Matiyu 5:22 - Hanunuu

²² Dapat kang pagsabihun sa kanyu, ti kada magkutub daut sa kay patar-ari, parusahan diman. Una si unu ti magpuya sa kay patar-ari, daka kay saragtun sa atubangan Katipunan manga Pinunu. Una si unu ti magsabi sa kay patar-ari, ‘Buang kawu’ iyamut gid siya sa impirnu.

Matiyu 5:22 Iomraidhean Croise

Gimpuunan 37:4

Dapat igu napansin manga patar-ari ni Husi mas mahal siya nida ama kaysa kanda, nagalit sida sa kan Husi ag binagawan marasakit pag bagaw.

Gimpuunan 37:8

Magkun kay manga patar-ari, “Hintay duy? Humari aw kawu ag manpangulu sa kanmi?” Nakan lalu waya gid sida nagalit sa kan Husi.

2 Samwil 16:7

Inda kay manga sinabi sa kan Dabid: “Danga kawu magsulud sa kanmi banwa, manugmatay tawu ag daut kawu pag tawu!

2 Samwil 6:20

Pagka nuli si Dabid hampay papaladan kay magtal-anakan, sinulang siya ni Mikul kay anak ni Saul ag sinabihan, “Masulung taynguna pag sirang para sa kagalang-galang pag hari Israil! Magsayaw siya ati ga maubahan yi sa atubangan manga babayi suruguun niya manga takinan, unman siya magkay-a!”

2 Krunika 16:10

Dahil siti, masyadu nagalit gid si Asa sa purupita, nakan inda kay ipinapirisu. Ag sa tida diman pag udas, nag-umpisa pinakurianan ni Asa kay iba niya manga nasakupan.

2 Krunika 19:5

Nagpauli siya manga manughusay sa kada may alad batu pag banwa sa Huda.

Nihimyas 5:8

Magkun aku, “Pagsikapun gid nita malukat kanta kaparihu manga Hudiyu nagpabili kanda sadili bilang panawuhun sa manga day-uhan. Dapat taynguna, dahil sa kanyu pagbuwatun, magkapilitan diman sida magpabili kanda sadili bilang panawuhun. Pirmi yi lang aw lugud nita sida pagpakalukatun?” Naghim-ung yi lang sida dahil unman sida may maidahilan.

Kanta 109:3

Pirmi nida aku pagsabihan daut una unman may kadahilanan.

Kanta 14:1

Magkun ti manga kurang kay intindi sa kanda sadili, “Unman may Diyus!” Daut sida ag mayagting kanda manga pagbuwatun. Una di usa sa kanda unman magbuwat mayad.

Kanta 25:3

Ti magsarig sa kanmu balaw mangay-a, dapat ti maradaya mangay-a ngap.

Kanta 35:19

Danga pagpahintuluti makabaya kang manugdaya pag manga kalaban sa kang kadamhakan. Danga pagpahintuluti puyaan aku manga magkagalit sa kangku balaw may singyanan.

Kanta 37:8

Danga kawu magkagalit ngatay magkadaut sa kanda. Danga kawu magkasamuk, dahil makapadaut lang tunda sa kanmu.

Kanta 49:10

Dahil mag-akitan tanan una ti manga madunung magkaramatay, katunda diman ti manga unman may intindi ag manga maganit kay ulu. Ag nu mamatay yi sida tayakan lang nida kanda kayamanan sa iba.

Kanta 69:4

Mayamu ti maglaban ag magkaibug mumatay sa kangku sa balaw may kadahilanan. Mas mayamu waya sida sa kang buhuk. Pagpilitun nida aku ulian ti manga bagay balaw niku tinakaw.

Kanta 7:4

ngatay binalusan niku daut ti mayad pag binwat niku kakilala, ngatay inagawan niku manga kasiyunan kang manga kalaban sa unman waydi may kadahilanan,

Kanta 92:6

Balaw masalman manga kurang kay intindi ngatay manga maganit kay ulu,

Kabagawan 14:16

Ti madunung pag tawu magdahan sa kay sadili ag mag-aman sa gulu, dapat ti unman may intindi pag tawu balaw magdahan bagkus ngap harus-harus.

Kabagawan 18:6

Ti manga pagbagawun unman may intindi pag tawu makapaumpisa arawayan ag makapakaun kakurian sa kay sadili.

Hirimyas 17:11

Ti tawu nagyaman sa daut pag paraan parihu sa manuk mag-ukub sa balaw kanya pag itlug. Aban sa uryan, sa pangatungaan niya buhi, madura kay kayamanan ag mapatutuuhanan siya busal.”

Karukuan 3:52

Ga parihu aku sa manuk linagas niku manga kalaban una unman aku may nabwat salan sa kanda.

