Matiyu 4:23 - Hanunuu

²³ Pinalibut ni Hisus ti buu daga Galiliya, magtudlu siya sa manga simbahan manga Hudiyu. Magtultul siya Mayad pag Barita tungkul sa kay maghari Diyus. Magpaayad siya una hintay pag sakit manga tawu kanda mag-adnugan sa kanda ginhawa.

Matiyu 4:23 Iomraidhean Croise

Kanta 103:3

Pagpatawadun niya ti tanan niku kasalanan, ag pagpaayadun niya ti tanan niku mag-adnugan.

Kanta 74:8

Magkun sida sa kanda sadili rurisun nida kami lubus. Inirub nida ti tanan tiripnan pagsambahan sa kanmu sitay sa daga Israil.

Matiyu 11:5

Maghiling yi ti manga buta, maglakaw yi maan ti manga pilay, naayadan ti may manga dilikadu pag sakit sa lukub, magdungug yi ti manga bungul, nabuhi maan ti manga namatay. Pag-itudlu sa manga pugri ti Mayad pag Barita.

Matiyu 12:9

Nighit si Hisus ati ginan, ag nag-ati siya sa simbahan manga Hudiyu.

Matiyu 13:19

Ti manga magpatingi sa tudlu tungkul sa kay paghari Diyus bag-u unman diman kanda naintindihan parihu sida sa binhi sinmamad sa saruy dalan. Pagka rinmas-ug si Satanas pag-agawun niya ti ipinamgas ginan sa kanda tagipusuun.

Matiyu 13:54

Nag-ati siya sa kay kinadak-anan pag banwa, bag-u nanudlu siya sa kanda ati sa simbahan manga Hudiyu. Naglingut ti manga tawu pagka nakadnug sa kanya. Magkun sida, “Naan ginan pag nakatau inda pag tawu kay kadunungan? Kabitay pagbuwatun niya inda pag manga makadululaw?

Matiyu 14:14

Pagka dinmugsun si Hisus sa duunduun ati sa baybay, nakitan niya ti kayamuan tawu. Naawa gid siya sa kanda, pinaayad niya ti may manga sakit sa kanda.

Matiyu 24:14

Itudlu dapu sa bilug kalibutan ti Mayad pag Barita tungkul sa kay paghari Diyus hampay lalu maalaman tanan nasyun. Bag-u di rumas-ug ti katapusan.”

Matiyu 3:2

“Iampu yi niyu kanyu kasalanan, dahil udyi dugay rumas-ug yi ti kaharian langit.”

Matiyu 9:35

Pinalibut ni Hisus ti manga banwa hanggan ti manga baryu, magtudlu siya sa manga simbahan manga Hudiyu. Magtultul siya Mayad pag Barita tungkul sa kay maghari Diyus. Magpaayad siya una hintay pag sakit manga tawu kanda mag-adnugan sa kanda ginhawa.

Markus 1:14

Pagka dinakup si Huwan, nag-ati maan si Hisus tag sa Galiliya, kay itinudlu ti Mayad pag Barita Diyus magkun,

Markus 1:21

Pagka rinmas-ug sida ni Hisus ati sa Kapirnaum pag banwa, nagsaka si Hisus sa simbahan manga Hudiyu sa Sirang Pamahari ag nanudlu sa manga tawu.

Markus 1:39

Nag-ati si Hisus sa tanan rugar sa kabuuhan daga Galiliya, nanudlu siya sa manga tawu sa simbahanan manga Hudiyu, ag ipinalwas niya ti manga labang.

Markus 3:10

Dahil magpaayad siya sa mayamu tawu, nakan magdurutdutan ti tanan manga may dahilan hampay siya maigpilan nida.

Markus 6:2

Pagka Sirang Pamahari yi nanudlu siya sa simbahan manga Hudiyu. Mayamu tawu nagpatingi sa kanya. Naglingut gid sida magkun, “Naan ginan pag bin-ul niya inda pag kapangyarihan? Hintay pag kalasi kadunungan inda ti ipinakaun sa kanya? Kabitay kay magbuwat pag makamaskihan buwat inda?

Markus 6:6

Naglingut siya sa kanda dahil unman sida may sarig. Inatihan ni Hisus ti manga baryu sa kay kalibut hampay manudlu sa manga tawu.

Lukas 10:9

Paayada niyu ti may manga sakit ati ag kanyu sabihun sa kanda, ‘Nagpakarani yi sa kanyu kay paghari Diyus.’

Lukas 13:10

Nagtudlu si Hisus ati sa usa ka simbahan manga Hudiyu sa Sirang Pamahari.

Lukas 16:16

“Ti Kasuguan ni Muysis hanggan ti Kasuratan manga purupita tugka lang sa kan Huwan Manugtulbaw. Siyun ginan pag-itudlu yi ti Mayad pag Barita tungkul sa kay paghari Diyus. Magpilit ti kada tawu hampay makapasakup siya sa kay paghari Diyus.

