Matiyu 5:3 - Hanunuu

³ “Papaladan Diyus ti manga tawu nu udyi may pagsarigan sa kanda sadili, dahil sa kanda ti kaharian langit.

Matiyu 5:3 Iomraidhean Croise

2 Krunika 33:12

Sa kay kakurian, nagpakumbaba gid siya kay sadili ag nagpaawa-awa sa Panginuun niya Diyus, kuntay siya diman ti Diyus niya manga ginurang.

2 Krunika 33:19

Kay darangin hanggan ti sagut Panginuun sa kanya, hanggan ti tanan niya kasalanan ag paglabag sa Panginuun, nakasurat sa ribru manga Purupita. Nakalista diman sitay ti manga rugar pinatindugan niya manga simbahan, manga tulduk tanda diyusa si Asira, ag iba waya pag manga diyus-diyusan, bag-u waya siya nagpakumbaba sa Diyus.

2 Krunika 33:23

Dapat balaw parihu sa kay ama, unman siya nagpakumbaba sa Panginuun. Bagkus ngap, dinugangan waya gid niya kay kasalanan.

2 Krunika 34:27

Pinatingihan niku kanmu darangin, dahil nag-ampu kawu ag nagpakumbaba sa atubangan niku pagka nadnugan nimu ti sinabi niku laban sa inda pag rugar ag sa manga mag-uli sitay. Ginisi nimu waya kanmu rutay ag nanlumi sa kang atubangan bilang pagpakakit karukuan nimu. Nakan aku, ti Panginuun, magsabi

2 Krunika 7:14

ag nu ti manga nasakupan kang tinawag pumakumbaba, mandarangin, mandangup sa kangku, ag pumatlikud sa pagbuwatun nida kadautan, patingihan niku sida ginan sa langit ag patawadun kanda manga kasalanan, ag papaladan niku maan kanda daga.

Hub 42:6

Nakan magkay-a aku sa tanan niku manga binagaw tungkul sa kanmu, ag pag-iampu niku sa panab-anan pagtukaw sa galbuk hanggan sa dapug.”

Kanta 1:1

Mapalad ti tawu balaw magkabuhi sa patigayun daut pag tawu, balaw magsunud sa pagbuwatun manga makasalanan, balaw magpaamut sa manga tawu marapuya.

Kanta 112:1

Dayawun ti Panginuun! Mapalad ti tawu nu maggalang sa Panginuun ag magbaya gid magsunud sa kay manga sugu.

Kanta 128:1

Mapalad kamu pag manga maggalang sa Panginuun, magkabuhi sa kay manga sugu.

Kanta 146:5

Mapalad ti tawu nu kay awat ginan sa Diyus ni Hakub, nu kay pagsarig asan sa Panginuun niya Diyus,

Kanta 2:12

Sunda niyu kay pinili pag hari, dahil nu unman, barang kadaka mangisug siya ag rargu ipadamhak niya kamu. Mapalad ti kada tawu maghagad awat sa Panginuun.

Kanta 34:18

Arani ti Panginuun sa manga may karukuan kay tagipusuun. Pag-iribri niya ti manga nabul-an pag-asa.

Kanta 41:1

Mapalad ti tawu magpasunaid sa manga pugri. Awatan siya Panginuun sa udas kakurian.

Kanta 51:17

Diyus, ti handug makapasulung sa kanmu, imaw ti buhi mapinakumbabaun ag mag-ampu sa kay manga kasalanan. Inda pag kalasi handug balaw nimu pagbugyahan.

Kanta 84:12

Panginuun Makamaskihan, mapalad ti manga magsarig sa kanmu.

Kabagawan 16:19

Mayad man ti magkabuhi mapinakumbabaun kaibahan ti manga pugri kaysa manhururayan manga tinakawan pag bagay kaibahan ti manga mayabang.

Kabagawan 29:23

Ti kayabangan tawu makapakaun sa kanya kakay-ahan, dapat ti pagpakumbaba tawu makapakaun sa kanya kadayawan.

Kabagawan 8:32

Nakan taynguna manga anak, patingihi niyu aku, dahil mapalad ti manga magsunud sa kang manga palakaw.

Isayas 30:18

Dapat mag-alagad ti Panginuun kamu pumakarani sa kanya hampay kaawaan niya. Alistu di siya iparanas sa kanyu kay pasunaid. Dahil ti Panginuun imaw ti Diyus matadlung, mapalad ti magsarig sa kanya.

Isayas 57:15

Inda waya ti pagsabihun Kaabwat-abwatan pag Diyus, ti Banal pag Diyus buhi hanggan aban: “Mag-uli aku sa abwat ag banal pag rugar, dapat mag-uli diman aku kaibahan manga tawu mapinakumbabaun ag mapinatawadun, hampay sida kang pabisugun.

Isayas 61:1

Ti Ispiritu Panginuun Diyus sa kangku. Dahil pinili niya aku hampay manudlu mayad pag barita sa manga makuri. Sinugu niya aku hampay libangun ti manga nabiyagan kay tagipusuun ag para ibarita sa manga bihag hanggan sa manga pirisu sida malaya yi.

Isayas 66:2

Unman aw aku ti nagbuwat sa tanan bagay. Aku ti Panginuun ti magsabi inda. “Pagpahalgaan niku ti manga tawu mapinakumbabaun, marapatawad, ag magkadala sa kang manga bagaw.

Mikas 6:8

Sinmagut si Mikas: “Tinudluan yi kita Panginuun nu hintay ti mayad. Inda ti gustu niya buwatun nita: Buwatun nita ti matadlung, palabihun nita ti maawaun sa iba ag pagmapinakumbabaun kita sa pagsunud sa kanta Diyus.”

