Matiyu 4:22 - Hanunuu

²² Kadaka tinayakan nida kanda duunduun hanggan kanda ama bag-u kinmuyug sida sa kan Hisus.

Matiyu 4:22 Iomraidhean Croise

Matiyu 10:37

“Nu ti tawu magbaya sa kay ama hanggan sa kay ina balaw lang ga kay magbaya sa kangku, unman mahimu siya magpakiusa sa kangku. Nu ti tawu magbaya sa kay anak lalaki una anak babayi balaw lang ga kay magbaya sa kangku, unman mahimu siya magpakiusa sa kangku.

Matiyu 4:21

Sa kay maglakaw maan ni Hisus, nakitan niya ti duwa waya ka magtar-ari, si Santiyagu hanggan si Huwan kan Sibidiyu manga anak. Sa duunduun sida kaibahan kanda ama si Sibidiyu, pagputikan nida kanda manga sarap. Tinawagan waydi ni Hisus sida.

Matiyu 4:23

Pinalibut ni Hisus ti buu daga Galiliya, magtudlu siya sa manga simbahan manga Hudiyu. Magtultul siya Mayad pag Barita tungkul sa kay maghari Diyus. Magpaayad siya una hintay pag sakit manga tawu kanda mag-adnugan sa kanda ginhawa.

Markus 1:20

Kadaka tinawagan niya sida bag-u kanda tinayakan sa duunduun kanda ama si Sibidiyu hanggan ti manga suruguun suruhulan bag-u nagkuyug ngani sida sa kan Hisus.

Lukas 14:26

“Una si unu pag tawu ti pumakarani sa kangku dayu mahimu kang tuludluan nu ipalabi niya kay ina hanggan kay ama, kay asawa, kay manga anak hanggan kay manga patar-ari, una kay sadili.

Lukas 14:33

Katunda diman una si unu sa kanyu balaw mahimu kang tuludluan nu pagpahalgaan waya niya ti tanan sa kay buhi.”

Lukas 5:11

Pagka ipinadagsa yi nida kanda manga duunduun sa baybay, tinayakan nida ti tanan-tanan, bag-u nagkuyug ngani sida sa kan Hisus.

2 Kurintu 5:16

Nakan taynguna kanmi magkilala una sa kantapu bukun yi angay sa pagkatawu lang pag ugali. Nu kaybi angay lang sa pagkatawu diman ngap ngani kanmi magkilala sa kan Kiristu, dapat taynguna udyi.