Matiyu 26:64 - Hanunuu

⁶⁴ Sinmagut si Hisus, “Tutuu yi ngap kanmu pagbagawun. Dapat kang pagsabihun sa kanyu, ‘Kainda ginan makitan niyu ti Anak Tawu matukawan baliwa sa kay sikun Diyus minsan sa karampatan Diyus makapangyarihan. Rumas-ug siya aban padara sa rurum ginan sa langit.’ ”

Matiyu 26:64 Iomraidhean Croise

Kanta 110:1

Magkun ti Panginuun sa kang Panginuun, “Pagtukaw kawu sitay baliwa sa kang sikun tugka sa maipasirung niku sa kanmu ti manga kalaban nimu.”

Isayas 19:1

Inda ti pagsabihun tungkul sa Ihiptu: Pagpatingi kamu! Ti Panginuun masakyan sa rurum ag mabisug inmatag sa Ihiptu. Pagtakigan sa dala ti manga diyus-diyusan Ihiptu, ag pagkulbaan ti manga Ihipsiyu.

Danyil 7:13

“Bag-u nakitan niku ti ga anyu tawu sinangputan rurum. Nagpakarani siya sa Diyus Buhi unman may Katapusan.

Matiyu 16:27

Dahil udyi dugay bumalik yi ti Anak Tawu may mamaski pag kapangyarihan niya Ama, kaibahan niya kay manga anghil. Ati katpung pag udas gantihan niya ti kada tawu angay sa kay binwat.

Matiyu 16:28

Ungud duy kang pagsabihun sa kanyu, ti iba sa kanyu sitay dayu mamatay hanggan sa udwaya makitan nida aku, ti Anak Tawu, humiyaput yi sa kay karampatan maghari.”

Matiyu 22:44

‘Sinabi Panginuun sa kang Panginuun, Pagtukaw kawu sitay baliwa sa kang sikun tugka sa maipasirung niku sa kanmu ti manga kalaban nimu.’

Matiyu 24:30

Bag-u makitan nida sa langit ti tanda Anak Tawu. Manrukuan di ti tanan nasyun sa babaw daga nu makitan nida ti Anak Tawu rumas-ug napadara sa rurum ginan sa langit may kamaskihan hanggan daka pag kadayawan.

Matiyu 25:31

Sinabi ni Hisus magkun, “Rumas-ug ti Anak Tawu aban hampay maghari, kaibahan niya ti tanan manga anghil, bag-u gamitun niya kay karampatan sa pagkahari may kadayawan.

Matiyu 26:25

Pagka sinabi ni Hisus tunda, nagpaingana diman si Hudas, imaw ti magpakampi sa kalaban, magkun, “Maisturu, aku aw nguna?” Magkun si Hisus, “Kawu ti nagsabi tunda.”

Matiyu 27:11

Pinaatubang si Hisus sa kan Gubirnadur Pilatu. Nagpaingana ti gubirnadur sa kan Hisus magkun, “Kawu yi aw ngani ti Hari manga Hudiyu?” Nagsagut si Hisus magkun, “Hu. Kawu tunda ti may sabi.”

Matiyu 28:18

Nagpakarani si Hisus bag-u sinabi niya sa kanda magkun, “Ipinakaun sa kangku ti tanan karampatan sa langit hanggan sa babaw daga.

Matiyu 8:20

Magkun si Hisus sa kanya, “May ulian ti manga simarun idu sa manga basad lukib, may pugad ti manga manuk, dapat aku, ti Anak Tawu, unman may paraharyan.”

Markus 14:62

Sinabi ni Hisus, “Aku ngani. Kainda ginan makitan niyu ti Anak Tawu matukawan baliwa sa sikun Diyus makamaskihan minsan sa kay karampatan. Rumas-ug siya padara sa rurum ginan sa langit.”

Lukas 21:27

Ati katpung aban makitan nida ti Anak Tawu rumas-ug padara sa rurum, may kamaskihan hanggan daka pag kadayawan.

Lukas 22:69

Dapat sa taynguna ginan matukawan yi ti Anak Tawu baliwa sa kay sikun Diyus minsan sa karampatan Diyus makapangyarihan.”

Lukas 22:70

Bag-u sinabi nida tanan, “Nu katunda kawu aw ti Anak Diyus?” Bag-u sinabi niya sa kanda, “Kamu yi waydi ti magsabi kuntay aku ngani.”

Huwan 18:37

Pinmaingana maan si Pilatu magkun, “Nu katunda hari aw gid kawu?” Sinmagut si Hisus magkun, “Hu, tama kanmu pagsabihun kuntay aku hari. Nakan nagsitay aku iinanak sa babaw daga inda lang kang turunu hampay itultul niku ti katutuuhanan sa manga tawu. Nu ti tawu napasakup sa katutuuhanan, pumatingi siya sa kang manga pagsabihun.”

Binwat 1:11

Magkun sida sa manga apustul, “Kamu pag manga lalaki taga Galiliya, hayga kamu matindugan diman mabantayan atag sa langit? Inda pag Hisus ti dinara ginan sa kanyu atag sa langit, sumitay maan parihu sa kanyu nakitan sa kay nag-atag sa langit.”

Ruma 14:10

Kawu duy hayga pag-unuunuhun ngatay pagpihuun nimu ti daut ti mayad sa kanmu patar-ari? Kita tanan umatubang sa Diyus bag-u pihuun niya ti daut ti mayad sa kanta.

1 Tisalunika 4:16

Ati katpung pag udas aban, dumugsun ti Panginuun ginan sa langit may matnug pag sugu. Madnugan nita bumagaw ti pangulu anghil ag tumunug ti turumpita Diyus. Bag-u ti manga namatay nu nagsarig sa kan Kiristu imaw ti buhiun dapu.

Hibriyu 1:3

Ti Anak ti duag kadayawan Diyus. Parihu siya sa Diyus sa tanan bagay. Ti Anak diman ti mag-alaga sa tanan bagay sa kamaskihan niya bagaw. Pagka ihinanda niya kay kapatawadan sa manga tawu kasalanan bag-u tinmukaw siya ati sa langit baliwa sa sikun Diyus, minsan sa karampatan Diyus makamaskihan sa tanan.

Hibriyu 12:2

Bantayan nita kanta manuggiya si Hisus. Siya diman ti turunu nita sarig. Dahil kabayaan kay patabgan, nakan inagwanta yi lang niya madi ipinurya siya sa kay pagkamatay sa kurus. Bag-u tinmukaw siya ati sa langit baliwa sa sikun Diyus, minsan sa karampatan Diyus.

Ipinakakit 1:7

Tandaan gid niyu, rumas-ug yi si Hisus padara sa rurum sitay tag. Makitan siya tanan tawu, hanggan ti nagharug sa kay habig kumakit diman sa kanya. Ti tanan nasyun sa babaw daga lumumi dahil sa kanya. Pihu gid katida ti mangyari. Amin.

Ipinakakit 20:11

Bag-u nakitan niku ti laun pag malagti pag tukawan hari hanggan ti matukawan siti. Naparaw sa kay atubangan ti daga hanggan langit, udyi maan nakitan uman.