Danyil 3:13

Pagka tunda nadnugan hari masyadu gid kay pangagalit. Nakan ipinatawag niya sida ni Sadrak, ni Misak, ag ni Abidnigu.

Danyil 3:19

Dahil sa kanda sagut, nag-amat di kay pangagalit hari sa kanda, ag makitan inda sa kay uyahun. Nakan nagsugu siya kuntay painita waya gid ti pugun makapitu ka bisis.

Ubadyas 1:10

“Dahil sa kanyu kahigpitan sa kanyu kalahi, sa linahi ni Hakub, miuli kamu sa kakay-ahan ag rurisun hanggan aban.

Ubadyas 1:12

Balaw kamu dapat nagbaya sa udas kadamhakan niyu manga linahi taga Huda. Balaw kamu dapat nagbaya sa udas nida pagkaruris. Ag balaw kamu dapat nagpadayaw sa udas nida kakurian.

Matiyu 10:17

Pag-aman kamu, dahil dakpun kamu manga tawu bag-u darahun tag sa Katipunan manga Pinunu. Litusun nida kamu sa simbahan manga Hudiyu.

Matiyu 10:28

Danga niyu kadalai ti magmatay sa bilug balaw makamatay sa karadwa. Dapat kadalaan niyu ti makamatay sa karadwa hanggan bilug sa impirnu.

Matiyu 12:24

Dapat ay pagka nadnugan manga Parisiyu, magkun sida, “Makapalwas manga labang tunda pag tawu dahil may kapangyarihan siya ginan sa kan Biilsibul, ginan sa hari manga labang.”

Matiyu 17:5

Sa kay di waya magbagaw hinamuyan sida masinay pag rurum. May nagbagaw ati ginan sa rurum magkun, “Inda kang pagmahalun pag Anak, siya lubus kang pagbayaun. Patingihi gid niyu siya.”

Matiyu 18:21

Nagpakarani si Pidru nagpaingana sa kan Hisus magkun, “Panginuun, manga pira ka pagpatawad niku sa kang patar-ari nu paulit-ulit siya magkasala sa kangku? Pitu aw duy ka pagpatawad?”

Matiyu 18:35

Katunda diman waydi kay buwatun sa kanyu niku Ama sa langit nu balaw lubusan patawadun niyu kanyu patar-ari.”

Matiyu 23:15

“Kaawaawa kamu pag manga manugtudlu Kasuguan hanggan manga Parisiyu, magpabalhinguun lang kamu! Magsakay kamu sa sarakyan sa dagat magpalibut-libut kamu sa bilug kalibutan hampay magpanggarya kamu sa una lang usa ka balaw Hudiyu tabug sa surundanun Hudiyu. Pagka nagarya yi niyu lalu ngap kanyu pagpabuywun tag sa kadautan sa impirnu.

Matiyu 23:33

“Kamu ga manga ulay, linahi manga udtu adlaw. Kabitay kamu pag makaiwas sa sintinsiya tabug sa impirnu?

Matiyu 25:41

“Kumumun maan ti Hari sa manga tawu sa wala baliwa, ‘Pagpakarayu kamu sa kangku ginan, kamu ti manga sinaadan, pag-ati kamu sa apuy unman magkapsa inalistu para sa diyablu hanggan sa kay manga anghil.

Matiyu 26:59

Ti manga pangulu manughandug hanggan ti buu Katipunan manga Pinunu naghanap manga kastigus pudilun laban sa kan Hisus hampay masintinsiyahan siya sa kamatayan.

Matiyu 3:17

Bag-u may nagbagaw ginan sa langit magkun, “Inda kang pagmayadun gid pag anak, siya lubus kang pagbayaun.”

Matiyu 5:34

Dapat ay kang gid pagsabihun sa kanyu, danga yi lang kamu magsumpa nu magtaratu. Danga paghinangbita ti langit, dahil imaw ti ulian Diyus.

Matiyu 5:44

Dapat kainda maan kang pagsabihun, mahalun niyu kanyu manga kalaban, idarangin gid niyu ti mag-unuunu sa kanyu,

Markus 14:55

Ti manga pangulu manughandug hanggan ti buu Katipunan manga Pinunu naghanap kastigus laban sa kan Hisus hampay sintinsiyahan siya sa kamatayan. Dapat unman sida may mag-akitan.

Markus 15:1

Pagka surip, nagpululungan dapu ti manga pangulu manughandug, ti manga paggurangunun manga Hudiyu, ti manga manugtudlu Kasuguan hanggan ti Katipunan manga Pinunu. Bag-u kanda pinagapus si Hisus, kanda dinara, ipinabahala yi sa kan Pilatu.

