Matiyu 28:6 - Hanunuu

⁶ Unman siya sitay dahil siya nabuhi yi uman parihu diman sa kay sinabi. Abala kamu pagbantay ngani kamu sa kay nagpaulian.

Matiyu 28:6 Iomraidhean Croise

Matiyu 12:40

Nu kabitay si Hunas sa sulud tulu ka yabi tulu ka sirang sa basad tiyan laun pag isda, katunda diman ti Anak Tawu aban sa tinaguktukan batu sa sulud tulu ka yabi tulu waydi ka sirang.

Matiyu 16:21

Siyun ginan ipinaalam yi ni Hisus sa kay manga tuludluan kailangan siya umati sa Hirusalim. Pagka ati pakurian siya masyadu manga paggurangunun manga Hudiyu, manga pangulu manughandug hanggan manga manugtudlu Kasuguan bag-u kanda ipamatay siya. Dapat sa ikatlu pag sirang mabuhi maan siya uman.

Matiyu 17:23

bag-u kanda matyun siya, dapat mabuhi maan siya sa ikatlu pag sirang.” Pagka nadnugan nida tunda, masyadu sida nagruku.

Matiyu 17:9

Sa kanda maglus-ug ginan sa bantud sinabi ni Hisus sa kanda magkun, “Danga dapu sabihun niyu una sa kantapu ti kanyu nakitan hanggan sa udwaya mabuhi uman ti Anak Tawu.”

Matiyu 20:19

Bag-u kanda ipabahala siya sa manga balaw Hudiyu, hampay kanda muransahun, hampakun, bag-u ipaku yi nida sa kurus. Dapat sa ikatlu pag sirang mabuhi maan siya uman.”

Matiyu 27:63

Sinabi nida, “Naalaala duy nimi pagka siya buhi waya, sinabi tunda pag magpanaguabi magkun, nu lawuy tulu ka sirang mabuhi siya uman.

Markus 16:6

Magkun ti lalaki, “Danga magkadala kamu. Paghanapun niyu si Hisus taga Nasarit, ti ipinaku sa kurus. Nabuhi siya uman. Udyi siya sitay. Bantayi niyu, asan kay nagkabugtangan niya.

Markus 8:31

Siyun ginan nag-umpisa magtudlu si Hisus sa kay manga tuludluan magkun, ti Anak tawu kailangan mag-agwanta mayamu pag kakurian. Dayuun siya aban manga paggurangunun manga Hudiyu, manga pangulu manughandug hanggan manga manugtudlu Kasuguan bag-u kanda ipamatay siya. Dapat ay pagka lawuy yi tulu ka sirang, mabuhi maan siya uman.

Lukas 24:12

Dapat si Pidru nagtindug nagpalagiw tag sa tinaguktukan batu, nagpasirang atag sa sulud, nakitan niya kay nagsaputan bangkay nadmay yi. Nuli maan si Pidru, maglingut waya siya nu hintay nguna ti nangyari.

Lukas 24:23

Pagka udyi may nakitan kay bangkay nuli maan sida nagsabi sida, ‘May nakitan kami balaw pangakakitun pag manga anghil.’ Nagsabi kunu ti manga anghil, ‘Nabuhi si Hisus.’

Lukas 24:44

Sinabi niya sa kanda, “Inda imaw yi kang pagsabihun sa kanyu kaybi kang di waya sa kanyu. Sinabi kabay niku kailangan tupadun ti tanan nakasurat tungkul sa kangku sa Kasuratan ni Muysis hanggan sa Surat manga Purupita hanggan sa Ribru Manga Kanta.”

Huwan 10:17

“Pagmahalun aku niku Ama dahil handa aku mamatay hampay tanggapun di maan niku kang buhi.

Huwan 2:19

Sinagut ni Hisus magkun, “Gubaa niyu inda pag Balay Diyus bag-u ipatindug maan niku sa sulud tulu lang ka sirang.”

Binwat 2:24

Dapat binuhi di siya Diyus ag irinibri sa kapangyarihan kamatayan, sa ungud, una ti kamatayan unman may kapangyarihan amparahun siya.