Matiyu 4:18 - Hanunuu

¹⁸ Sa kay maglakaw sa saruy danaw Galiliya, nakitan ni Hisus si Simun, imaw ti pagkumnun si Pidru, hanggan kay patar-ari si Andiris. Manug-isda sida. Pag-itaplak nida kanda sarap sa danaw.

Matiyu 4:18 Iomraidhean Croise

Pag-ighit 3:1

Usa ka sirang, pag-alagaan ni Muysis ti manga hayup niya manugang si Hitru ti manughandug sa Midyan. Dinara niya ti manga hayup sa arani pangawakawaan ag nakaras-ug siya sa Hurib, ti bantud Diyus.

Pag-ighit 3:10

Nakan kawu kang ipaatag sa hari Ihiptu hampay palpasan kang manga nasakupan Israilita ginan sa Ihiptu.”

Isikil 47:10

Mayamu ti man-ngisda sa Dagat Namatay ginan sa In Gidi atabug sa In Iglaim. Ti baybay dagat mapnu manga lambat pag-ipainit sa init. Yumamu ti tuhay-tuhay pag manga isda sa Dagat Namatay parihu sa Dagat Miditiranyu.

Bilang 34:11

Bag-u palus-ug inda atabug sa Ribla, sa butlakan baliwa Ain, ag parargu inda sa manga tagudtud sa butlakan Danaw Galiliya.

Matiyu 10:2

Inda ti sampulu may duwa ka apustul kanda manga ngaran: un-an si Simun (imaw yi ti pagkumnun si Pidru), bag-u si Andiris kay patar-ari ni Simun, bag-u kay anak ni Sibidiyu si Santiyagu, hanggan kay patar-ari si Huwan,

Matiyu 15:29

Nighit si Hisus ati ginan pag daga bag-u binmalik maan siya tag sa baybay danaw Galiliya. Nag-ati siya sa bantud bag-u tinmukaw siya.

Matiyu 16:18

Kang pagsabihun sa kanmu, kawu si Pidru, kay ibug sabihun batu. Sa babaw inda pag batu ipatindug niku kang iglisya. Una ti kapangyarihan kamatayan unman makapanalu sa iglisya niku.

Matiyu 4:19

Sinabi niya sa kanda, “Pagkuyug kamu sa kangku bag-u buwatun niku kamu manugtaban sa tawu.”

Markus 7:31

Nighit si Hisus maan ginan sa kalibut banwa Tiru, sinarak niya ti banwa Sidun, linakawan niya ti daga Dikapulis bag-u nag-atag siya sa danaw Galiliya.

Lukas 6:14

Inda ngani ti manga pinili niya: si Simun (binansagan niya Pidru), si Andiris kay patar-ari ni Simun, si Santiyagu, si Huwan, si Pilipi, si Bartulumi,

Huwan 21:1

Pagka dugay kas-a maan napakakit si Hisus sa kay manga tuludluan ati sa saruy danaw Tibiryas. Inda ti nangyari:

Huwan 6:1

Bag-u nagdipay si Hisus sa danaw Galiliya, kay usa ka ngaran danaw Tibiryas.

Huwan 6:8

Ti usa ka tuludluan niya, si Andiris, kan Simun Pidru patar-ari, nagsabi sa kan Hisus magkun,

Diyuturunumiyu 3:17

Kay tab-anan sa isalpan ti Karatagan Hurdan kaibahan yi ti Sapa Hurdan, ginan sa Danaw Galiliya tugka sa Dagat Namatay sa lawud baliwa Pisga sa butlakan.