Matiyu 3:6 - Hanunuu

⁶ Pagka inaku nida kanda manga kasalanan, kay itinulbaw sida sa sapa Hurdan.

Matiyu 3:6 Iomraidhean Croise

Isra 10:1

Habang maluhudan magdarangin si Isra sa atubangan Balay Diyus, maglumi siya, magpahayag manga kasalanan nasakupan Israil, mayamu pag manga Israilita lalaki, babayi, hanggan manga kalay-awan ti nagtiripun sa kay palibut. Maglulumian diman sida mabaskug.

Kanta 32:5

Bag-u kang itinapat kang manga kasalanan sa kanmu; balaw niku inda ilinihim. Buluntad niku itinapat sa kanmu kang manga kasalanan, ag pinatawad nimu aku.

Kabagawan 28:13

Unman gid kawu umunlad nu balaw nimu isabi kanmu manga kasalanan, dapat nu itultul nimu inda ag dayuun, kaawaan kawu Diyus.

Isikil 36:25

Widwisikan niku kamu malumpiyu pag danum hampay lumumpiyu kamu sa tanan niyu uring, hanggan balaw yi kamu magsamba sa manga diyus-diyusan.

Danyil 9:4

Kaindaay kang pagsabihun sa kang darangin sa Panginuun niku Diyus ag nanhagad patawad sa kang manga kasalanan hanggan sa kasalanan manga Israilita: “Panginuun, makamaskihan kawu ag makadululaw pag Diyus. Matinupadun kawu sa kanmu kasunduan mahalun nimu ti magmahal sa kanmu hanggan ti magsunud sa kanmu manga sugu.

Libitiku 16:21

Ikupa niya kay duwa ka kamang sa ulu kambing bag-u iampu niya ti tanan kasalanan hanggan ti paglapastangan manga Israilita. Sa panab-anan siyun misalin kanda manga kasalanan tabug sa ulu kambing. Bag-u ipakaun ni Aarun sa katiwala ti kambing hampay palpasan sa pangawakawaan.

Libitiku 26:40

Dahil sa kanyu magpudil ag maglabag sa kangku pinarusahan niku kamu ag ipinabihag sa rugar niyu manga kalaban. Dapat nu iampu niyu kanyu manga kasalanan hanggan niyu manga ginurang ag apasan yi niyu kanyu magpaganit, ag tanggapun niyu ti parusa dahil sa kanyu manga kasalanan,

Bilang 5:7

Kailangan akuun niya kay nabwat kasalanan, ag kailangan bayadan niya buu ti nabwatan niya kadautan, ag dugangan waya 20 ka bahagi kay ibayad.

Matiyu 3:11

Tutuu kamu kang pag-itulbaw sa danum tanda sa kanyu nag-ampu sa kasalanan. Dapat ay may dumasun sa kang uryan lalu man makamaskihan sa kangku. Unman aku may karampatan magdara kay lapak. Siya di ti tumulbaw sa kanyu sa Ispiritu Banal hanggan sa apuy.

Markus 1:5

Naglinuwang ti manga tawu ginan sa kabuuhan daga Hudiya hanggan ginan sa banwa Hirusalim, nag-ati sida tag sa kan Huwan. Itinulbaw sida ni Huwan sa sapa Hurdan, isinabi nida kanda tanan kasalanan.

Lukas 1:16

Magkun ti anghil, “Mayamu sa linahi Israil ti pabalikun niya tag sa Panginuun Diyus nida.

Lukas 3:16

Dapat sinabi ni Huwan sa kanda tanan magkun, “Ungud ngani kamu kang pag-itulbaw sa danum. Dapat may rumas-ug makamaskihan man sa kangku. Unman may karampatan aku maglubad panhigut niya manga lapak. Itulbaw niya kamu aban sa Ispiritu Banal hanggan sa apuy.

Binwat 1:5

Si Huwan nagtulbaw sa danum dapat ay balaw yi dumugay kamu itulbaw yi sa Ispiritu Banal.”

Binwat 11:16

Bag-u naisipan diman niku kay sinabi Panginuun kaybi magkun, ‘Si Huwan magtulbaw sa danum, dapat kamu itulbaw sa Ispiritu Banal.’

Binwat 19:18

Mayamu manga patar-ari nagtapat sa atubangan kadamlan tawu magkun, sida nagbuwat diman waydi katunda.

Binwat 22:16

Taynguna duy, danga magkatalinduwa. Pagtindug yi. Pagsampit sa kay ngaran Panginuun ag pagpatulbaw hampay lumpiyuhun kawu sa kanmu manga kasalanan.’ ”

1 Kurintu 10:2

Sida tanan napaminsan sa kan Muysis, pagka sida ga itinulbaw sa rurum ag sa dagat.

Kulusas 2:12

Pagka itinulbaw kamu, ilinbung kamu kaibahan ni Kiristu. Bag-u nabuhi maan uman niya dahil sa kanyu pagsarig sa makamaskihan buwat Diyus, imaw ti nagbuhi uman sa kan Kiristu.

Hibriyu 6:2

tungkul sa tudlu sa manga tulbaw, sa pagkupa manga kamang, ag sa pagkabuhi uman manga namatay, ag tungkul sa pagsintinsiya unman may katapusan.

Hibriyu 9:10

Dahil tunda pag manga bilin tungkul lang sa manga karan-unun tawu, sa kanda pag-inmun hanggan sa kanda tun-anun sa mag-ugas. Nakan may kahulugan lang pag manga bilin hanggan sa udwaya binag-u Diyus ti tanan pag manga bagay.

Santiyagu 5:16

Nakan ngani isabi niyu kanyu manga kasalanan sa usa kag sa usa, bag-u pagdararanginan kamu sa usa kag sa usa agud kamu paayadun. Daka kay magkabuwat ti darangin tawu matadlung.

Huswi 7:19

Magkun si Huswi sa kan Akan, “Anak, dayawa ti Panginuun, ti Diyus Israil; pagsabi kawu kay tutuu sa kay atubangan. Unu kanmu binwat? Danga inda paglihiman sa kangku.”

1 Pidru 3:21

Ti danum halimbawa sa tulbaw magribri taynguna sa kanta. Ti tulbaw balaw sa kuntay makalumpiyu uring sa bilug. Ti kahulugan tulbaw magtaratu kita sa Diyus balaw yi kita magbuwat manga bagay balaw mayad sa kanya. Pag-iribri kita tulbaw dahil sa kay pagkabuhi uman ni Hisu-Kiristu.

1 Huwan 1:9

Nu pag-akuun nita kanta manga kasalanan sa atubangan Diyus, patawadun niya kita sa tanan pag kadautan, dahil ti Diyus matadlung ag masarigan.