Lukas 12:5

Dapat kang ipakilala sa kanyu nu sitapu ti kanyu kailangan pagkadalaan. Ti kanyu kadalaan ti Diyus gid. Dahil nu minatay niya ti usa ka tawu, may kapangyarihan siya hampay kay iyamut waya sa impirnu. Tutuu kang pagsabihun sa kanyu kailangan kamu pagkadala gid sa kanya.

Lukas 22:66

Pagka nasirang yi nagtiripun ti manga paggurangunun manga Hudiyu hanggan ti manga pangulu manughandug hanggan ti manga manugtudlu Kasuguan. Bag-u apinaatubang nida si Hisus ati sa kanda Katipunan.

Huwan 11:47

Nakan nagtiripun ti manga Parisiyu, ti manga pangulu manughandug hanggan ti manga Katipunan manga Pinunu bag-u sida nagpululungan magkun, “Hintay kanta buwatun? Dahil mayamu pag manga makapangyarihan pag tanda kay pagbuwatun tunda pag tawu.

Huwan 15:25

Dapat nakan katida ti nangyari hampay matupad ti bagaw isinurat sa kanda Kasuguan, magkun, ‘Kinagalitan nida aku madi unman may ikasabi.’

Huwan 7:20

Nagsagut ti manga tawu, “Inapuan baga kawu labang. Hintay pag tawu tigkaibug magmatay sa kanmu?”

Huwan 8:48

Sinabi manga Hudiyu sa kan Hisus magkun, “Bukun ngap salan kanmi pagkumnun kawu Samaritanu, inapuan paman labang.”

Binwat 17:18

May manga manugtudlu sa Ipikuryu hanggan sa Istuyku pag kalasi adal, nangatadlungan sida sa kan Pablu. Sinabi manga iba, “Hintay nguna kay ibug sabihun tunda pag magpadunungun pag tawu?” Magkun maan ti manga iba, “Magtudlu banta siya tungkul sa manga diyus sa iba pag manga nasyun.” Nakan katida kanda pagsabihun, dahil pag-itudlu ni Pablu tungkul sa kan Hisus hanggan tungkul sa pagkabuhi uman.

Binwat 22:30

Gustu gid maalaman kumandir nu hintay ti pag-idimanda manga Hudiyu laban sa kan Pablu. Nakan pagka sa usa ka sirang pinatipun niya ti manga pangulu manughandug hanggan ti tanan manga Pinunu bag-u linbadan niya si Pablu kay pusas, ipinadugsun siya bag-u ipinaatubang sa Katipunan manga Pinunu.

Binwat 23:1

Nagturun si Pablu sa buu Katipunan manga Pinunu bag-u kay sinabi magkun, “Manga kaparihu niku Hudiyu, kaybi ginan hanggan taynguna tugka nag-ugali aku sa malumpiyu kang tagipusuun hanggan naisipan sa atubangan Diyus.”

Binwat 24:20

Dapat inda ngani ti nakasitay, pagsabi sida nu hintay pag kasalanan kanda nakitan sa kangku sa kanda magbista sa kangku sa atubangan nida Katipunan manga Pinunu.

Binwat 4:15

Sinabi Katipunan manga Pinunu sa kanda ni Pidru magkun, “Palwas dapu kamu.” Bag-u nagharampangan ti manga Pinunu.

Binwat 5:21

Nagpaniwala ti manga apustul sa bilin anghil, nakan surip-surip nag-ati yi sida sa Balay Diyus hampay manudlu. Pagka rinmas-ug ti pangulu manughandug sa Balay Diyus hanggan kay manga kaibahan, pinasuguan nida ti tanan paggurangunun manga Hudiyu hampay tiripun yi ti tanan Katipunan manga Pinunu. Bag-u kanda ipinab-ul ginan sa pirisuhan ti manga apustul.

Binwat 5:27

Pagka bin-ul yi manga pulis ti manga apustul, kanda ipinaatubang sida sa Katipunan manga Pinunu. Bag-u sinuyasid sida pangulu manughandug sa Balay Diyus magkun,

Binwat 6:12

Isinumbung nida si Istiban sa manga tawu, sa manga paggurangunun manga Hudiyu hanggan sa manga manugtudlu Kasuguan. Bag-u kanda dinusmugan si Istiban, kanda dinara tag sa atubangan Katipunan manga Pinunu.

Binwat 6:15

Tinurun gid si Istiban tanan manga Pinunu matukawan siyun. Nakitan gid nida kay uyahun bilang parihu ga uyahun anghil.

Binwat 7:37

“Si Muysis diman waydi ti nagsabi sa manga Israilita magkun, ‘Aban ipakaun Panginuun Diyus sa kanyu ti usa ka purupita kanyu diman kalahi, parihu diman ga kangku sinugu Panginuun.’

