Matiyu 27:52 - Hanunuu

⁵² Nabukasan ti manga lubung. Nabuhi maan uman ti mayamu manga matadlung ginan sa kamatayan.

Matiyu 27:52 Iomraidhean Croise

2 Hari 13:21

Kas-a ginan, may manga taga Israil manlubung mana namatay. Dapat pagka nakakit sida gurupu manga taga Muab magpan-gira, nagdaldali isinukad nida ti bangkay sa lukib naglubngan sa kan Ilisyu bag-u nalagiw. Pagka nid-ut ti bangkay sa manga but-ul ni Ilisyu, nabuhi ti namatay ag tinmindug.

Isayas 25:8

Bul-un diman Panginuun Diyus ti kamatayan ag payidun niya ti manga luwa tanan tawu. Bul-un niya ti kakay-ahan niya manga nasakupan sa buu kalibutan. Mangyari gid inda dahil binagaw Panginuun.

Isayas 26:19

Dapat utru mabuhi kanmu manga nasakupan namatay. Bumangun kanda manga bangkay ag kumanta sa kabayaan. Nu kabitay ti tun-ug magparamig sa daga, kawu diman Panginuun ti utru bumuhi sa manga namatay.

Danyil 12:2

Buhiun ti tanan nagkaramatay. Ti iba sa kanda makatanggap buhi unman may katapusan, dapat ti iba saadan ag ipauli sa kakay-ahan unman may katapusan.

Husyas 13:14

Iribri aw niku kamu sa kamatayan? Unman! Sumabi waya ngani aku, ‘Kamatayan, naan yi kanmu manga sarut? Naan yi kanmu kaparusahan para sa inda pag manga tawu?’ “Balaw gid niku kamu kaawaan.

Huwan 11:11

Pagka sinabi ni Hisus tunda bag-u magkun waya siya, “Kanta pagmahalun pag tawu si Lasaru turug yi. Dapat aku umatag hampay siya kang pulawun.”

Binwat 7:60

Nagluhud siya bag-u nanawag daka magkun, “Panginuun, danga ipakaun nimu sa kanda inda pag kasalanan nida.” Pagka sinabi niya katida, naugtasan yi siya arup.

1 Kurintu 11:30

Nakan ngani mayamu sa kanyu ti may manga sakit ag manga malumuy ag balaw pira ti namatay yi.

1 Kurintu 15:20

Dapat kay tutuu, si Kiristu binuhi uman sa kay pagkamatay, imaw tunda ti puruyba kuntay buhiun uman ti manga namatay.

1 Kurintu 15:51

Malu, kang itultul sa kanyu ti usa ka katutuuhanan udwaya ipinaburayhaw Diyus sa manga tawu. Balaw tanan-tanan kita mamatay, dapat kita tanan bag-uhun,

1 Tisalunika 4:14

Nagpaniwala kita si Hisus namatay bag-u nabuhi siya uman. Nakan ngani katunda diman kita magpaniwala tungkul sa tanan manga magsarig sa kan Kiristu, nu sida namatay yi, buhiun waydi sida Diyus hampay sida minsan yi sa kan Hisus.

1 Tisalunika 5:10

Namatay siya para sa kanta hampay kita mabuhi kaibahan niya una kita buhi waya una kita namatay yi.