Matiyu 26:55 - Hanunuu

⁵⁵ Bag-u napasrangu siya atag sa manga tawu magkun, “Aku lugud tulisan aw, nakan nagsitay kamu may dara baladaw, manga pamakul hampay dakpun aku? Sirang-sirang diman waydi magtukaw aku sa Balay Diyus magtudlu, bati unman waydi niyu dinakup?

Matiyu 26:55 Iomraidhean Croise

Matiyu 21:23

Pagka sinmaka si Hisus sa Balay Diyus, nagpakarani sa kanya ti manga pangulu manughandug hanggan ti manga paggurangunun manga Hudiyu sa kay katpung magtudlu. Sinabi nida sa kanya magkun, “Naan ginan kanmu karampatan nakan kanmu pagbuwatun inda pag manga bagay? Hintay ti nagpakaun karampatan sa kanmu?”

Matiyu 26:47

Magbagaw di waya si Hisus, nagras-ug yi si Hudas, usa sa sampulu may duwa. May kaibahan siya mayamu tawu may dara manga baladaw, manga pamakul. Sinugu sida manga pangulu manughandug hanggan manga paggurangunun manga Hudiyu.

Markus 10:1

Pagka nighit si Hisus ati ginan, nag-atag siya sa daga Hudiya hanggan sa dipay sapa Hurdan. Pagka ati yi pinabusul maan siya kayamuan tawu. Tinudluan maan niya sida angay sa kay ugali.

Markus 12:35

Nagtudlu si Hisus sa manga tawu ati sa Balay Diyus. Magkun siya, “Kabitay pag masabi manga manugtudlu Kasuguan linahi ni Dabid ti Pinili Diyus Manugribri pag Hari?

Lukas 19:47

Nagtudlu diman gid siya sirang-sirang sa sulud Balay Diyus. Paggayakun siya matyun manga pangulu manughandug, manga manugtudlu Kasuguan hanggan manga takinan nasyun.

Lukas 20:1

Nanudlu maan si Hisus ag ipinaliwanag niya ti Mayad pag Barita sa manga tawu sa sulud Balay Diyus. Bag-u nagpakarani ti manga pangulu manughandug, ti manga manugtudlu Kasuguan hanggan ti manga paggurangunun manga Hudiyu,

Lukas 4:20

Bag-u linulun ni Hisus ti ribru balunbun, kay maan inuli sa manug-asikasu, bag-u siya tinmukaw hampay mamaliwanag. Ti tanan tawu sa basad simbahan manga Hudiyu maggagad yi sa kay paliwanag.

Huwan 7:14

Pagka magpanungatunga yi ti kasirangan Kapistahan, nag-ati si Hisus sa Balay Diyus bag-u nanudlu siya sa manga tawu ati.

Huwan 7:28

Nakan sa kay magtudlu sa manga tawu sa Balay Diyus, nagbagaw si Hisus daraka buka magkun, “Kilala aw gid niyu aku? Alam aw niyu nu taga naan aku? Unman aku nagsitay sa sadili lang niku kagustuhan. Dapat masarigan gid ti Ama ti nagsugu sa kangku. Unman lang niyu siya nakilala.

Huwan 8:2

Pagka surip, nagbalik maan siya sa Balay Diyus bag-u nagpakarani sa kanya ti kayamuan tawu. Nakan tinmukaw si Hisus bag-u nanudlu siya sa kanda.

Huwan 8:20

Inda tanan kay sinabi ni Hisus sa kay magtudlu sa manga tawu sa Balay Diyus sa arani kaban sukadan ambagan. Ag unman may nagdakup sa kanya dahil udwaya rinmas-ug kay taning pag udas.