Matiyu 5:34 - Hanunuu

³⁴ Dapat ay kang gid pagsabihun sa kanyu, danga yi lang kamu magsumpa nu magtaratu. Danga paghinangbita ti langit, dahil imaw ti ulian Diyus.

Matiyu 5:34 Iomraidhean Croise

Kanta 11:4

Ti Panginuun ati sa kay banal pag Balay; ati sa langit sa kay tukawan hari. Pagbantayan niya ag pag-usisaun ti tanan tawu.

Manugtudlu 9:2

Parihu lang ti ras-ugan tanan kalasi tawu — ti matadlung ag ti magkagalit, ti mayad ag ti daut, ti malumpiyu ag ti mayagting, ag ti maghandug ag ti unman maghandug. Parihu lang ti mayad pag tawu ag ti makasalanan, ag parihu lang ti magsumpa ag ti unman magsumpa.

Isayas 57:15

Inda waya ti pagsabihun Kaabwat-abwatan pag Diyus, ti Banal pag Diyus buhi hanggan aban: “Mag-uli aku sa abwat ag banal pag rugar, dapat mag-uli diman aku kaibahan manga tawu mapinakumbabaun ag mapinatawadun, hampay sida kang pabisugun.

Isayas 66:1

Inda ti pagsabihun Panginuun, “Ti langit kang tukawan hari, ag ti daga kang tarat-an lulud. Nakan hintay pag kalasi balay ti ipatindug niyu para sa kangku? Naan niyu aku pag-ipahari pag rugar?

Binwat 7:49

‘Sinabi Panginuun, sa langit aku pag matukawan hampay maghari. Ti daga waydi tarat-an niku manga lulud. Kabitay waya pag kalasi balay kanyu mipatindug hampay kang ulian, aw ngatay kang paraharyan?

Santiyagu 5:12

Dapat lalu waya manga patar-ari niku, danga kamu magpanumpa nu kamu magtaratu, danga paghinangbita ti langit hanggan ti daga, una lang hintay. Kang-ud yi waydi nu sabihun niyu, “Hu ngani”, nu hu. Sabihun niyu “Unman”, nu unman waydi, barang pihuun kamu Diyus kanyu daut kanyu mayad.