Matiyu 5:18 - Hanunuu

¹⁸ Ungud duy kang pagsabihun sa kanyu, madura di ti langit hanggan ti daga, dapat una lang usa ka pinakadiit pag bahagi Kasuguan ud madura hanggan sa ud matupad ti tanan-tanan manga isinurat siti.

Matiyu 5:18 Iomraidhean Croise

Kanta 102:26

Inda sida magkaradura, dapat kawu pumarargu diman. Magabuk sida tanan parihu sa rutay. Ag parihu diman sa rutay, ilisan nimu sida ag madura sida.

Kanta 111:8

Inda kay manga sugu parargu sa unman may katapusan, ag ipinakaun niya inda may katapatan ag katadlungan.

Kanta 119:152

Sa kang pag-adal sa kanmu manga tudlu, dugay yi pagnaalaman niku inda kanmu manga pag-itudlu binwat nimu hampay magparargu sa unman may katapusan.

Isayas 40:8

Ti ilamnun magkarubay ag kay busang inda magkarugnas, dapat ti bagaw nita Diyus pumirmaminti hanggan aban.”

Isayas 44:26

Dapat pagtupadun niku ti hula niku manugsirbi hanggan manga manugbarita. Pagsabihun niku ti Hirusalim ulianan uman, hanggan ti iba waya pag banwa Huda nagkaradaut utru maan ipatindug.

Isayas 51:6

Bantayi niyu ti langit hanggan ti kalibutan. Madura ti langit ga anus, madaut ti kalibutan ga rutay, mamatay ti manga nasakupan ga manga iyay. Dapat kang iayaw pag karibrihan pumirmaminti hanggan aban. Ti panalu ag katuwiran ginan sa kangku mapasa-kanyu hanggan aban.

Matiyu 10:15

Ungud duy kang pagsabihun sa kanyu, nu sa udas pagsintinsiya aban, subra waya pag kaparusahan ti malakawan manga tawu sa ati pag banwa balaw lang ga kanda nalakawan manga taga Suduma ag Gumura.”

Matiyu 10:23

Nu unu-unuhun kamu manga tawu sa usa ka banwa, pagpalagiw yi kamu tag sa usa maan ka banwa. Ungud duy kang pagsabihun sa kanyu, unman waya napalibut niyu ti tanan pag manga banwa sa Israil, rumas-ug yi aku, ti Anak Tawu.

Matiyu 10:42

Una si unu ti pumakaun una lang usa ka ungut danum maramig sa usa sa pinakaababa pag tuludluan niku, Ungud duy kang pagsabihun sa kanyu, pihu gid makatanggap siya pirimyu.”

Matiyu 11:11

Ungud duy kang pagsabihun sa kanyu, sa tanan nianak unman waya may linmuwang lalu waya mahalaga sa kan Huwan Manugtulbaw. Dapat sa kaharian langit ti pinakaababa pag tawu mataas man sa kan Huwan Manugtulbaw.

Matiyu 13:17

Ungud duy kang pagsabihun sa kanyu, aduk pag manga purupita hanggan manga matadlung pag manga tawu kaybi magkaibug mana makakit sa kanyu nakitan, dapat unman nakitan nida. Magkaibug sida mana makadnug sa kanyu mag-adnugan, dapat unman nida nadnugan.”

Matiyu 16:28

Ungud duy kang pagsabihun sa kanyu, ti iba sa kanyu sitay dayu mamatay hanggan sa udwaya makitan nida aku, ti Anak Tawu, humiyaput yi sa kay karampatan maghari.”

Matiyu 17:20

Nagsagut siya magkun, “Dahil kurang duy kanyu sarig. Ungud duy kang pagsabihun sa kanyu, nu kanyu sarig ga butir mutsasa lang mana kay kadaka, mahimu sabihun niyu sa inda pag bantud, ‘Pag-ighit kawu sitay ginan’, bag-u umighit yi ngani. Nu katunda, ti tanan bagay makaya niyu mabuwat.” [

Matiyu 18:18

“Ungud duy kang pagsabihun sa kanyu, ti ginapus niyu sitay sa babaw daga, gapusun hanggan sa langit. Ti linbadan niyu sitay sa babaw daga, lubadan hanggan sa langit.

