Matiyu 4:4 - Hanunuu

⁴ Dapat sinmagut si Hisus magkun, “Isinurat sa Banal Kasuratan magkun, ‘Balaw lang sa karan-unun pag mabuhi ti tawu nu unman sa kada bagaw Diyus.’”

Matiyu 4:4 Iomraidhean Croise

Pag-ighit 16:15

Unman nida alam nu hintay tida, nakan namaraingan-an sida, “Hintay nguna tunda?” Magkun si Muysis sa kanda, “Tunda ti karan-unun kay ipinakaun Panginuun sa kanyu hampay kanyu kan-un.

Pag-ighit 16:35

Nagkaun mana ti manga Israilita sa sulud upatpulu ka timpu, tugka sa nakaaput sida sa kanda ulianan pag daga sa Kanaan.

Pag-ighit 16:8

Magkun waya si Muysis, “Pakan-an kamu Panginuun taguban kanyu kan-un nu yabi ag busugun niya kamu tinapay sa surip, dahil nadnugan niya kanyu manga riklamu sa kanya. Balaw kamu sa kanmi pag magriklamu nu unman sa Panginuun. Si unu gid kami hampay kanyu riklamuhan?”

Pag-ighit 23:15

Tupada niyu ti Pista Tinapay Unman may Pamadaka. Angay sa isinugu niku sa kanyu, pagkaun kamu tinapay unman may pamadaka sa sulud pitu ka sirang. Buwata niyu inda sa itinagka pag udas sa bulan Abib, dahil tida pag bulan kamu pag nagluwas sa Ihiptu. Ti kada usa sa kanyu kailangan dumara sa kangku handug sa tida pag udas.

Matiyu 15:11

Balaw ti pag-isubu sa bibig tawu ti mag-uring sa kanya, nu ud tigluwang ngap ginan sa kay bibig imaw tig-uring sa kanya.”

Matiyu 4:10

Bag-u sinabi ni Hisus sa kanya, “Pagpakarayu kawu, Satanas, dahil nisurat sa Banal Kasuratan, ‘Sambahun nimu ti Diyus imaw kanmu Panginuun. Siya lang kanmu sirbihan.’ ”

Matiyu 4:7

Sinabi maan ni Hisus sa kanya, “Nisurat diman sa Banal Kasuratan magkun, ‘Danga pagsubuki nimu ti Diyus imaw kanmu Panginuun.’ ”

Markus 7:20

Sinabi ni Hisus, “Ti magluwang ginan sa tawu imaw tigpauring sa kanya.

Lukas 4:12

Sinabi maan ni Hisus magkun, “Nagsabi diman ti Diyus, ‘Danga pagsubuki nimu ti Diyus, imaw kanmu Panginuun.’”

Lukas 4:4

Sinabi ni Hisus, “Nakasurat sa Banal Kasuratan magkun, ‘Balaw lang sa karan-unun pag mabuhi ti tawu.’”

Lukas 4:8

Sinabi ni Hisus, “Nakasurat sa Banal Kasuratan magkun, ‘Sambahun nimu ti Diyus, imaw kanmu Panginuun, siya lang ti dapat nimu sirbihan.’”

Huwan 15:26

“Sumitay ti Manug-awat ginan sa Ama tag sa kanyu, ti Ispiritu ngani imaw tigtudlu katutuuhanan tungkul sa Diyus. Suguun niku siya ginan sa Ama bag-u itultul niya sa kanyu ti tungkul sa kangku.

Huwan 6:63

Ispiritu Diyus ti may gimpuunan buhi. Nu tawu lang unman makapakaun buhi. Nu tanggapun niyu kang manga bagaw, matanggap waydi niyu ti Ispiritu imaw ti makapakaun buhi sa kanyu.

Ruma 15:4

Una hintay ti isinurat sa manga Kasuratan kaybi waya sa ikadunung nita. Nu pagbasahun nita ti manga katutuuhanan sa Banal Kasuratan, amat-amat lalu matiniisun kita ag rumig-un kanta naisipan bag-u siyun maan ginan ti pag-asa nita.

Ipisu 6:17

Ikalu niyu ti karibrihan. Pagsa kanyu kamang ti baladaw pakaun Ispiritu, kay ibug sabihun tunda kay ngani Bagaw Diyus.

Diyuturunumiyu 8:3

Ipinakumbaba niya kamu sa panab-anan pagpalun-us sa kanyu bag-u pinakan-an niya kamu mana — usa ka kalasi karan-unun unman waya gid niyu nasamitan una hanggan niyu manga ginurang. Binwat inda Panginuun hampay itudlu sa kanyu balaw lang sa karan-unun pag magkabuhi ti tawu, nu unman sa kada bagaw Panginuun.