Ruma 12:10

Pagmalahalan kamu ga suud magtar-ari. Nu kabitay ti manga iba kanda pagpahalaga sa kanyu, paglalu waya daka kanyu magpahalga sa kanda.

1 Kurintu 6:10

ti manga magtakaw, ti manga maramuun, ti manga manuglangu, ti manga magmuransa hanggan ti manga manuglupig dayu gid sida masakup sa kay paghari Diyus.

1 Kurintu 6:6

Dapat bagkus ngap ti manga patar-ari magkarasabaan sa atubangan paman unman nakatanggap sa Panginuun.

Diyuturunumiyu 15:11

Balaw madura may manga pugri sa kanyu nasyun, nakan pagsuguun niku kamu pag mainawatun kamu sa kanda.

Diyuturunumiyu 16:18

“Pagpauli kamu manga manughusay hanggan manga takinan sa kada niyu lahi sa tanan banwa pag-ipakaun sa kanyu Panginuun niyu Diyus. Sida ti manhusay sa manga nasakupan sa balaw may pagpalabihun.

1 Tisalunika 4:6

Danga kamu magbuwat daut ngatay magdaya sa kanyu kaparihu, parihu sa magpanguragin niya asawa. Kanmi yi sinabi ag ipinaalam inda sa kanyu kaybi di waya, dahil parusahan Diyus una si unu ti magbuwat katunda.

Titu 3:2

Amparaha nimu sida magbagaw daut una sa kantapu. Iwasi nida ti mag-arawayan. Kailangan sida pagmaalumanay, lubus galanga nida ti tanan tawu.

Hibriyu 12:25

Nakan pagpatingi kamu kaayad-ayad sa kan Hisus magbagaw sa kanyu. Ti manga tawu kaybi unman nakaiwas sa kaparusahan nu sida nagbugya mamatingi sa kan Muysis namadakit sa kanda sitay sa babaw daga sa kay manga pagsabihun Diyus. Mas lalu kita dayu makaribri nu patlikudan nita ti magbagaw ginan sa langit.

Hibriyu 5:9

Natupad yi niya ti buu kagustuhan Diyus. Nakan ginan sa kanya pag makatanggap karibrihan unman may katapusan ti manga tawu nu magpaniwala sa kanya;

Santiyagu 2:20

Kawu duy kurang katna sa pag-intindi. Kanmu aw gustu ipaliwanag waya niku sa kanmu kuntay unman may gana pag sarig nu unman may tapil buwat?

Santiyagu 3:6

Ti dila ga usa waydi ka apuy, lubus yi sa kadautan, imaw ti magmaliw sa kanta buu bilug. Tunda ti pagsabihun pag apuy sa dila ginan ngani sa impirnu, pinamaktan niya ti kadungganan tawu.

1 Pidru 2:23

Una siya minuransa, unman siya nagganti. Una siya pinakurianan, unman siya tinmima. Nagsarig yi lang siya sa Diyus, sa madunung magpihu sa daut sa mayad.

1 Pidru 3:9

Danga gantihi daut ti tawu nu magbuwat daut sa kanyu. Danga niyu murahun ti magmura sa kanyu. Bagkus ngap idarangin niyu sida hampay papaladan sida Diyus. Dahil pinili kamu Diyus hampay makatanggap papalad ginan sa kanya.

1 Huwan 2:9

Nu may tawu magsabi kuntay siya sa marayaw yi, bag-u magkagalit diman sa kay patar-ari, siya sa kadudulman waya ngap hanggan kainda tugka.

1 Huwan 3:10

Sitay pag makilala ti manga anak Diyus ag ti manga anak diyablu. Una hintay pag tawu ti unman mag-ugali sa matadlung, unman siya anak Diyus, una ti tawu nu unman pagmahalun niya kay patar-ari, unman diman siya anak Diyus.

1 Huwan 5:16

Nu may maghiling sa kay patar-ari magbuwat kasalanan unman ikamatay, idarangin niya tunda pag patar-ari bag-u pakan-an siya Diyus buhi. Inda tungkul lang sa manga magkasala unman sa ikamatay. Dahil may kasalanan diman sa ikamatay. Balaw kang pagsabihun idarangin niya ti manga mag-buwat kasalanan sa ikamatay.

Hudas 1:9

Sa kanda katpung magtalaluhan diyablu tungkul sa bangkay ni Muysis ti pangulu anghil si Mikail unman nagpanghas nagbangdan sa diyablu. Sinabi lang niya sa diyablu, “Tamyawun kawu Panginuun.”

Ipinakakit 20:14

Bag-u ayinmut tag sa danaw apuy ti kamatayan hanggan ti ulian manga karadwa. Tunda pag danaw apuy imaw ti ikadwa pag kamatayan.