Matiyu 3:12 - Hanunuu

¹² Sa kay yi kamang ti pangayat paruk hampay kay rayawan ti girik-an. Tipunun niya kay tirigu sa kay balay haramnuan dapat kay dayami sunugun niya sa unman magkapsa pag apuy.”

Matiyu 3:12 Iomraidhean Croise

Hub 21:18

Bihira lang sida pagtulakun bilang ga dayami ngatay sa upa pagpayagun mabisug pag bagyu.

Kanta 1:4

Dapat balaw katida ti daut pag manga tawu. Sida unman may pulus, parihu sa upa pag-ipayag lang durus.

Kanta 35:5

Mana bumaliw sida parihu sa upa pag-ipayag durus habang pagtabugun sida nimu anghil.

Isayas 1:31

Ti manga may kapangyarihan sa kanyu bumaliw parihu sa layung kayu madali pag maktan, ag ti daut nida buwat bumaliw ga sikrab apuy umirub sa kanda. Unman may makapsa sa tunda pag apuy.

Isayas 17:13

Dapat una sida parihu sa daraka humbak magtunug, malagiw di sida nu tamyawun sida Diyus. Miparihu sida sa upa sa tagudtud pagpayagun durus ag dayami pagpayagun buhawi.

Isayas 27:4

Balaw yi aku magkagalit sa inda pag ubasan. Dapat sa udas may makitan aku manga halaman may dugi, bul-un niku tida ag sunugun.

Isayas 28:28

Ti tirigu pagbuwatun tinapay madali magkarunut, nakan balaw niya inda masyadu paggiukun. Paggamitan niya inda karitun panggiuk, dapat pagpihuun niya balaw marunut.

Isayas 30:24

Kanyu manga baka hanggan manga asnu pangaradu manharab sa pinakamayad pag hararabun hayup.

Isayas 41:16

Tahupun nimu sida ag ipayag sida durus; wayakun sida mabisug pag durus. Dapat kawu makabaya sa Panginuun; dumayaw kawu sa Banal pag Diyus Israil.

Isayas 5:24

Nakan miparihu kamu sa dayami ngatay sa layung ilamnun mairub apuy. Miparihu diman kamu sa tanum kay manga gamut magkaluu ngatay busang pag-ipayag durus ga taypuk, dahil ipinurya niyu ti Kasuguan Panginuun Makamaskihan, ti Banal pag Diyus Israil.

Isayas 66:24

Sa pagluwas manga nagsamba sa kangku sa Hirusalim, makitan nida ti manga bangkay manga tawu naglaban sa kangku. Ti magkaun sa kanda pag manga sapat balaw magkamatay hanggan ti sumunug pag apuy sa kanda ud magkapsa. Ag kurim-udan sida tanan tawu.”

Hirimyas 15:7

Parusahan niku kamu ga upa pagtaphun sa manga puwirtahan banwa. Rurisun niku kamu hanggan kanyu manga anak, dahil unman niyu pagpatlikudan kanyu daut ugali.

Hirimyas 17:27

Dapat nu balaw kamu sumunud sa kangku, ag balaw niyu kilalan-un ipinablag ti Sirang Pamahari, ag mandara kamu manga paninda sa manga puwirtahan Hirusalim sa tida pag sirang, irubun niku ti manga puwirtahan Hirusalim hanggan ti manga mapag-un pag manga bahagi banwa, unman gid may pumusa tunda pag apuy!’ ”

Hirimyas 4:11

Rumas-ug ti sirang sumabi ti Panginuun sa manga taga Hirusalim, “Umuyup ti mainit pag durus ginan sa arabwat pag rugar sa pangawakawaan atabug sa manga nasakupan niku, dapat ay balaw hampay mataphan ti manga tirigu nida.

Hirimyas 51:2

Mamadara aku manga day-uhan hampay girahun ag wasakun ti Babilunya parihu sa upa payagun durus. Girahun nida ti Babilunya sa tanan bahagi sa sirang kadamhakan inda.

Hirimyas 7:20

Nakan aku, ti Panginuun Diyus, magsabi, “Ipaagum niku sa inda pag rugar ti masyadu pag pangagalit niku — sa manga tawu, sa manga hayup, sa manga puun kayu, hanggan sa manga tanum. Kang pangagalit ga apuy unman magkapsa.

Husyas 13:3

Nakan madura kamu parihu sa anitay ngatay sa tun-ug sa surip, ngatay parihu sa upa sa giukan pag-ipayag durus ngatay anus magluwang sa kay ahusan.

Amus 9:9

Bantayi niyu! Mansugu yi aku; ayagun niku kamu pag nasakupan Israil kaibahan tanan nasyun, parihu sa mag-ayag manga uyas. Nu kabitay ti manga dariit pag batu unman makalapus sa ayagan,

Malakyas 4:1

Magkun ti Panginuun Makamaskihan, “Pihu gid rumas-ug ti sirang kaparusahan. Bumaliw inda ga maglabdaban pugun. Parusahan niku ti tanan mayabang hanggan magbuwat daut parihu sa magtutud dayami. Bumaliw sida ga tinutdan kayu unman gid may nasawad una di sanga hanggan gamut.

Matiyu 13:30

Pabay-ani lang niyu parihu magdaka hanggan sa ud tig-arani. Sa udas tig-arani aban sabihun niku sa manga manug-ani, “Tumpuka dap niyu ti manga ilamnun bag-u bugkusa niyu hampay sunugun sa apuy. Bag-u tipuna niyu ti tirigu sa kang balay haramnuan.” ’ ”

Matiyu 13:41

Suguun Anak Tawu kay manga anghil, agud tipunun nida sa luwas niya kaharian ti tanan magpaturun tabug sa kasalanan hanggan ti tanan magbuwat kadautan;

Matiyu 13:42

bag-u iyamut sida sa maglabdaban pag apuy. Ati sida pag man-nguruynguyan ag mangubut kanda manga ngipun.

Matiyu 13:43

Ti manga matadlung rumayaw ga init sa kaharian nida Ama. Ti may tuli kailangan pagpatingi.”

Lukas 3:16

Dapat sinabi ni Huwan sa kanda tanan magkun, “Ungud ngani kamu kang pag-itulbaw sa danum. Dapat may rumas-ug makamaskihan man sa kangku. Unman may karampatan aku maglubad panhigut niya manga lapak. Itulbaw niya kamu aban sa Ispiritu Banal hanggan sa apuy.

Lukas 3:17

Sa kay yi kamang ti pangayat paruk hampay rayawan niya kay girik-an. Tipunun ti tirigu sa kay balay haramnuan. Dapat ti dayami isawug niya sa unman nagkapsa pag apuy.”

Huwan 15:2

Nu may manga sanga sa kangku unman magburak, kay pungpungun niya. Ti kada sanga magburak puldan niya kay baliw hampay lalu mamurak.