Matiyu 18:3

Magkun siya, “Ungud duy kang pagsabihun sa kanyu, nu unman umanun kanyu buut ag pumarihu sa manga anak, unman gid makapasakup kamu sa kaharian langit.

Matiyu 19:23

Magkun si Hisus sa kay manga tuludluan, “Pungud duy kang pagsabihun sa kanyu, makuri gid pumasakup ti manga mayaman sa kaharian langit.

Matiyu 19:28

Sinabi ni Hisus sa kanda magkun, “Ungud duy kang pagsabihun sa kanyu, nu aku, ti Anak Tawu, tumukaw yi aban sa karampatan maghari sa bag-u pag daga, kamu pag sampulu may duwa ti nagkuyug sa kangku, makatukaw diman waydi sa karampatan hampay makapihu sa sampulu may duwa ka linahi Israil nu daut nu mayad.

Matiyu 21:21

Sinmagut si Hisus magkun, “Ungud duy kang pagsabihun sa kanyu, nu kamu may sarig ag unman mag-alinlangan, kanyu mabuwat balaw lang ga nangyari sa puun igus. Nu kanyu sabihun sa bantud inda, ‘Pag-ighit yi kawu, ati pag mipadna yi sa dagat’, mangyari yi tunda.

Matiyu 21:31

Naan sa duwa ka anak ti nagtupad sa kagustuhan niya ama?” Sinabi manga manugpatingi magkun, “Ti un-an.” Sinabi ni Hisus sa kanda, “Ungud duy kang pagsabihun sa kanyu, ti manga manunukut buhis ag ti manga uragin umuna waya sa kanyu pumasakup sa kay paghari Diyus.

Matiyu 23:36

Ungud duy kang pagsabihun sa kanyu, ti parusa sa tanan inda mitama sa inda pag manga tinubu tawu.”

Matiyu 24:2

Dapat magkun siya, “Makitan aw niyu ti pinangalap tunda? Ungud duy kang pagsabihun sa kanyu, nu rumas-ug ti kaudasan, unman may masawad batu sa kay kaparihu babaw batu, tanan-tanan magkarapugdak yi lang.”

Matiyu 24:47

Ungud duy kang pagsabihun sa kanyu, iintirga niya amu sa kanya ti tanan kasiyunan.

Matiyu 25:12

Dapat sinabi niya, ‘Ungud duy kang pagsabihun sa kanyu, unman niku kamu kilala.’ ”

Matiyu 25:40

Sabihun Hari magkun, ‘Ungud duy kang pagsabihun sa kanyu, pagka binwat niyu inda sa usa sa manga patar-ari niku mapinakumbabaun, sa kangku yi ngap pag binwat niyu tunda.’

Matiyu 25:45

Kumumun ti Hari sa kanda, ‘Ungud duy kang pagsabihun sa kanyu, pagka inirangan niyu kanyu pangawat sa usa sa manga mapinakumbabaun inda, aku ngap ti kanyu pinabay-anan.’

Matiyu 5:26

Ungud duy kang pagsabihun sa kanyu, dayi kawu makaluwang ati ginan hanggan sa udwaya mabayadan nimu kay multa.”

Matiyu 6:16

Magkun si Hisus, “Nu kamu unman maghandum karan-unun, kanyu manga uyahun danga magmarukumaruku, danga kamu parihu sa manga magpabalhinguun kuntay mayad. Unman sida mag-ayus kanda sadili hampay makitan manga tawu sida unman maghandum karan-unun. Ungud duy kang pagsabihun sa kanyu, natanggap yi nida kanda pirimyu.

Matiyu 6:2

“Nakan ngani nu kamu mag-ayaw sa manga makuri danga niyu ipabantug tunda danga parihu sa pagbuwatun manga tawu magpabalhinguun kuntay mayad ati sa simbahan manga Hudiyu hanggan sa manga baklayan. Pagbuwatun nida tunda sa dayawun sida manga tawu. Ungud duy kang pagsabihun sa kanyu, natanggap yi nida kanda pirimyu.

