Matiyu 5:39 - Hanunuu

³⁹ Dapat kainda kang pagsabihun sa kanyu, danga niyu paggantihi ti daut pag tawu. Nu sampalun tawu kanmu sikun pingi, iatubang maan nimu kay baliw pingi.

Matiyu 5:39 Iomraidhean Croise

1 Hari 22:24

Pinmakarani si Sidikyas sa kan Mikaya ag sinampal inda. Magkun si Sidikyas, “Kabitay nimu magkasabi ti Ispiritu Panginuun nighit sa kangku ag nagpakihampang sa kanmu?”

Hub 16:10

“Pagpuyaan ag pagkasarin-an aku manga tawu. Tinangpa nida aku hampay mangay-a. Nagka-usa sida sa paglaban sa kangku.

Kabagawan 20:22

Danga kawu magbalus. Pagsarig kawu sa Panginuun, ag awatan niya kawu.

Kabagawan 24:29

Danga kawu magsabi, “Balusan niku siya sa kay binwat sa kangku. Buwatun diman niku sa kanya kay binwat sa kangku.”

Isayas 50:6

Isinarangu niku kang dayu sa manga nagbakul sa kangku ag isinarangu diman niku kang uyahun sa manga nag-ayit kang bungut. Pinabay-anan niku sida pakay-ahun aku hanggan bug-anan kang uyahun.

Karukuan 3:30

Nu may manampal sa kanmu, iatubang waya nimu kay baliw pingi. Ag tanggapa ti puya nimu manga kalaban.

Libitiku 19:18

Danga kamu magbalus hanggan magdumut sa iba, bagkus ngap mahalun niyu kanyu kaparihu parihu sa kanyu magmahal sa kanyu sadili. Aku ti Panginuun.

Mikas 5:1

Manga taga Hirusalim, alistuhan niyu kanyu manga sundalu, dahil nasangputan yi kamu manga kalaban. Bakulun nida sugkud ti uyahun takinan Israil.

Matiyu 5:40

Nu kawu ipaatubang tawu sa husgadu hampay mab-ul niya kanmu balukas, ipakaun yi lang nimu hanggan kanmu kulimpay.

Lukas 22:64

Tinakluban nida kay mata bag-u pinaingana nida siya, “Pintua nimu hintay ti nagbakul sa kanmu?”

Lukas 6:7

Tiniidan si Hisus manga manugtudlu Kasuguan hanggan manga Parisiyu nu ngatay paayadun niya tunda pag tawu sa Sirang Pamahari, hampay nu may makitan puruyba laban sa kanya, isumbung yi siya.

Huwan 18:23

Sinmagut si Hisus sa kanya magkun, “Nu daut kang binagaw, patutuuhani nimu. Dapat nu tama kang binagaw, hayga aku kanmu sinampal?”

1 Kurintu 6:7

Taynguna duy, nakan kamu magkarasabaan dahil tutuu gid kurang kanyu magmalahalan sa magtar-arian sa Panginuun. Hayga unman bagkus kanyu pag-agwantahun nu may magbuwat kalukuhan sa kanyu? Hayga lugud kamu unman magpatalu yi lang?

1 Tisalunika 5:15

Una si unu sa kanyu danga magbalus sa manga magbuwat daut sa kanyu, bagkus ngap parargu kamu sa pagbuwat mayad sa usa kag sa usa hanggan sa tanan tawu.

Hibriyu 12:4

Sa kanyu maglaban sa kasalanan, udwaya nabuhus kanyu dugu sa kamatayan.

Santiyagu 5:6

Kanyu sinintinsiyahan bag-u ipinamatay ti manga tawu una unman may kasalanan ag unman sida naglaban sa kanyu.

1 Pidru 3:9

Danga gantihi daut ti tawu nu magbuwat daut sa kanyu. Danga niyu murahun ti magmura sa kanyu. Bagkus ngap idarangin niyu sida hampay papaladan sida Diyus. Dahil pinili kamu Diyus hampay makatanggap papalad ginan sa kanya.