Matiyu 5:44 - Hanunuu

⁴⁴ Dapat kainda maan kang pagsabihun, mahalun niyu kanyu manga kalaban, idarangin gid niyu ti mag-unuunu sa kanyu,

Matiyu 5:44 Iomraidhean Croise

2 Hari 6:22

Sinmagut si Ilisyu, “Danga sida pagmatya. Pagmatyun aw lugud nita ti manga bihag ginan sa girahan? Pakan-i sida karan-unun hanggan danum hampay makakaun sida ag makainum, bag-u paulian sida atabug sa kanda hari.”

Kanta 7:4

ngatay binalusan niku daut ti mayad pag binwat niku kakilala, ngatay inagawan niku manga kasiyunan kang manga kalaban sa unman waydi may kadahilanan,

Kabagawan 19:11

Nu marapasunaid kawu, magpakakit lang madunung kawu. Ag nu magpatawad kawu sa nagkasala sa kanmu, makapakaun inda kadayawan sa kanmu.

Lukas 23:34

Sinabi ni Hisus, “Amang, patawada duy nimu sida, dahil unman nida alam kanda pagbuwatun.” Bag-u kanda inayaw-ayaw kay manga rutay ni Hisus, kanda waya alinaban sa lunggungan.

Huwan 13:34

Aku duy may bag-u pag bilin sa kanyu magkun, pagmalahalan kamu sa usa kag sa usa. Nu kabitay kang nagmahal sa kanyu, pagkatunda diman waydi kamu pagmalahalan sa usa kag sa usa.

Binwat 16:28

Dapat ay si Pablu nagbagaw gid daka magkun, “Danga duy nimu pagsakti kanmu sadili bilug. Kami inda di tanan-tanan.”

Binwat 7:60

Nagluhud siya bag-u nanawag daka magkun, “Panginuun, danga ipakaun nimu sa kanda inda pag kasalanan nida.” Pagka sinabi niya katida, naugtasan yi siya arup.

Ruma 12:14

Idarangin niyu ti manga mag-unuunu sa kanyu hampay sida papaladan Diyus. Daranginan di niyu sida hampay balaw sida saadan Diyus.

1 Tisalunika 5:15

Una si unu sa kanyu danga magbalus sa manga magbuwat daut sa kanyu, bagkus ngap parargu kamu sa pagbuwat mayad sa usa kag sa usa hanggan sa tanan tawu.

1 Pidru 2:23

Una siya minuransa, unman siya nagganti. Una siya pinakurianan, unman siya tinmima. Nagsarig yi lang siya sa Diyus, sa madunung magpihu sa daut sa mayad.

1 Pidru 3:9

Danga gantihi daut ti tawu nu magbuwat daut sa kanyu. Danga niyu murahun ti magmura sa kanyu. Bagkus ngap idarangin niyu sida hampay papaladan sida Diyus. Dahil pinili kamu Diyus hampay makatanggap papalad ginan sa kanya.

1 Samwil 24:17

Magkun waya siya, “Mas matadlung kawu kaysa kangku. Daut kang magbantay sa kanmu dapat mayad kanmu pag-ibalus sa kangku.