Matiyu 4:10 - Hanunuu

¹⁰ Bag-u sinabi ni Hisus sa kanya, “Pagpakarayu kawu, Satanas, dahil nisurat sa Banal Kasuratan, ‘Sambahun nimu ti Diyus imaw kanmu Panginuun. Siya lang kanmu sirbihan.’ ”

Matiyu 4:10 Iomraidhean Croise

1 Krunika 21:1

Linabanan ni Satanas ti Israil, nakan inudyukan niya si Dabid kuntay isinsus ti manga Israilita.

Hub 1:12

Magkun ti Panginuun sa kan Satanas, “Ta, bul-a nimu ti tanan sa kanya, dapat danga lang nimu siya pagsakti.” Nakan ginminan ngani si Satanas sa atubangan Panginuun.

Hub 1:6

Sa usa ka sirang, nagtiripun ti manga anghil sa atubangan Panginuun, ag napaminsan waydi sa kanda si Satanas.

Hub 2:1

Sa usa ka sirang, nagtiripun maan ti manga anghil sa atubangan Panginuun, napaminsan maan sa kanda si Satanas.

Kanta 109:6

Magkumun sida, “Manhanap kita daut pag tawu kumalaban ag mandimanda sa kanya sa hurusayan.

Pag-ighit 23:25

Sambaha niyu aku, ti Panginuun niyu Diyus, ag pakan-an niku kamu abunda pag karan-unun ag danum. Paayadun niku kanyu mag-asaydan,

Isayas 30:22

Baliwun yi niyu mauring kanyu diyus-diyusan binwat sa pilak ag gintu. Iyamut niyu ga mauring pag paris ag sumabi, “Balaw yi niku pagkaibgan makitan kamu!”

Matiyu 16:23

Napasrangu si Hisus sa kan Pidru magkun, “Pagpakarayu yi kawu, Satanas! Mag-ampara kawu sa kang turunu. Ti kanmu pag-isipun bukun angay sa Diyus nu unman angay lang sa tawu.”

Markus 1:13

Ati siya sa pangawakawaan sa sulud upatpulu ka sirang, pagtuksuhun mana ni Satanas. Nangulian si Hisus sa basad masimarun hayup. Dapat inalagaan siya manga anghil.

Lukas 10:18

Sinabi ni Hisus sa kanda, “Nakitan niku si Satanas nalagpak ginan sa langit parihu sa kilat.

Lukas 11:18

Nu abi labanan ni Satanas kay sadili udyi gid dumugay kay kapangyarihan, mawasak yi. Pagsabihun niyu aku magpalwas manga labang dahil may kabisugan ginan sa kan Biilsibul.

Lukas 13:16

Unman aw kailangan lugud sa Sirang Pamahari lubadan inda pag babayi kan Abraham linahi? Ginapus siya ni Satanas sa sulud sampulu may walu ka timpu kay kadugay.”

Lukas 22:3

Bag-u sinuldan ni Satanas si Hudas kay palayaw Iskariyuti, kabilang sa sampulu may duwa ka tuludluan.

Lukas 22:31

Sinabi ni Hisus, “Malu duy Simun, hinagad kamu ni Satanas sa Diyus hampay subukan niya kamu taphun ga paray ipayag kay upa.

Lukas 4:8

Sinabi ni Hisus, “Nakasurat sa Banal Kasuratan magkun, ‘Sambahun nimu ti Diyus, imaw kanmu Panginuun, siya lang ti dapat nimu sirbihan.’”

Huwan 13:27

Pagka nagamit ni Hudas ti tinapay, susun inapuan siya ni Satanas. Bag-u kan Hisus sinabi sa kan Hudas magkun, “Ti kanmu buwatun, buwata yi nimu kadali.”

Binwat 26:18

Kailangan pamuklatun nimu kanda manga mata, kailangan bawiun nimu sida ginan sa kadudulman atag sa marayaw, ginan sa kapangyarihan ni Satanas tabug ngap sa Diyus, hampay nu sida sumarig sa kangku, patawadun kanda manga kasalanan hampay mipaminsan sida sa manga tawu napasakup sa Diyus.’

Binwat 5:3

Pagka ati si Ananiyas, sinabi ni Pidru sa kanya magkun, “Ananiyas, hayga duy sinakup ni Satanas kanmu tagipusuun hampay kawu mandaya yi sa Ispiritu Banal sa kanmu nagtawid kay iba kabilyanan niyu daga?

1 Kurintu 5:5

Pagka kamu tiripun yi, ipabahala yi niyu sa kan Satanas tunda pag tawu, hampay dautun kay bilug, dapat iribri di kay karadwa sa kaudasan pagras-ug Panginuun Hisus.

1 Kurintu 7:5

Danga mag-irirangan ti mag-asawa, purya lang sa kanyu taratuhan nu pira ka sirang agud makapadugay kamu sa darangin, bag-u magmirinsanan maan kamu, barang kamu matuksu ni Satanas nu udyi kamu makabata.

2 Kurintu 11:14

Unman waydi kailangan paglingutan nita tunda. Dahil una si Satanas madunung magpanaguabi kuntay siya anghil karayawan.

2 Kurintu 12:7

Dapat hampay balaw niku ipayabang-yabang ti masyadu gid pag manga makadululaw kay ipinakilala Diyus sa kangku, nakan pinakan-an aku usa ka pinagkadugi sa kang bilug, usa ka sugu ni Satanas hampay aku labanan agud unman aku magpalabi-labi.

2 Kurintu 2:11

Hampay kita dayu madaya ni Satanas. Alam di waydi ngap nita kay turunu.

Diyuturunumiyu 10:20

Galanga niyu ti Panginuun niyu Diyus ag siya lang gid kanyu sirbihan. Pagsa kanya di gid kamu ag pagsumpa kamu sa kay lang ngaran.

Santiyagu 4:7

Nakan ngani pagpasakup kamu sa Diyus. Labani niyu ti diyablu, bag-u pumakarayu yi siya ginan sa kanyu.

Huswi 24:14

Nakan magkun si Huswi, “Galanga niyu ti Panginuun ag sirbihi may katapatan. Bugyahi yi niyu ti manga diyus pagsambahun kaybi niyu manga ginurang sa baliw dipay Sapa Iyupratis ag sa Ihiptu, bag-u pagsirbi kamu sa Panginuun.

1 Pidru 5:9

Danga gid kamu magpatalu sa kanya. Pagpakarig-un kamu sa kanyu pagsarig sa Diyus. Naalaman diman ngani niyu, balaw lang kamu ti may pag-agwantahun katida pag kakurian. Hanggan kanyu manga patar-ari sa buu kalibutan may pag-agwantahun diman waydi.

1 Samwil 7:3

Binmagaw si Samwil sa manga Israilita magkun, “Nu ilubus gid waydi niyu kanyu tagipusuun sa Panginuun, yamtan yi niyu kanyu manga pagsarigan pag manga diyus-diyusan hanggan si Astarut. Ipasakup niyu lubus kanyu sadili sa Panginuun, sa kanya lang kamu pagsumirbi. Bag-u iribri niya kamu ginan sa kamang manga Pilistiyu.”