Matiyu 5:12 - Hanunuu

¹² “Pagbaya gid ungud kamu pagmasulung kanyu naisipan, daka nakan kay pirimyu aban sa kanyu ati sa langit. Dahil katunda diman waydi kanda nag-unuunu kaybi sa manga purupita, sa manga un-an man sa kanyu.”

Matiyu 5:12 Iomraidhean Croise

Gimpuunan 15:1

Pagkalawuy ati, nagbagaw ti Panginuun sa kan Abram sa panab-anan tagin-up. Magkun siya, “Abram, danga kawu magkadala dahil aku ti mag-alaga sa kanmu ag pakan-an niku kawu daka pag pirimyu.”

1 Hari 18:13

Balaw aw nimu nabaritaan kang binwat katpung pagmatyun ni Hisibil ti manga purupita Panginuun? Itinagu niku ti 100 ka purupita Panginuun sa duwa ka lukib, 50 sa kada lukib, ag pinakan-an niku sida karan-unun hanggan danum.

1 Hari 18:4

Pagka pagmatyun ni Hisibil ti manga purupita Panginuun, itinagu niya ti 100 purupita sa duwa ka lukib, 50 kada lukib, ag pinakan-an niya sida karan-unun hanggan danum.)

1 Hari 19:2

Nakan pinadarahan ni Hisibil barita si Ilyas magkumun, “Lubus mana aku parusahan manga diyus nu aldaw sa kainda diman pag udas balaw waya niku kawu magkamatay, parihu sa kanmu binwat sa manga purupita.”

1 Hari 21:20

Pagka nakitan ni Akab si Ilyas, magkun siya, “Nasampakan diman aku niku kalaban!” Sinmagut si Ilyas, “Hu, inmataytag aku sa kanmu dahil ipinabili nimu kanmu sadili sa pagbuwat daut sa magbantay Panginuun!

1 Hari 22:8

Sinmagut si Akab sa kan Husapat, “May usa waya ti mahimu nita mapaingan-an — si Mikaya kay anak ni Imla. Dapat magkagalit aku sa kanya dahil balaw siya may marinu pag-ihula tungkul sa kangku, lunsay kadautan.” Sinmagut si Husapat, “Danga kawu magbagaw katunda.”

2 Hari 1:9

Bag-u ipinaati hari ti usa ka takinan sundalu kaibahan ti 50 ka manga tawuhan hampay dakpun si Ilyas. Natakdan takinan sundalu si Ilyas matukawan sa babaw bungtud, magkun siya, “Suruguun Diyus, magbilin ti hari pag-ati kawu sa kanya.”

2 Krunika 16:10

Dahil siti, masyadu nagalit gid si Asa sa purupita, nakan inda kay ipinapirisu. Ag sa tida diman pag udas, nag-umpisa pinakurianan ni Asa kay iba niya manga nasakupan.

2 Krunika 36:16

Dapat pinuyaan nida ti manga purupita Diyus, kinasarin-an, ag ipinalawuy kanda manga itinultul. Nakan nagalit ti Panginuun sa kanda, ag unman may makaampara sa kanya.

Nihimyas 9:26

“Dapat madi katida, naglabag sida ag naglaban sa kanmu. Pinatlikudan nida kanmu Kasuguan, minatay nida kanmu manga purupita nagbutung sa kanda sa pagbalik-nalub-anan sa kanmu. Masyadu gid kanda paglapastangan sa kanmu!

Kanta 19:11

Magpakaun diman inda paandam sa kangku, sa kanmu manugsirbi, Panginuun. Nu pagtupadun niku inda makatanggap aku abunda pag pirimyu.

Kanta 58:11

Bag-u sumabi ti manga tawu, “Tutuu gid ungud may pirimyu para sa manga matadlung ag may Diyus maghatul sa manga tawu sa kalibutan.”

Kabagawan 11:18

Ti daut pag tawu unman makatanggap tutuu pag pirimyu, dapat ti magbuwat matadlung makatanggap tutuu pag pirimyu.

Isayas 3:10

Sabihun niyu sa manga matadlung mapalad sida, dahil anihun nida ti burak manga mayad buwat nida.

Hirimyas 2:30

Pinarusahan niku kanyu manga anak, dapat unman sida nagbag-u. Dayu sida magpatudlu. Kamu diman ti nagmatay sa kanyu manga purupita parihu sa pagmatay maisug ag magkalun-us pag liyun sa kay tinkub.

Hirimyas 26:8

Pagka nasabi niya inda, pinalibutan siya manga manughandug, manga purupita, hanggan manga tawu, bag-u sinabihan siya, “Kailangan kawu matyun!

Hirimyas 37:14

Sinmagut si Hirimyas, “Balaw tutuu tunda! Balaw aku kakampi manga taga Babilunya.” Dapat dayu magpasnu si Iriya, nakan dinakup niya si Hirimyas bag-u dinara sa manga takinan.

Matiyu 16:27

Dahil udyi dugay bumalik yi ti Anak Tawu may mamaski pag kapangyarihan niya Ama, kaibahan niya kay manga anghil. Ati katpung pag udas gantihan niya ti kada tawu angay sa kay binwat.

Matiyu 6:16

Magkun si Hisus, “Nu kamu unman maghandum karan-unun, kanyu manga uyahun danga magmarukumaruku, danga kamu parihu sa manga magpabalhinguun kuntay mayad. Unman sida mag-ayus kanda sadili hampay makitan manga tawu sida unman maghandum karan-unun. Ungud duy kang pagsabihun sa kanyu, natanggap yi nida kanda pirimyu.

