Matiyu 5:24 - Hanunuu

²⁴ tayaki dapu nimu kanmu handug sa arani harandugan sa Diyus, pag-ati dapu sa kanmu patar-ari pagpakihampang sa kanya. Bag-u pagbalik maan kawu, bag-u di maghandug sa Diyus.

Matiyu 5:24 Iomraidhean Croise

Hub 42:8

Nakan kainda pagbuul kamu pitu ka tudu baka ag pitu ka karanidu lalaki bag-u pag-atag kamu sa kan Hub, ihandug niyu inda bilang handug pagsunugun para sa kanyu sadili. Mandarangin si Hub para sa kanyu ag dungugun niku kay darangin; balaw niku kamu parusahan angay sa kanyu balaw may namuangan. Unman bay kamu nagbagaw kang-ud tungkul sa kangku parihu sa binuwat ni Hub, kang manugsirbi.”

Kabagawan 25:9

Nu may aratwan kamu sa kanmu kaparihu, ayusa lang niyu duwa, dapat danga pagtultulan sa iba ti lihim niyu kada usa.

Matiyu 23:23

“Kaawaawa kamu pag manga manugtudlu Kasuguan hanggan manga Parisiyu, magpabalhinguun lang kamu! Dahil kamu magpakaun ikasampulu manga pamanglu sa upi hanggan tanan manga urupiun, dapat unman niyu pagtupadun ti mas mahalaga pag sugu tungkul sa katadlungan hanggan sa maawaun ag matinupadun. Dahil magpakampi kamu sa kadautan, unman kamu maawaun, unman diman matinupadun. Balaw salan kamu sa kanyu magpakaun ikasampulu, dapat danga waydi niyu paglimti pagtupada ti mas mahalaga pag manga sugu.

Matiyu 5:23

Nakan ngani nu magtibu kawu kanmu handug sa Diyus tag sa harandugan bag-u maalaala nimu may daut naisipan kanmu patar-ari sa kanmu,

Markus 9:50

Mayad ti asin dapat ay nu manab-ang ti asin hintay waya kanyu itimpala? Ag nu kabitay ti asin mag-awat sa kanta, kailangan pag parihu diman kamu sa asin mag-awat sa usa kag usa hampay mayad ti magparakiusahan.”

1 Kurintu 11:28

Dapat pag-usisa ti tawu sa kay sadili barang may kasalanan, bag-u di kumaun tinapay ag uminum sa ungut.

1 Timutiyu 2:8

Kang gustu ngani ti manga lalaki una naan pag rugar nu magdarangin kailangan ipaabwat nida kanda manga kamang tag sa Diyus, ipasakup nida lubus sa Diyus kanda naisipan, danga may galit hanggan magtalaluhan.

Santiyagu 5:16

Nakan ngani isabi niyu kanyu manga kasalanan sa usa kag sa usa, bag-u pagdararanginan kamu sa usa kag sa usa agud kamu paayadun. Daka kay magkabuwat ti darangin tawu matadlung.