Matiyu 26:34 - Hanunuu

³⁴ Sinabi ni Hisus sa kanya, “Ungud duy kang pagsabihun sa kanmu, taynguna yi gid pag yabi udwaya tumarauk ti manuk, itanggi nimu aku katlu ginan.”

Matiyu 26:34 Iomraidhean Croise

Matiyu 26:33

Sinmabi si Pidru magkun, “Una duy umalinlangan sida tanan sa kanmu, aku dayu gid umalinlangan sa kanmu.”

Matiyu 26:75

Bag-u naisipan ni Pidru kay sinabi ni Hisus magkun, “Udwaya tumarauk ti manuk, itanggi nimu aku katlu ginan.” Napalwas si Pidru ga magutsan sa lumi.

Markus 14:72

Susun nanarauk yi ngani ti manuk pakadwa. Bag-u naisipan ni Pidru kay sinabi ni Hisus sa kanya magkun, “Udwaya tumarauk ti manuk pakadwa, itanggi nimu aku katlu ginan.” Pagka naisipan niya tunda, nanlumi gid si Pidru.

Lukas 22:34

Magkun si Hisus, “Kang pagsabihun sa kanmu, Pidru, taynguna yi gid pag yabi inda udwaya tumarauk ti manuk, itanggi nimu kanmu magkilala sa kangku katlu ginan.”

Lukas 22:61

Bag-u nag-aliwliw ti Panginuun, tinurun niya si Pidru. Bag-u naisipan ni Pidru kay bagaw Panginuun nu kabitay kay sinabi sa kanya magkun, “Udwaya tumarauk ti manuk itanggi yi nimu aku katlu ginan.”

Huwan 13:38

Sinabi ni Hisus magkun, “Tutuu gid aw handa kawu mamatay alang alang sa kangku? Ungud duy kang pagsabihun sa kanmu, udwaya tumarauk ti manuk, itanggi nimu aku katlu ginan.”