Lukas 13:34

“Hirusalim, Hirusalim, pagpanmatyun nimu ti manga purupita, pagbatuhun pagmatyun nimu ti manga sinugu Diyus tag sa kanmu. Kapira yi ginan kang hinanap ti manga mag-uli asan hampay kang tipunun parihu ga inaan manuk mag-ukub sa kay butu, dapat dayu di ngap kamu.

Lukas 6:23

Pagbaya kamu nu katida ti mangyari sa kanyu, pag-utbaw waya sa kanyu kabayaan, dahil daka pag pirimyu aban sa kanyu ati sa langit. Katida diman waydi ti binwat nida manga ginurang sa manga purupita.

Lukas 6:35

Dapat mahala niyu kanyu manga kalaban, pakan-an niyu sida mayad, pagpaudam kamu danga yi magsarig kuntay ulian kamu. Nu katunda, daka pag pirimyu kanyu tanggapun ag kilalan-un kamu manga anak Makamaskihan pag Diyus. Dahil magbaya siya una sa manga tawu unman may pasunaid ag makasalanan.

Binwat 16:25

Pagka karaw-an yi yabi magdarangin sida ni Pablu ni Silas, magkanta magdayaw sa Diyus. Magdungug diman ti iba manga pirisu.

Binwat 5:41

Pagka ginan sa atubangan Katipunan manga Pinunu, nuli maan ti manga apustul. Nakabaya gid ungud sida, dahil pinakan-an sida karampatan hampay mag-agwanta parusa dahil ngani sa kan Hisus.

Ruma 5:3

Bukun lang tunda. Magbaya yi ngap kita sa kanta manga pag-agwantahun, dahil magkaalaman diman nita nu kita may pag-agwantahun amat-amat kita magmatiniisun.

1 Kurintu 3:8

Ti magtanum hanggan ti magbunyag urusa sa kanda budlay. Dapat ti kada usa makatanggap kay pirimyu angay sa kay kabudlayan.

2 Kurintu 4:17

Ti malpus-malpus pag kakurian kanmi paglakawan inda bilang ngalay-ngalay lang. Kay pakinabang aban imaw ti kaayadan unman may katapusan. Unman may tumimbang kakurian sa siti pag kaayadan.

Pilipus 1:29

Pinili diman kamu ag pinakan-an karampatan hampay magsirbi sa kan Kiristu, kay ibug sabihun balaw lang tugka sa magsarig sa kan Kiristu nu unman hanggan sa mag-agwanta para sa kanya.

Pilipus 2:17

Nu abi aku matyun, kang dugu ibuhus ga ihandug sa Panginuun dungan sa kanyu pag-ipakaun kanyu pagsarig sa kanya. Una abi ti ikamatay niku katida, masulung di aku ag mirinsan kita tanan magbaya.

Kulusas 1:24

Magbaya aku sa kang mag-agwanta sa kang bilug taynguna alang-alang sa kanyu, dahil sa panab-anan niku kakurian inda pag-iparargu niku ti pag-agwantahun parihu ga kay inagwanta ni Kiristu para sa iglisya, sa kay pinagkabilug.

Kulusas 3:24

Alam diman niyu pirimyuhan kamu Panginuun. Matanggap diman niyu aban ti ihinanda niya sa kay manga anak. Dahil si Kiristu ngani ti Panginuun ti kanyu pagsirbihan.

1 Tisalunika 2:15

Tunda pag manga Hudiyu ti nagmatay sa Panginuun Hisus hanggan sa manga purupita. Sida diman waydi ti nag-unuunu sa kanmi. Maglaban sida sa kagustuhan Diyus, kalaban sida tanan tawu.

Hibriyu 10:34

Napadamay kamu sa manga napirisu, balaw diman waydi kamu nagruku una binul-an kamu kasiyunan, dahil alam ngani niyu lalu waya higit mahalaga ag udyi madura ti kayamanan ihinanda para sa kanyu.

Hibriyu 11:26

Kay isip ni Muysis daka man pag kayamanan nu pag-unuunuhun siya dahil sa kay Pinili Diyus Manugribri pag Hari, balaw di ga manga kayamanan sa Ihiptu, dahil paghingabtun niya kay patabgan pag pirimyu.

Hibriyu 11:33

Dahil sa kanda pagsarig nanalu sida sa manga kaharian, namwat sida katadlungan, ti itinaratu Panginuun nipakaun yi sa kanda, nagpahirum sida manga bibig liyun, nagpusa di sida sa labdaban apuy.

Hibriyu 11:6

Nu unman may sarig ti tawu, dayu mahimu siya lubus pagbayaun Diyus. Dahil nu ti tawu magpakarani sa Diyus kailangan siya magsarig kuntay may Diyus ag unman siya magpabaya sa manga maghanap sa kanya.

Santiyagu 1:2

Manga patar-ari niku, pagbaya kamu lubus nu kamu makalakaw sa tuhay-tuhay pag manga subuk.

Santiyagu 5:10

Manga patar-ari, huwada niyu ti manga purupita ti nagbagaw angay sa kay udyuk Panginuun. Lubus matiniisun sida nag-agwanta sa kakurian.

1 Pidru 4:13

Lalu kailangan gid kamu pagbaya sa kanyu magpakidamay sa kakurian ni Kiristu, hampay nu ipaburayhaw yi aban kay kadayawan ni Kiristu, kamu lubus yi sa kabayaan.

Rut 2:12

Nakan papaladan mana kawu Panginuun dahil sa kanmu binwat. Mana laun pag pirimyu kanmu matanggap ginan sa Panginuun, ti Diyus Israil, kanmu darangpan.”