Matiyu 5:42 - Hanunuu

⁴² Nu may manhagad sa kanmu, pagpakan-i nimu. Nu may mag-udam sa kanmu, danga pag-irangi.”

Matiyu 5:42 Iomraidhean Croise

Kanta 37:21

Ti manga daut mag-udam ag balaw magbayad. Dapat ti manga matadlung marapakaun.

Kabagawan 19:17

Nu mag-awat kawu sa pugri, parihu lang sa nagpaudam kawu sa Panginuun, dahil Panginuun ti bumayad sa kanmu.

Kabagawan 21:26

Ti bugyahin pag tawu pirmi lang maghingbut makatanggap, dapat ti matadlung pag tawu magpakaun balaw may alinlangan.

Manugtudlu 11:6

Pagtanum kawu buu sirang, dahil balaw nimu alam nu manubu tanan ngatay kay iba lang.

Danyil 4:27

Nakan Mahal Hari, mana tanggapun nimu inda kang paanyu sa kanmu: Pagpakarayu kawu sa kasalanan ag pagbuwat mayad, ag pagmaawaun kawu sa manga pugri. Nu buwatun nimu inda barang pumirmaminti kawu abunda.”

Matiyu 5:41

Nu pagpilitun kawu sundalu kuntay pas-ana yi nimu kay dara tugka sa usa ka kilumitru, pas-ana waya gid nimu tugka ngap duwa ka kilumitru.

Lukas 11:41

Kailangan ipakaun niyu sa manga pugri kay sukad niyu manga taya bag-u udyi may daut sa kanyu surundanun.

Ruma 12:20

Bagkus ngap, “Nu magkalun-us kanmu kalaban, pakan-a nimu. Nu magkauwaw painma nimu. Nu katunda mangay-a siya sa kay sadili.”

Hibriyu 13:16

Danga nita pagkalimti ti pagbuwat mayad hanggan ti pag-awat sa iba, dahil inda pag handug ti pagbayaun Diyus.

Hibriyu 6:10

Dahil ti Diyus matadlung ag unman pagkalimtan niya kanyu kasipagan hanggan kanyu pagmahal sa kay ngaran. Makitan yi waydi kanyu pagmahal sa Diyus dahil sa kanyu magsirbi sa manga magsarig sa kanya una kaybi ginan hanggan taynguna tugka.

Santiyagu 1:27

Kainda ay di ti pagkamatadlung ti kailangan ag pagbayaun nita Diyus Ama, nu ti tawu mag-awat sa manga ilu hanggan sa manga babayi buranday sa kanda kakurian, ag nu mainingatun siya sa kay sadili bilug hampay balaw madara sa daut pag ugali kalibutan inda.