Matiyu 3:11 - Hanunuu

¹¹ Tutuu kamu kang pag-itulbaw sa danum tanda sa kanyu nag-ampu sa kasalanan. Dapat ay may dumasun sa kang uryan lalu man makamaskihan sa kangku. Unman aku may karampatan magdara kay lapak. Siya di ti tumulbaw sa kanyu sa Ispiritu Banal hanggan sa apuy.

Matiyu 3:11 Iomraidhean Croise

Isayas 4:4

Sa panab-anan kamaskihan ag maglabdab pag parusa Panginuun, pihuun niya ag lumpiyuhun ti kadautan manga babayi sa Hirusalim hanggan ti manga maratyan ati.

Isayas 44:3

Dahil pakan-an niku kawu danum pamaraw uwaw hanggan humaug sa kanmu tigangan daga. Ipakaun niku kang Ispiritu sa kanmu linahi ag papaladan niku sida.

Sakaryas 13:9

Ag ti ikatlu pag bahagi masawad lumpiyuhun niku parihu sa pilak pag-ipalakaw sa apuy. Subukun niku sida parihu sa gintu pag-ipalakaw sa apuy nu lunsay ngatay unman. Mandarangin sida sa kangku ag sagtun niku sida. Sabihun niku, ‘Sida kang nasakupan.’ Ag sabihun diman nida, ‘Ti Panginuun kanmi Diyus.’ ”

Matiyu 3:6

Pagka inaku nida kanda manga kasalanan, kay itinulbaw sida sa sapa Hurdan.

Markus 1:4

Nakan ngani rinmas-ug si Huwan manugtulbaw sa pangawakawaan. Nanudlu siya sa manga tawu magkun, “Pag-ampu yi kamu sa kanyu manga kasalanan ag pagpatulbaw yi bag-u patawadun yi Diyus kanyu manga kasalanan.”

Lukas 1:17

Umuna siya sa Panginuun parihu ga kan Ilyas diman dahil sa kapangyarihan Ispiritu Banal. Pabalikun niya ti naisipan manga gurangun sa ikaayad nida manga anak. Tudluan niya ti manga makasalanan agud sida madunung magtupad sa kagustuhan Diyus. Ialistu niya para sa Panginuun usa ka nasyun handa yi.”

Lukas 3:16

Dapat sinabi ni Huwan sa kanda tanan magkun, “Ungud ngani kamu kang pag-itulbaw sa danum. Dapat may rumas-ug makamaskihan man sa kangku. Unman may karampatan aku maglubad panhigut niya manga lapak. Itulbaw niya kamu aban sa Ispiritu Banal hanggan sa apuy.

Lukas 3:3

Bag-u nag-ati si Huwan namalibut baliw-baliw dipay sapa Hurdan. Nanudlu siya sa manga tawu, magkun, “Pag-ampu yi kamu sa kanyu manga kasalanan, ag pagpatulbaw yi kamu, bag-u patawadun yi Diyus kanyu manga kasalanan.”

Huwan 1:15

Pinatutuuhanan ni Huwan tungkul sa kanya sa manga tawu. Iinalsa niya kay busis magkun, “Inda yi ngani ti pagsabihun niku, may dumasun usa ka tawu sa kang uryan, makapangyarihan man sa kangku, dahil udwaya aku ainanak daan di siya.”

Huwan 1:30

Imaw yi ngani kang pagsabihun may dumasun usa ka tawu sa kang uryan, makapangyarihan man sa kangku, dahil udwaya aku ainanak daan di siya.

Binwat 1:5

Si Huwan nagtulbaw sa danum dapat ay balaw yi dumugay kamu itulbaw yi sa Ispiritu Banal.”

Binwat 19:4

Bag-u kay sinabi ni Pablu magkun, “Kan Huwan itinudlu pag tulbaw kay kahulugan tanda sa manga nag-ampu sa kanda manga kasalanan. Sinabi ni Huwan sa manga Israilita, kailangan sida sumarig sa rumas-ug dumasun sa kanya, kay ibug sabihun sa kan Hisus yi ngani.”

Binwat 8:36

Sigi di gid kanda lakaw karusa. Pagka dugay nakaras-ug sida sa may danum. Nakan sinabi pinunu sa kan Pilipi magkun, “May danum atay. May ampara aw nguna sa kang magpatulbaw?”

Binwat 8:38

Pinat-ung pinunu ti karusa bag-u nagdugsun sida duwa ginan sa karusa atag sa danum bag-u itinulbaw siya ni Pilipi.

1 Kurintu 12:13

Usa lang ka Ispiritu ti nagtulbaw sa kanta tanan sa bilug ni Kiristu, una kita Hudiyu, una kita Giriyigu, una manga panawuhun, una manga balaw panawuhun, kita tanan pinainum sa usa lang ka Ispiritu.

Ipisu 3:8

Sa tanan manga nasakup sa Diyus aku ti unman may kabuluhan. Dapat una katida nagustuhan diman niya ipakaun sa kangku inda pag buruwatun, hampay itudlu niku sa manga balaw Hudiyu ti Mayad pag Barita tungkul sa abunda ag dayi maaput naisipan pag papalad ginan sa kan Kiristu.

Titu 3:5

Nakan irinibri niya kita, balaw dahil sa kanta sadili buwat mayad nu unman angay lang sa kay pangaawa. Irinibri niya kita, linumpiyu kita sa danum sa katpung kita inanak inuman ag binag-u kita Ispiritu Banal.

1 Pidru 5:5

Kamu duy pag manga udwaya masyadu kanyu idad, kailangan pagpasakup kamu sa manga manug-asiwa iglisya. Pagparasakpan kamu tanan magsirirbihan kamu sa usa kag sa usa. Angay sa isinurat sa Banal Kasuratan magkun, “Ti Diyus lumaban sa mayabang-yabang, dapat pakan-an niya kaayadan ti mapinakumbabaun kay naisipan.”