Matiyu 8:10

Nadulaw si Hisus pagka nadnugan niya ti bagaw kapitan ag sinabi niya sa manga tawu magkuyug sa kanya magkun, “Ungud duy kang pagsabihun sa kanyu, unman aku may nakitan kainda kadaka kay pagsarig sa nasyun Israil.

Markus 10:15

Ungud duy kang pagsabihun sa kanyu, una hintay pag tawu ti unman ga anak kay magpasakup sa kay paghari Diyus, balaw kabilang sa manga tawu pagharian Diyus.”

Markus 10:29

Sinabi ni Hisus sa kanda, “Ungud duy kang pagsabihun sa kanyu, una si unu nu magtiis magtayak sa kay ulian, sa kay manga patar-ari lalaki, sa patar-ari babayi, sa ina, sa ama, sa kay manga anak una sa kay manga daga dahil sa kangku ag dahil sa Mayad pag Barita,

Markus 11:23

Ungud duy kang pagsabihun sa kanyu, nu abi may magsabi sa bantud inda, ‘Pag-ighit yi kawu, ati kawu pag kipadna sa dagat’, pihu mangyari tunda nu unman siya mag-alinlangan sa kay tagipusuun, nu magsarig siya kuntay mitupad kay pagbagawun.

Markus 12:43

Tinawag ni Hisus kay manga tuludluan kay sinabi, “Ungud duy kang pagsabihun sa kanyu, ti pugri pag buranday nagpakaun subra man sa kanda tanan pag pakaun.

Markus 13:30

Ungud duy kang pagsabihun sa kanyu, dayu mamatay inda pag tinubu tawu hanggan sa ud matupad inda tanan-tanan kang sinabi.

Markus 14:18

Pagka sida tinmukaw yi ag magkaun yi, sinabi ni Hisus sa kanda, “Ungud duy kang pagsabihun sa kanyu, ti usa sa kanyu kasaru diman niku, pumakampi sa kalaban hampay aku kay itudlu.”

Markus 14:25

Ungud duy kang pagsabihun sa kanyu, dayi aku uminum inda pag bag-u pin-ga ubas hanggan sa udwaya kaudasan aban nu inmun niku ti bag-u pag pin-ga ubas sa kaharian Diyus.”

Markus 14:30

Sinabi ni Hisus sa kanya, “Ungud duy kang pagsabihun sa kanmu, taynguna yi gid pag yabi inda, udwaya tumarauk ti manuk pakadwa, itanggi nimu aku katlu ginan.”

Markus 14:9

Ungud duy kang pagsabihun sa kanyu, una naan pag itudlu ti Mayad pag Barita sa buu kalibutan, hanggan ti binwat babayi matultul diman bilang ga pag-alaala sa kanya.”

Markus 3:28

“Ungud duy kang pagsabihun sa kanyu, patawadun di Diyus ti manga tawu una hintay kanda manga kasalanan, una waya sida nagmuransa laban sa Diyus.

Markus 6:11

Ag una naan pag banwa nu dayu kamu tanggapun hanggan patingihan, pag-ighit yi kamu siyun ginan, pagpaga ti galbuk ginan sa kanyu raprapa bilang paandam sa kanda magdayu sa Diyus.”

Markus 8:12

Nanhangus si Hisus bag-u sinabi niya, “Hayga maghanap tanda inda pag manga tinubu tawu? Ungud duy kang pagsabihun sa kanyu, unman gid may tanda ipakaun taynguna sa manga tawu.”

Markus 9:1

Bag-u magkun si Hisus sa kanda, “Ungud duy kang pagsabihun sa kanyu, ti iba sa kanyu sitay dayu mamatay hanggan sa udwaya makitan nida rumas-ug kay paghari Diyus may kamaskihan.”

Markus 9:41

Ungud duy kang pagsabihun sa kanyu, una si unu tigpainum danum sa kanyu dahil kamu sakup sa Pinili Diyus Manugribri pag Hari, pihu gid siya gantihan mayad.”

