Matiyu 5:17 - Hanunuu

¹⁷ Magkun si Hisus, “Danga isipun niyu aku nagsitay hampay bul-un niku ti Kasuguan ni Muysis, una ti tudlu manga Kasuratan Purupita. Balaw aku nagsitay hampay bul-an halaga niku tunda, bagkus ngap hampay kang tupadun.

Matiyu 5:17 Iomraidhean Croise

Isayas 42:21

Gustu gid Panginuun galangun kay kasuguan agud maipakakit niya kay katadlungan.

Matiyu 3:15

Dapat sinmagut si Hisus magkun sa kanya, “Pasnuan lang duy nimu taynguna, dahil kainda ngani ti dapat buwatun hampay tupadun nita ti buu kagustuhan Diyus.” Bag-u pinasnuan ngani siya ni Huwan.

Matiyu 7:12

“Nakan ngani buwatun niyu sa kanyu kaparihu ti kanyu gustu kanda buwatun sa kanyu. Inda yi ngani ti kahulugan Kasuguan ni Muysis ag ti kahulugan tudlu manga Purupita.”

Lukas 16:17

Dapat balaw kay ibug sabihun udyi may pulus ti Kasuguan, dahil ti Kasuguan marig-un man sa inda pag langit ag daga, dayu maduraan kabuluhan una di usa ka kudlit Kasuguan.

Huwan 8:5

Nu angay sa Kasuguan may bilin si Muysis sa kanta, kailangan matyun bintukun ti manga babayi katunda kay buwat. Nu sa kanmu, hintay nguna kanmu masabi?”

Binwat 18:13

Sinabi nida sa kan Galyun magkun, “Inda pag tawu maggarya sa manga tawu hampay sida sumamba sa Diyus balaw angay sa batas.”

Binwat 21:28

Namagrit sida magkun, “Kamu duy pag manga Israilita, awati niyu kami. Inda yi ngani pag tawu tigtudlu sa tanan manga tawu una naan pag rugar laban sa nasyun Israil, laban sa Kasuguan ni Muysis ag laban diman sa inda pag Balay Diyus. Tuhay waya siti, nagtaban waya siya manga balaw Hudiyu atag sa sulud Balay Diyus. Nilapastangan niya inda ti banal pag rugar.”

Binwat 6:13

Bag-u may bin-ul sida manga tawu magbintang sa kan Istiban magkun, “Inda pag tawu unman mag-apas sa kay sarabihun laban sa banal pag Balay Diyus ag laban sa Kasuguan ni Muysis.

Ruma 10:4

Si Kiristu ti katugkaan Kasuguan ni Muysis. Nakan ngani una si unu ti sumarig sa kanya kilalan-un Diyus kuntay matadlung.

Ruma 3:31

Nu katida ibug aw sabihun udyi pagpahalgaan nimi ti Kasuguan? Bukun sa katida. Kanmi di ngap pagpahalgaan.

Ruma 8:4

Binwat niya ti tanan inda hampay ti pag-ibilin Kasuguan matupad sa kanta sa manga mag-ugali angay sa Ispiritu, balaw angay sa sadili lang kagustuhan nita pagkatawu.