Lukas 20:1

Nanudlu maan si Hisus ag ipinaliwanag niya ti Mayad pag Barita sa manga tawu sa sulud Balay Diyus. Bag-u nagpakarani ti manga pangulu manughandug, ti manga manugtudlu Kasuguan hanggan ti manga paggurangunun manga Hudiyu,

Lukas 4:14

Binmalik maan si Hisus sa Galiliya lubus sakup sa kapangyarihan Ispiritu. Nibantug siya sa tanan rugar.

Lukas 5:17

Pagka dugay nagtudlu maan si Hisus. May manga matukawan ati manga Parisiyu hanggan manga manugtudlu Kasuguan, nagluwang sida ginan sa kada banwa sa Galiliya hanggan Hudiya ag hanggan ginan sa Hirusalim. Ti kapangyarihan Panginuun lubus sa kan Hisus hampay paayadun ti may manga sakit.

Lukas 6:17

Naglus-ug maan si Hisus sa bantud kaibahan niya ti manga apustul. Pagka rinmas-ug sida sa ratag, napaminsan sa kanya ti mayamu pag tuludluan niya. Nagluwang ti kayamuan tawu ginan sa buu Hudiya ag Hirusalim, hanggan ti manga taga Tiru ag Sidun sa baybay dagat.

Lukas 6:6

Pagka sa usa ka Sirang Pamahari, sinmaka si Hisus sa simbahan manga Hudiyu ag nanudlu. May usa ka tawu ati pilay kay sikun pag kamang.

Lukas 7:21

Ati katpung nagpaayad si Hisus sa mayamu may makuri pag sakit, sa manga pinakurian labang. Pinaayad diman niya hanggan ti kayamuan manga buta.

Lukas 7:22

Nagsagut si Hisus sa manga sinugu ni Huwan magkun, “Pag-uli yi kamu, sabiha niyu sa kan Huwan kanyu nakitan ag nadnugan. Maghiling yi ti manga buta, maglakaw yi ti manga pilay, naayadan yi ti may manga dilikadu pag sakit sa lukub, magdungug yi ti manga bungul, nabuhi maan ti manga namatay, pag-iadal sa manga pugri ti Mayad pag Barita.”

Lukas 8:1

Pagka dugay naglakaw si Hisus naglibut sa manga kabanwa-banwahan ag sa manga baryu, kaibahan niya ti sampulu may duwa ka tuludluan niya. Itinudlu niya ti Mayad pag Barita sa manga tawu tungkul sa paghari Diyus. Kaibahan niya ti sampulu may duwa ka tuludluan.

Lukas 9:11

Dapat pagka naalaman kayamuan tawu, nag-usig ngap sida sa kanya. Nagbaya siya sa kayamuan pagka sida rinmas-ug bag-u kay itinudlu sa kanda magkun, “Diyus ti maghari sa tanan bagay.” Pinaayad diman niya ti kailangan bulungun.

Lukas 9:60

Dapat sinabi ni Hisus sa kanya, “Ipiyar nimu sa unman may manga buhi ti lumubung sa manga namatay. Dapat pag-ati kawu, ibarita nimu sa manga tawu magkun, Diyus ti maghari sa tanan bagay.”

Huwan 18:20

Sinmagut si Hisus magkun, “Sa pagkaburayhawan aku pag naghampang sa kayamuan tawu. Pirmi aku magtudlu sa simbahan manga Hudiyu hanggan sa Balay Diyus. Unman aku nagtultul sa lihiman.

Huwan 6:59

Inda kay sinabi ni Hisus sa kay magtudlu sa manga tawu sa simbahan manga Hudiyu sa banwa Kapirnaum.

Huwan 7:1

Bag-u namalibutan nanudlu si Hisus sa daga Galiliya. Unman siya may gustu mamalibutan sa manga banwa sa daga Hudiya, dahil ti manga pinunu Hudiyu maghanap yi paraan hampay siya kanda matyun.

Binwat 10:38

Naalaman yi waydi niyu inda pag Hisus taga Nasarit, ti pinili Diyus, nakan ipinakaun Diyus sa kanya ti Ispiritu Banal hanggan ti kapangyarihan. Namalibutan siya una naan tag, nagbuwat siya mayad. Ti tanan tawu inapuan diyablu kay diman pinaayad, dahil sa kanya gid ti Diyus.

Binwat 18:4

Sa kada Sirang Pamahari magpangatadlungan siya sa manga tawu sa simbahan manga Hudiyu, magpan-garya sa manga Hudiyu una sa manga balaw Hudiyu hampay makapasakup sa kan Hisus.

Binwat 20:25

Magkun si Pablu, “Namatalapudan aku sa kanyu tanan ag nanudlu aku tungkul sa kay paghari Diyus. Dapat alam niku taynguna ginan udyi makitan niyu kang uyahun.

Binwat 28:31

Ipinaliwanag niya tungkul sa kay paghari Diyus ag itinudlu niya tungkul sa Panginuun Hisu-Kiristu. Matutum kay naisipan ni Pablu sa kay magtudlu ag unman may nag-ampara sa kanya.

Ruma 10:15

Kabitay pag makatudlu una si unu nu unman siya pagsuguun? Angay sa nisurat magkun, “Anung, pag mangarinu pag lulud ti magdara Mayad pag Barita.”