Matiyu 3:10 - Hanunuu

¹⁰ Taynguna maayangan yi ti wasay sa manga dalid kayu. Ti kada puun kayu nu unman magburak mayad, pukanun bag-u iyamut sa apuy.

Matiyu 3:10 Iomraidhean Croise

Kanta 1:3

Parihu siya sa kayu itinanum sa saruy sapa magburak nu udas tig bururak, ag balaw magkarubay kay manga labung. Ti kainda pag tawu umalwan sa kay manga pagbuwatun.

Kanta 140:10

Mana malagpakan sida maglabdab pag manga baga. Mana ilagpak sida sa manga ukang, sa udyi sida makabangun waya.

Kanta 92:12

Ti manga matadlung mag-alwan ga manga palma maglangba, ag rumig-un sida parihu sa manga kayu sidru sa Libanun.

Isayas 27:11

Pagka nabari ag nalayung ti manga sanga, tinipun inda manga babayi ag binwat pamagba. Dahil sa unman may intindi inda pag manga tawu. Balaw sida kaawaan Diyus imaw ti naglalang sa kanda.

Hirimyas 17:8

Miparihu siya sa puun kayu itinanum sa saruy sapa kay manga gamut mag-aput sa danum. Inda pag puun kayu balaw maunu una rumas-ug ti tag-init ngatay ti turungun. Pirmi malangba kay manga labung ag unman may apas kay magburak.

Danyil 4:14

Nagringgit siya, ‘Pukana niyu ti kayu ag pamulda kay manga sanga. Bul-a kay manga labung ag yamtan kay manga burak. Bugawa diman niyu ti manga hayup magpahamuy sa kay sirung hanggan ti manga manuk magpugad sa kay manga sanga.

Malakyas 4:1

Magkun ti Panginuun Makamaskihan, “Pihu gid rumas-ug ti sirang kaparusahan. Bumaliw inda ga maglabdaban pugun. Parusahan niku ti tanan mayabang hanggan magbuwat daut parihu sa magtutud dayami. Bumaliw sida ga tinutdan kayu unman gid may nasawad una di sanga hanggan gamut.

Matiyu 21:19

Pagka nakitan niya ti usa ka puun igus sa saruy dalan kay dinuawan, dapat ud may nakitan siya burak, nu ud manga labung lang. Sinmabi siya sa igus, “Kainda ginan danga yi lang kawu magburak una hanggan aban.” Susun nalayung yi ngap ti puun igus.

Matiyu 7:19

Ti kada puun kayu nu unman magburak mayad, pukanun yi lang bag-u iyamut sa apuy.

Lukas 23:31

Dahil nu inda kanda pagbuwatun sa puun kayu buhi unman aw mas lalu makuri ti mangyari sa manga nalayung?”

Lukas 3:9

Kaati nakahanda yi ti wasay sa puun kayu. Ti kada puun kayu nu unman magburak marinu, pukanun yi lang bag-u iyamut sa apuy.”

Huwan 15:2

Nu may manga sanga sa kangku unman magburak, kay pungpungun niya. Ti kada sanga magburak puldan niya kay baliw hampay lalu mamurak.

Huwan 15:6

Nu ti tawu napablag yi sa kangku, iyamut siya malayung bag-u parihu diman ga manga sanga tipunun siya, bag-u isawug sa apuy hampay sunugun.

Hibriyu 12:25

Nakan pagpatingi kamu kaayad-ayad sa kan Hisus magbagaw sa kanyu. Ti manga tawu kaybi unman nakaiwas sa kaparusahan nu sida nagbugya mamatingi sa kan Muysis namadakit sa kanda sitay sa babaw daga sa kay manga pagsabihun Diyus. Mas lalu kita dayu makaribri nu patlikudan nita ti magbagaw ginan sa langit.

Hibriyu 6:8

Dapat nu tunda pag daga tubuan manga ilamnun dugihan kay iba, unman may gana tida pag daga ag udyi dugay aban saadan yi Diyus pihu irubun aban apuy.