Matiyu 5:30 - Hanunuu

³⁰ Nu kanmu sikun kamang waydi ti magpatalang sa kanmu tag sa kasalanan, pulda yi lang bag-u yamtan. Dahil mayad waya ti madura kanmu usa ka gamit bilug, danga lang kanmu buu bilug ti miyamut sa impirnu.”

Matiyu 5:30 Iomraidhean Croise

Matiyu 11:6

Papaladan Diyus ti tawu unman mag-alinlangan sa kangku.”

Matiyu 13:21

Dapat maaw unman nidna tunda sa kanda tagipusuun, nakan unman sida dinmugay. Pagka rinmas-ug ti manga kakurian, ti manga pag-unuunu dahil sa Bagaw Diyus, bigla lang inmalinlangan.

Matiyu 16:23

Napasrangu si Hisus sa kan Pidru magkun, “Pagpakarayu yi kawu, Satanas! Mag-ampara kawu sa kang turunu. Ti kanmu pag-isipun bukun angay sa Diyus nu unman angay lang sa tawu.”

Matiyu 17:27

Dapat ay una katida, pag-atag kawu sa danaw, itaplik nimu kanmu banwit. Bul-a nimu ti kabag-u nimu bulay pag isda, pangangaha nimu kay bibig bag-u may makitan kawu usa ka kuwarta pilak. Bul-a nimu tunda ibayad nimu sa buhis nita duwa hampay unman sida may ikadaut sa kanta.”

Matiyu 18:8

“Nu kanmu kamang una lulud tigpaturun sa kanmu tabug sa kasalanan, pulda yi nimu tunda, yamtan yi. Mayad waya nu rumas-ug kawu sa langit may pulud ngatay kamang ngatay lulud, sayang waya nu kawu may duwa ka kamang, may duwa ka lulud bag-u iyamut sa udyi magkapsa pag apuy hanggan waya aban.

Matiyu 22:13

Bag-u sinabi hari sa manga suruguun magkun, ‘Gapusa niyu kay manga lulud hanggan kamang bag-u iyamut niyu siya tag sa madlum sa luwas. Ati sida magnguruynguyan ag mangubut kanda manga ngipun.’ ”

Matiyu 25:20

Nagpakarani ti nakatanggap lima ka libu. Magkun siya, ‘Amu, inda duy ti lima ka libu kanmu ipiniyar sa kangku. Inda waya gid ti lima ka libu kay tubu.’

Matiyu 26:31

Sinabi ni Hisus sa kanda magkun, “Taynguna pag yabi kamu tanan umalinlangan sa kangku parihu sa pagsabihun Diyus sa Banal Kasuratan magkun, ‘Matyun niku ti manug-alaga karanidu, bag-u mangalat ti manga karanidu.’

Matiyu 5:22

Dapat kang pagsabihun sa kanyu, ti kada magkutub daut sa kay patar-ari, parusahan diman. Una si unu ti magpuya sa kay patar-ari, daka kay saragtun sa atubangan Katipunan manga Pinunu. Una si unu ti magsabi sa kay patar-ari, ‘Buang kawu’ iyamut gid siya sa impirnu.

Matiyu 5:29

Nu kanmu sikun mata ti magpatalang sa kanmu naisipan atag sa kasalanan, luwata nimu bag-u yamtan. Dahil mayad waya ti madura kanmu usa ka gamit bilug, danga lang ngap kanmu buu bilug ti miyamut sa impirnu.

Markus 9:43

Nu kanmu kamang tigpaturun sa kanmu tabug sa kasalanan, pulda yi nimu tunda. Mayad waya nu rumas-ug kawu sa langit usa lang kanmu kamang, sayang waya nu kawu may duwa ka kamang bag-u kawu atag sa impirnu.

Lukas 12:5

Dapat kang ipakilala sa kanyu nu sitapu ti kanyu kailangan pagkadalaan. Ti kanyu kadalaan ti Diyus gid. Dahil nu minatay niya ti usa ka tawu, may kapangyarihan siya hampay kay iyamut waya sa impirnu. Tutuu kang pagsabihun sa kanyu kailangan kamu pagkadala gid sa kanya.

Lukas 17:2

Mayad waya pag tawu nu higtan bitinan galingan batu kay liug bag-u ilagpak sa abasad pag dagat, sa ud pumaturun siya atag sa kasalanan sa inda pag manga dariit anak magsarig sa kangku.

Ruma 9:33

imaw ti nisurat sa Banal Kasuratan magkun, “Nagpauli aku sa banwa Siun usa ka batu karadayaanun, laun pag batu kanda matalakpahan. Dapat balaw mibuyu una si unu pag tawu nu sumarig sa kanya.”

1 Kurintu 8:13

Nakan ngani nu ginan sa kang magkaun, magkasala kang patar-ari, nu katunda dayi lang aku mangaun taguban hampay siya balaw magkasala.

Galasya 5:11

Manga patar-ari, nu abi ga kanda pagkumnun ungud pag-itudlu niku kuntay kailangan turiun ti tawu, hayga pag-unuunuhun diman aku taynguna tugka? Nu abi tutuu tunda kang pag-itudlu, udyi mana pagkadat-an manga tawu kang pag-itudlu tungkul sa kay kamatayan ni Kiristu sa kurus.

1 Pidru 2:8

Ag “Ibinugtang ti usa ka batu karadayaanun, laun pagka batu kanda matalakpahan.” Ga nadayaan yi ngani sida, dahil unman sida naniwala sa Bagaw Diyus. Tunda yi ngani ti inalistu para sa kanda.