Lukas 11:51

ginan sa pagkamatay ni Abil hanggan waya sa pagkamatay ni Sakaryas. Minatay si Sakaryas karaw-an sugkadan Balay Diyus arani sa surunugan handug tag sa Diyus. Ungud duy kang sinabi sa kanyu mitama gid tunda sa inda pag manga tinubu tawu.

Lukas 12:37

Mapalad ti manga panawuhun naras-ugan nida amu, nu maimatahan di sida mag-alagad. Ungud duy kang pagsabihun sa kanyu, humawud ngap kanda amu kay rutay sa unman masambur bag-u pagtabanun niya sida sa lamak, siya yi ti manugbasiyu.

Lukas 13:35

Bantayi niyu ti Balay Diyus asan tinayakan yi, udyi mag-uli asan kay apu. Pagsabihun niku sa kanyu udyi gid niyu aku makitan hanggan sa udwaya rumas-ug pag udas nu kanyu sabihun magkun, ‘Dayawun ti magras-ug sa ngaran Panginuun.’”

Lukas 16:17

Dapat balaw kay ibug sabihun udyi may pulus ti Kasuguan, dahil ti Kasuguan marig-un man sa inda pag langit ag daga, dayu maduraan kabuluhan una di usa ka kudlit Kasuguan.

Lukas 18:17

Ungud kang pagsabihun sa kanyu, una hintay pag tawu ti unman ga anak kay magpasakup sa kay paghari Diyus, balaw kabilang sa manga tawu pagharian niya.”

Lukas 18:29

Sinabi ni Hisus sa kanda, “Ungud duy kang pagsabihun sa kanyu, una hintay pag tawu nu magtayak sa kay ulian, sa kay asawa, sa kay manga patar-ari, sa kay gurang, sa kay manga anak, dahil sa kay magpasakup sa kay paghari Diyus,

Lukas 23:43

Magkun si Hisus sa kanya, “Ungud duy kang pagsabihun sa kanyu, taynguna yi ngap pag sirang sab kawu kang kaibahan sa ulian manga may buhi unman may katapusan.”

Lukas 4:24

Magkun si Hisus, “Ungud duy kang pagsabihun sa kanyu, unman may purupita pagbayaun sa kay nagkalusadan pag daga.

Huwan 1:51

Bag-u sinabi ni Hisus sa kanya magkun, “Ungud duy kang pagsabihun sa kanyu, makitan niyu aban nabukasan ti langit, ti manga anghil Diyus may tag sa daga may tag sa langit dahil sa kanda magpasakup sa kapangyarihan Anak Tawu.”

Huwan 10:1

Sinabi ni Hisus magkun, “Ungud duy kang pagsabihun sa kanyu, nu may tawu sumulud sa tudir manga karanidu balaw lakaw sa kay puwirtahan, nu abi dumayik sa kay alad, tunda pag tawu mananakaw ag tulisan.

Huwan 10:7

Sinabi maan ni Hisus sa kanda magkun, “Ungud duy kang pagsabihun sa kanyu, aku ti puwirtahan manga karanidu.

Huwan 12:24

Ungud duy kang pagsabihun sa kanyu, ti pasi tirigu nu unman malagpak sa daga ag mamatay, balaw yi may samilya. Dapat ay nu mamatay ngani tunda pag pasi tirigu, lalu ngap mamurak siya mayamu.

Huwan 13:16

Ungud duy kang pagsabihun sa kanyu, unman may panawuhun mataas man sa kay amu. Ag unman may sinugu mataas man sa nagsugu sa kanya.

Huwan 13:38

Sinabi ni Hisus magkun, “Tutuu gid aw handa kawu mamatay alang alang sa kangku? Ungud duy kang pagsabihun sa kanmu, udwaya tumarauk ti manuk, itanggi nimu aku katlu ginan.”

Huwan 14:12

Ungud duy kang pagsabihun sa kanyu, ti tawu nu magsarig siya sa kangku, buwatun diman niya ti manga makadululaw ga kang diman binwat. Lalu waya paman makadululaw kay buwatun, dahil aku umati yi sa Ama.

