Matiyu 3:17 - Hanunuu

¹⁷ Bag-u may nagbagaw ginan sa langit magkun, “Inda kang pagmayadun gid pag anak, siya lubus kang pagbayaun.”

Matiyu 3:17 Iomraidhean Croise

Kanta 2:7

Magkun ti pinili Diyus pag hari, “Itultul niku ti sinabi sa kangku Panginuun magkumun, ‘Kawu kang anak. Taynguna pag sirang pag ipakilala niku aku kanmu ama.

Isayas 42:1

Magkun ti Panginuun, “Inda kang pag pabisugun pag manugsirbi. Pinili niku siya ag magbaya aku sa kanya. Asan sa kanya kang Ispiritu, ilantag niya ti katadlungan sa manga nasyun.

Isayas 42:21

Gustu gid Panginuun galangun kay kasuguan agud maipakakit niya kay katadlungan.

Matiyu 12:18

“Inda yi kang suruguun, siya kang gid pinili, kang gid pagmahalun, lubus kang pagbayaun. Ilubus niku sa kanya kang Ispiritu Banal, pihuun niya ti tanan nasyun tawu nu daut nu mayad.

Matiyu 17:5

Sa kay di waya magbagaw hinamuyan sida masinay pag rurum. May nagbagaw ati ginan sa rurum magkun, “Inda kang pagmahalun pag Anak, siya lubus kang pagbayaun. Patingihi gid niyu siya.”

Markus 1:11

May nagbagaw ginan sa langit magkun, “Kawu kang pagmayadun pag Anak, sa kanmu aku lubus pag magbaya.”

Markus 9:7

Bag-u may rurum hinmamuy sa kanda, may nagbagaw ginan sa rurum magkun, “Inda kang pagmayadun pag Anak, patingihi gid niyu siya.”

Lukas 3:22

Nagpakababa sa kanya ti Ispiritu Banal ga histuda kalampati. Bag-u may magbagaw ginan sa langit magkun, “Kawu kang pagmahalun pag Anak, kawu lubus kang pagbayaun.”

Lukas 9:35

May nagbagaw ginan sa rurum magkun, “Inda kang Anak, kang pinili, siya ti kanyu patingihi.”

Huwan 5:20

Dahil pagmahalun Ama ti Anak, ti tanan buruwatun Ama pag-ipakakit niya sa Anak. Ag lalu waya makamaskihan siyun pag manga buwat ti ipakakit Ama sa Anak agud kamu madulaw.

Huwan 5:37

Hanggan ngap ti Ama ti nagsugu sa kangku tigpakilala waydi nu si unu aku. Una kaybi ginan kamu unman nakadnug kay magbagaw, unman diman kamu nakakit sa kay pinagkabilug.

Ipisu 1:6

Dayawun nita siya dahil sa makadululaw pag kaayadan kay ipinapalad niya sa kanta sa panab-anan niya pagmahalun pag Anak.

Kulusas 1:13

Irinibri niya kita ginan sa kapangyarihan kadudulman, ipinauli yi niya kita sa kaharian niya magmayadun pag Anak.

2 Pidru 1:17

Ipinakaun yi Diyus Ama sa kanya ti kadayawan hanggan kapurihan sa katpung may nagbagaw ginan sa mamaski pag kadayawan sa langit magkun, “Inda kang pagmahalun gid pag Anak, siya lubus kang pagkaawaan.”

1 Huwan 5:9

Pagpaniwalaan nita ti pagsabihun manga tawu. Dapat lalu mahalaga ti pagsabihun Diyus, ag siya ngani ti nagpatutuu si Hisus kay Anak.

Ipinakakit 14:2

Nadnugan niku may mag-ingay ginan sa langit kay tunug ga danum magpaywas sa puru, ga magranranug linti. Ti kang nadnugan ga magtimpara manga manuggitara.