Matiyu 4:14 - Hanunuu

¹⁴ Nangyari tunda hampay matupad ti bagaw ipinadakit ni Purupita Isayas magkun,

Matiyu 4:14 Iomraidhean Croise

Matiyu 1:22

Nangyari ngani inda tanan-tanan hampay matupad kay bagaw Panginuun ipinadakit purupita magkun,

Matiyu 2:15

Ati di sida sa Ihiptu hanggan sa udwaya namatay si Hirudis. Nangyari tunda hampay matupad kay bagaw Panginuun ipinadakit purupita magkun, “Tinawag niku kang anak ginan sa Ihiptu.”

Matiyu 2:23

Pagka rinmas-ug, ati sida pag nangulian sa banwa Nasarit, hampay matupad ti bagaw ipinadakit manga purupita magkun, “Siya aban ingarnan Nasarinu.”

Matiyu 26:54

Dapat nu abi katida, kabitay pag matupad ti sinabi sa Kasuratan kailangan mangyari gid inda.”

Matiyu 26:56

Dapat nangyari inda tanan hampay matupad ti isinurat manga purupita.” Bag-u naglinayas yi ti manga tuludluan, tinayakan yi lang usa-usa si Hisus.

Matiyu 4:13

Nighit siya ginan sa Nasarit bag-u nag-ati sa banwa Kapirnaum ag ati pag nangulian. Inda pag banwa sa saruy danaw Galiliya, sakup daga Sabulun hanggan Niptali.

Matiyu 4:15

“Ti daga Sabulun hanggan ti daga Niptali lalawyan atabug sa danaw, ati waya inda baliwa sa dipay Hurdan. Inda pag manga rugar sakup Galiliya ulian manga balaw Hudiyu.

Matiyu 8:17

Binwat niya tunda hampay matupad ti bagaw ipinadakit ni Purupita Isayas magkun, “Bin-ul niya kanta manga kalumuyan, Pinaayad niya kanta manga mag-adnugan.”

Lukas 22:37

Dahil pagsabihun niku sa kanyu kailangan matupad tungkul sa kangku inda pag sinabi sa Kasuratan magkun, ‘Imininsan siya sa bilang sa manga makasalanan pag tawu.’ Dahil ti isinurat tungkul sa kangku pihu mangyari aban.”

Lukas 24:44

Sinabi niya sa kanda, “Inda imaw yi kang pagsabihun sa kanyu kaybi kang di waya sa kanyu. Sinabi kabay niku kailangan tupadun ti tanan nakasurat tungkul sa kangku sa Kasuratan ni Muysis hanggan sa Surat manga Purupita hanggan sa Ribru Manga Kanta.”

Huwan 15:25

Dapat nakan katida ti nangyari hampay matupad ti bagaw isinurat sa kanda Kasuguan, magkun, ‘Kinagalitan nida aku madi unman may ikasabi.’

Huwan 19:28

Pagkatapus tunda, alam ni Hisus tapus yi ti tanan. Bag-u sinabi niya magkun, “Magkauwaw aku.” Tunda kay sinabi hampay lubus matupad ti isinurat sa Banal Kasuratan.