Huwan 16:20

Ungud duy kang pagsabihun sa kanyu, kamu manlumi aban ag man-nguruynguyan, dapat ti manga taga kalibutan makabaya ngap. Kamu aban may karukuan, dapat kanyu karukuan matulsan di kabayaan.

Huwan 16:23

Sa ati katpung pag udas aban, udyi kamu mamaingana sa kangku. Ungud duy kang pagsabihun sa kanyu, una hintay kanyu hagadun sa Ama, dahil kamu napasakup sa kangku, pihu gid kay ipakaun niya sa kanyu.

Huwan 21:18

Ungud duy kang pagsabihun sa kanmu, nu udwaya kawu gurangun magsulung kawu kanmu rutay maglakaw una naan tag kanmu gustu. Dapat nu gurangun yi aban kawu, ihunat nimu kanmu kamang bag-u kawu gapusun manga iba, darahun kawu sa balaw kanmu kagustuhan.”

Huwan 3:11

Ungud duy kang pagsabihun sa kanmu, ti magkaalaman nimi imaw ti kanmi pagsabihun ag ti kanmi nakitan imaw ti pag-itultul nimi. Dapat unman kamu magpaniwala sa kanmi pag-itultul.

Huwan 3:3

Sinmagut si Hisus magkun, “Ungud duy kang pagsabihun sa kanmu, dayu gid makapasakup ti tawu sa kay paghari Diyus, purya lang nu siya ainanak inuman.”

Huwan 3:5

Sinmagut si Hisus magkun, “Ungud duy kang pagsabihun sa kanmu, dayu makapasakup ti tawu sa kay paghari Diyus, purya lang nu siya ainanak sa panab-anan danum hanggan Ispiritu Banal.

Huwan 5:19

Bag-u sinabi ni Hisus sa manga pinunu Hudiyu magkun, “Ungud duy kang pagsabihun sa kanyu, ti Anak unman may karampatan magbuwat una hintay nu ginan lang sa kay sadili. Ti nakitan Anak sa kay Ama pag buwat imaw diman ti pagbuwatun niya.

Huwan 6:26

Sinmagut si Hisus magkun, “Ungud duy kang pagsabihun sa kanyu, nakan lang kamu maghanap sa kangku dahil kamu nabsug sa kanyu nangaun tinapay, balaw dahil naintindihan niyu kang binwat manga tanda.

Huwan 6:32

Bag-u sinmagut si Hisus magkun, “Ungud duy kang pagsabihun sa kanyu, balaw duy si Muysis ti nagpakaun karan-unun sa kanyu ginurang ginan sa langit. Kang Ama di ngap tigpakaun tutuu pag karan-unun ginan sa langit sa kanyu.

Huwan 6:47

“Ungud duy kang pagsabihun sa kanyu, una hintay pag tawu nu sumarig, may tutuu pag buhi unman may katapusan.

Huwan 6:53

Sinabi ni Hisus sa kanda magkun, “Ungud duy kang pagsabihun sa kanyu, unman kamu may tutuu pag buhi purya lang nu kan-un niyu kay bilug Anak Tawu ag nu inmun niyu kay dugu.

Huwan 8:34

Sinabi ni Hisus sa kanda magkun, “Ungud duy kang pagsabihun sa kanyu, panawuhun ngap kasalanan ti kada tawu magbuwat kasalanan.

Huwan 8:51

Ungud duy kang pagsabihun sa kanyu, una hintay pag tawu nu mag-ugali siya angay sa kang pag-itudlu, dayu gid mamatay hanggan aban.”

Huwan 8:58

Sinmagut si Hisus magkun, “Ungud duy kang pagsabihun sa kanyu, pagka udwaya nianak si Abraham, daan di aku ngani.”

1 Pidru 1:25

Dapat ti bagaw Panginuun unman may kaduraan hanggan waya aban.” Inda yi ngani pag Bagaw imaw ti Mayad pag Barita ti itinudlu sa kanyu.

Ipinakakit 20:11

Bag-u nakitan niku ti laun pag malagti pag tukawan hari hanggan ti matukawan siti. Naparaw sa kay atubangan ti daga hanggan langit, udyi maan nakitan uman.