Matiyu 5:48 - Hanunuu

⁴⁸ Nakan ngani kailangan ilubus niyu kanyu kaayadan parihu sa kanyu Ama sa langit.”

Matiyu 5:48 Iomraidhean Croise

Gimpuunan 17:1

Pagka 99 yi ka timpu si Abram, napakakit sa kanya ti Panginuun ag magkun, “Aku ti Diyus Makamaskihan. Pag pirmi kawu matinupadun sa kangku ag pagpangabuhi matadlung.

2 Samwil 22:31

Diyus, kanmu palakaw unman may ikasabi. Kanmu bagaw masarigan gid. Parihu kawu sa panangga sa tanan magdangup sa kanmu.

Kanta 37:37

Bantayi kaayad ti tawu matinupadun ag matadlung. May mayad siya pag paratabgan ag may kahusayan.

Libitiku 19:2

kuntay sabiha inda sa buu nasakupan Israil: Pagpangabuhi kamu may kabanalan dahil aku, ti Panginuun kanyu Diyus, banal.

Libitiku 20:26

Pagpangabuhi kamu may kabanalan dahil aku, ti Panginuun, banal. Itinalaga niku kamu ginan sa kadamlan tawu hampay sa kangku kamu.

Matiyu 5:16

Katunda diman waydi iparayaw niyu kanyu sulu sa atubangan tanan tawu hampay makitan nida kanyu manga mayad buwat bag-u kanda dayawun kanyu Ama sa langit.”

Matiyu 5:45

hampay kamu tutuu gid manga anak niyu Ama sa langit. Dahil pag-ipabutlak niya ti init sa daut ag sa manga mayad. Balaw lang ti manga matadlung ti pagpakan-an uran nu unman hanggan ti manga makasalanan.

Matiyu 5:47

Nu ti magtar-arian lang tigparaingan-an, hintay ti nabuwat niyu balaw lang ga iba? Una ti manga unman magsarig sa Diyus magbuwat diman katida.

Lukas 6:36

Pagmaawaun kamu, parihu sa kanyu Ama maawaun diman.”

Lukas 6:40

Balaw mataas sa kay maisturu ti tuludluan. Dapat ti kada usa nu tinudluan yi lubus, siya aban parihu yi sa kay maisturu.

2 Kurintu 13:11

Sitay lang tugka duy manga patar-ari kang surat sa kanyu. Aku magpaalam yi sa kanyu. Pagmaalwasi gid kamu hampay kang-ud yi kamu sa atubangan Panginuun. Pagpaniwala kamu sa kang manga paanyu. Pagkarausa yi kamu. Pagmahusay yi kanyu manga ugali. Nu katunda kamu, sa kanyu yi gid ti Diyus, ti gimpuunan pagmahal hanggan kahusayan.

2 Kurintu 13:9

Magbaya diman kami una malumuy kami, nu lang kamu rumig-un. Nakan ngani kanmi pag-idarangin kamu hampay kamu kang-ud yi udyi may kakurangan sa atubangan Panginuun.

2 Kurintu 7:1

Mahal niku pag manga patar-ari, itinaratu sa kanta inda pag manga kaayadan, nakan paglumpiyuha gid kanta sadili sa tanan kayagtingan nita bilug hanggan naisipan. Pag-ungud kita kanta ugali maggalang sa Diyus, ilubus yi nita ipasakup kanta sadili sa kanya.

Ipisu 3:1

Nakan magdarangin ngani aku sa kanyu, aku si Pablu ti napirisu dahil sa kan Kiristu Hisus tungkul sa kanyu sa manga balaw Hudiyu.

Diyuturunumiyu 18:13

Kailangan unman may ikasabi sa kanyu ti Panginuun niyu Diyus.

Diyuturunumiyu 27:10

Sunda niyu ti Panginuun niyu Diyus ag tupada ti tanan niya manga sugu hanggan surundanun kang pag-ipakaun sa kanyu taynguna.”

Kulusas 1:28

Nakan ngani pag-itudlu nimi si Kiristu sa tanan tawu. Pagpaala-lahanan nimi sida, malinaw gid kanmi pagtudluan sida angay sa kanmi makakaya hampay mipaatubang nimi sa Diyus ti kada usa kang-ud ag unman may ikasabi dahil sa kanda magpakiusa sa kan Kiristu.

Kulusas 4:12

Pagkamustahun diman kamu ni Ipapras kasimanwa diman niyu, panawuhun diman ni Kiristu Hisus. Pirmi siya magpangungud sa darangin hampay kamu parig-unun Diyus, unman may ikasabi ag lubus masurundun sa kagustuhan Diyus.

Santiyagu 1:4

Kailangan ngani kamu pagpakarig-un hanggan sa katapusan hampay kamu kang-ud yi gid udyi may kakurangan.

1 Huwan 3:3

Una hintay pag tawu ti magsarig katunda sa kan Kiristu, mag-ingat sa kay sadili bilug hampay malumpiyu kay buhi, ga kan Kiristu waydi malumpiyu.