad nimu inda, dapat nu madaug-daug kawu, makadamhak inda sa kanmu.

Kabagawan 11:25

Ti maraayaw pag tawu mag-unlad. Ti maraawat sa iba awatan diman.

Kabagawan 14:21

Kasalanan ti magpuya sa kay kaparihu pugri, dapat mapalad ti tawu mainawatun sa pugri.

Kabagawan 19:17

Nu mag-awat kawu sa pugri, parihu lang sa nagpaudam kawu sa Panginuun, dahil Panginuun ti bumayad sa kanmu.

Isayas 57:1

Nu namatay ti usa ka tawu matadlung, unman may magpaingana nu hayga. Unman mayamu ti may alam kuntay ti manga tawu matadlung pagbul-un Diyus hampay ipakarayu sa daut.

Danyil 4:27

Nakan Mahal Hari, mana tanggapun nimu inda kang paanyu sa kanmu: Pagpakarayu kawu sa kasalanan ag pagbuwat mayad, ag pagmaawaun kawu sa manga pugri. Nu buwatun nimu inda barang pumirmaminti kawu abunda.”

Husyas 1:6

Namuduy maan si Gumir ag nanganak babayi. Magkun ti Panginuun sa kan Husyas, “Ingarni ti anak Lu Ruhama, dahil balaw niku kaawaan ngatay patawadun ti nasakupan Israil.

Husyas 2:1

“Nakan tawaga niyu kanyu kaparihu manga Israilita ‘Kang nasakupan’ ag ‘Kinaawaan.’”

Husyas 2:23

Sa tunda pag panahun mangulian kamu sa kanyu daga bilang kang nasakupan. Ipakakit niku kang pangaawa sa kanyu manga pag-ingarnan Lu Ruhama. Ag kamu pag manga pag-ingarnan Lu Ami ingarnan diman niku kamu kang nasakupan, ag sumabi kamu aku kanyu Diyus.”

Mikas 6:8

Sinmagut si Mikas: “Tinudluan yi kita Panginuun nu hintay ti mayad. Inda ti gustu niya buwatun nita: Buwatun nita ti matadlung, palabihun nita ti maawaun sa iba ag pagmapinakumbabaun kita sa pagsunud sa kanta Diyus.”

Markus 11:25

Nu kamu magdarangin bag-u nu may pag-ikadaut kamu sa iba, patawadun dapu niyu siya hampay kamu patawadun waydi niyu Ama sa langit nu kamu nagkasala sa kanya.

Lukas 6:35

Dapat mahala niyu kanyu manga kalaban, pakan-an niyu sida mayad, pagpaudam kamu danga yi magsarig kuntay ulian kamu. Nu katunda, daka pag pirimyu kanyu tanggapun ag kilalan-un kamu manga anak Makamaskihan pag Diyus. Dahil magbaya siya una sa manga tawu unman may pasunaid ag makasalanan.

Ruma 11:30

Kaybi kamu pag manga balaw Hudiyu daan di manga malaban sa Diyus, dapat taynguna pagkaawaan ngap kamu niya sa katpung kaudasan manga malaban ti manga Hudiyu.

1 Kurintu 7:25

Nu bay sa unman may asawa, unman aku may ibilin ginan sa Panginuun. Dapat aku masarigan dahil sa papalad Panginuun sa kangku, nakan itultul waya niku ti kang inisip.

2 Kurintu 4:1

Dahil sa pangaawa Diyus pinili niya kami sa inda pag buruwatun, nakan ngani matutum kanmi naisipan.

Ipisu 4:32

Bagkus ngap pagpakabuut kamu, pagmatugway kamu, pagparatawadan sa kada usa parihu sa kay nagpatawad Diyus sa kanyu dahil sa kan Kiristu.

Kulusas 3:12

Kamu manga sakup sa Diyus, kay pinili niya kamu, kay yi gid pagmahalun. Nakan ngani kailangan kamu pagmaawaun, pagmayad kanyu nabubut-un, pagmapinakumbabaun, pagmabuut hanggan matiniisun.

1 Timutiyu 1:13

Madi kaybi waya kang linapastangan, inunu-unu ag unman diman waydi pinahalgaan niku siya. Dapat kinaawaan di gid aku Diyus dahil tunda kang binwat kaybi kang udwaya nakaalam ag udwaya may pagsarig sa kanya.

1 Timutiyu 1:16

Dapat ay kinaawaan niya aku hampay mipakilala ni Hisu-Kiristu kay lubus matugway naisipan niya sa kangku, sa takinan manga makasalanan, bilang ga mustara sa tanan manga sumarig waydi sa kanya hampay may buhi waydi sida unman may katapusan.

Hibriyu 4:16

Pagpakarani kita sa Diyus sa may puun pakaun kaayadan, pagmatutum kanta naisipan, hampay kita pagkaawaan niya ag hampay nu katpung kita may kailangan sa kanya, kita awatan diman angay sa kay pangaawa.

Hibriyu 6:10

Dahil ti Diyus matadlung ag unman pagkalimtan niya kanyu kasipagan hanggan kanyu pagmahal sa kay ngaran. Makitan yi waydi kanyu pagmahal sa Diyus dahil sa kanyu magsirbi sa manga magsarig sa kanya una kaybi ginan hanggan taynguna tugka.

Santiyagu 2:13

Udyi kaawaan Diyus sa kay magsintinsiya ti tawu unman madunung magkaawa. Dapat ti tawu nu madunung magkaawa, unman kailangan magkadala sa parusa Diyus.

Santiyagu 3:17

Dapat ti may kadunungan ginan sa Diyus pihu marinu gid kay ugali, mairibgun siya sa kahusayan, maalumanay, mapinaangayun, maawaun, hanggan masipag sa mayad buwat, balaw mag-ihid, unman waydi magpabalhinguun.

1 Pidru 2:10

Nu kaybi di waya gid kamu bukun kay nasyun Diyus, taynguna bay kamu kay yi pinili hampay kay nasakupan. Kaybi kamu kay inirangan balaw pagkaawaan. Dapat taynguna kamu kay kinaawaan.