Matiyu 11:25

Sa ati katpung magkun si Hisus, “Magpasalamat aku sa kanmu, Amang, kawu ti Panginuun sa langit hanggan sa daga. Magpasalamat aku dahil unman ipinaalam nimu inda pag manga bagay sa manga madunung ag sa manga mapininsarun, ipinakilala ngapu nimu sa manga tawu ga anak kay tagipusuun.

Matiyu 11:6

Papaladan Diyus ti tawu unman mag-alinlangan sa kangku.”

Matiyu 13:16

“Pinapaladan kamu Diyus, dahil maghiling kanyu manga mata, magdungug kanyu manga tuli.

Matiyu 19:14

Dapat ay magkun si Hisus, “Pabay-ani duy niyu ti manga anak magpakarani sa kangku, danga yi niyu pag-irangi. Dahil ti ga manga anak imaw ti pagharian Diyus.”

Matiyu 24:46

Masulung tunda pag panawuhun nu maras-ugan siya magtupad sa kay buruwatun sa kay pagbalik niya amu.

Matiyu 25:34

Kumumun ti Hari sa manga tawu sa sikun baliwa, ‘Abala duy kamu, kamu pinapaladan niku Ama. Manaha yi niyu ti kaharian inalistu para sa kanyu ginan waya sa kabag-u pagkalalang kalibutan.

Matiyu 3:2

“Iampu yi niyu kanyu kasalanan, dahil udyi dugay rumas-ug yi ti kaharian langit.”

Matiyu 8:11

Tandai niyu mayamu waya ti rumas-ug ginan sa butlakan hanggan ginan sa isalpan hampay dumulud atag sa karan-an kasaru nida ni Abraham, ni Isaak hanggan ni Hakub sa kaharian langit.

Markus 10:14

Pagka nakitan ni Hisus, nag-isug siya. Sinabi niya sa manga tuludluan, “Pabay-ani niyu ti manga anak magpakarani sa kangku. Danga yi niyu pag-irangi. Dahil ti ga anak imaw ti pagharian Diyus.

Lukas 11:28

Dapat sinabi ni Hisus, “Lalu waya papaladan Diyus ti manga tawu nu magpatingi sa kay bagaw bag-u kanda pagtupadun.”

Lukas 18:14

Magkun si Hisus, “Pagsabihun niku sa kanyu, nuli yi inda pag lalaki pinakan-an siya kahusayan sa atubangan Diyus, dapat tunda pag Parisiyu unman. Dahil ti kada magpalabaw-labaw ipaababa. Dapat tigpakumbaba, ipaabwat ngap Diyus.”

Lukas 22:29

Nakan kamu kang pakan-an karampatan hampay maghari aban parihu sa ipinakaun Ama sa kangku karampatan hampay maghari.

Lukas 22:30

Nu maghari yi aban aku kamu kumaun sa kang lamak ag uminum. Kamu aban tumukaw sa manga tukawan hari, bistahun niyu ti sampulu may duwa ka linahi ni Israil.”

Lukas 4:18

“Ti Ispiritu Panginuun nangulian sa kangku, dahil pinili niya aku hampay magtudlu Mayad pag Barita sa manga pugri. Sinugu niya aku hampay ibarita sa manga sa pirisuhan sida makaribri, hanggan sa manga buta sida humiling, ag hampay iribri ti manga naapi.

Huwan 20:29

Sinabi ni Hisus sa kanya magkun, “Nakan aw kawu maniwala yi dahil nakitan nimu aku? Masulung gid ti manga magpaniwala una unman mag-akitan nida aku.”

Diyuturunumiyu 8:2

Isipa niyu nu kabitay kamu inibahan Panginuun niyu Diyus sa kanyu maglakaw sa pangawakawaan sa sulud upatpulu ka timpu. Binwat niya inda hampay kamu pumakumbaba ag sinubukan kamu hampay maalaman nu hintay gid ti basad niyu tagipusuun, nu tupadun niyu kay manga sugu ngatay unman.

Santiyagu 1:10

Pagbaya waydi ti patar-ari mayaman nu apinaababa siya Diyus, dahil ti mayaman may kaduraan di parihu sa busang ilamnun.

Santiyagu 1:12

Papaladan Diyus ti tawu nu marig-un sa kay pagsarig una may paglakawan siya pagsubuk. Pagka nakalawuy yi sa pagsubuk, makatanggap siya buhi unman may katapusan, imaw kay atinaratu Panginuun pag pirimyu sa manga magmahal sa kanya.

Santiyagu 2:5

Isipa gid niyu, mahal niku pag manga patar-ari, pinili Diyus ti manga pugri sitay sa kalibutan hampay sida manga mayaman yi sa pagsarig, kaibahan yi niya sa kay maghari angay sa kay itinaratu sa manga magmahal sa kanya.

Ipinakakit 19:9

Sinabi anghil sa kangku, “Isurat nimu inda: Mapalad ti manga binan-awan sa karan-an sa pamasaruhan Anak Karanidu.” Kay sabi waya anghil sa kangku, “Inda ti tutuu pag manga bagaw Diyus.”

Ipinakakit 22:14

Papaladan Diyus ti maglumpiyu kanda manga rutay, pakan-an sida karampatan hampay makakaun burak kayu makapakaun tutuu pag buhi ag hampay makasulud sa banwa lakaw sa kay manga puwirtahan.

Ipinakakit 3:17

Pagsabihun nimu kuntay kawu mayaman, unman may kurang, may kang-ud kawu sa tanan bagay. Dapat unman nimu alam anung anung kaawaawa kawu masyadu, kapugrihan yi, ga lilus yi ag buta waya kawu.