Matiyu 26:29 - Hanunuu

²⁹ Kang pagsabihun sa kanyu, dayi aku uminum inda pag intus ubas hanggan sa udwaya inmun niku ti bag-u intus ubas kasaru niku kamu sa kaharian niku Ama.”

Matiyu 26:29 Iomraidhean Croise

Kanta 104:15

may mainum intus makapasulung sa kanda, may lana imaw ti makapalitis sa kanda uyahun, ag may tinapay imaw ti makapabisug sa kanda.

Kanta 4:7

Pinakan-an nimu aku kabayaan, subra waya sa kabayaan manga tawu may abunda pag uyas hanggan irinmun ubas.

Kanta 40:3

Tinudluan niya aku bag-u pag kanta, kanta pagdayaw sa kanya, sa kanta Diyus. Mayamu pag tawu ti kumakit inda, gumalang sida ag sumarig sa kanya.

Kanta ni Sulumun 5:1

Sinmulud aku sa kang gardin, sa mahal niku pag babayi. Tinipun niku kang mira hanggan manga pamanglu. Kinaun niku kang daykut ag nanginum kang intus hanggan gatas. Kamu pag manga magmalahalan, pagkaun kamu ag pag-inum.

Isayas 25:6

Sitaay sa Bantud Siun, ti Panginuun Makamaskihan mangalistu usa ka karan-an para sa tanan. Manga masarap pag karan-unun hanggan manga irinmun kay ialistu.

Isayas 53:11

Nu makitan niya kay burak niya kakurian, makabaya siya. Magkun ti Panginuun, “Sa panab-anan kadunungan niku matadlung pag manugsirbi, mayamu ti kilalan-un niya matadlung, mangagwanta siya para sa kanda manga kasalanan.

Sipanyas 3:17

Dahil kaibahan niyu ti Panginuun niyu Diyus. Parihu siya sa usa ka makamaskihan pag sundalu manribri sa kanyu. Makabaya gid siya sa kanyu, ag sa panab-anan niya pagmahal bag-uhun niya kanyu buhi. Manganta siya ag manhuyaw may kabayaan dahil sa kanyu,

Matiyu 13:43

Ti manga matadlung rumayaw ga init sa kaharian nida Ama. Ti may tuli kailangan pagpatingi.”

Matiyu 16:28

Ungud duy kang pagsabihun sa kanyu, ti iba sa kanyu sitay dayu mamatay hanggan sa udwaya makitan nida aku, ti Anak Tawu, humiyaput yi sa kay karampatan maghari.”

Matiyu 18:20

Dahil una naan nu may duwa una tulu ka tawu magtiripun ag magpasakup sa kangku, siyun diman aku kaibahan nida.”

Matiyu 25:34

Kumumun ti Hari sa manga tawu sa sikun baliwa, ‘Abala duy kamu, kamu pinapaladan niku Ama. Manaha yi niyu ti kaharian inalistu para sa kanyu ginan waya sa kabag-u pagkalalang kalibutan.

Matiyu 26:28

Dahil inda kang dugu itinalaghut Diyus sa taratu. Ibuhus kang dugu sa ikapatawad manga kasalanan mayamu tawu.

Matiyu 26:30

Pagka sida kinmanta kanda dayaw sa Diyus, nag-atag sida sa bantud Ulibu.

Matiyu 28:20

Tudluan niyu sida hampay tumupad sa tanan manga isinugu niku sa kanyu. Danga kalimtan niyu aku pirmi kaibahan niyu hanggan waya sa katapusan panahun.”

Markus 14:25

Ungud duy kang pagsabihun sa kanyu, dayi aku uminum inda pag bag-u pin-ga ubas hanggan sa udwaya kaudasan aban nu inmun niku ti bag-u pag pin-ga ubas sa kaharian Diyus.”

Lukas 12:32

Sinabi ni Hisus magkun, “Danga kamu magkadala una kamu ga balaw mayamu, dahil kay ibug ngapu niyu Ama iintirga sa kanyu ti kaharian.

Lukas 15:32

Dapat kailangan kita magbaya gid ag masulung lubus, dahil sitay tigbak kanmu ari ag taynguna buhi yi maan. Sitay nadura ag kainda nakitan maan.’ ”

Huwan 15:11

“Inda tanan duy kang itinultul sa kanyu hampay magbaya kamu parihu sa kang magbaya ag hampay lubus yi lang gid magbaya kanyu tagipusuun.

Huwan 16:22

Katunda diman kamu. Taynguna kamu maruku, dapat pumakakit di maan aku aban sa kanyu bag-u makabaya gid kanyu tagipusuun ag udyi may tawu bum-ul kanyu kabayaan sa tagipusuun.

Huwan 17:13

“Taynguna aku asan yi tabug sa kanmu. Inda kang pagsabihun sitay waya sa babaw daga hampay lubus yi lang gid bumaya kanda tagipusuun parihu ga kang magbaya.

Binwat 10:41

dapat balaw sa tanan tawu. Sa kanmi lang pag ipinakakit siya, dahil kami ngani ti daan pinili Diyus manga manugpadakit sa inda pag manga nangyari. Pagka nabuhi maan si Hisus, kaibahan di maan niya kami kasaru diman niya sa karan-an.

Hibriyu 12:2

Bantayan nita kanta manuggiya si Hisus. Siya diman ti turunu nita sarig. Dahil kabayaan kay patabgan, nakan inagwanta yi lang niya madi ipinurya siya sa kay pagkamatay sa kurus. Bag-u tinmukaw siya ati sa langit baliwa sa sikun Diyus, minsan sa karampatan Diyus.

Ipinakakit 14:3

Magkanta sida usa ka bag-u pag kanta sa atubangan tukawan hari hanggan upat ka linalang may buhi hanggan sa atubangan duwapulu may upat ka gurangun. Unman may makatau sa tunda pag kanta nu ud tunda lang pag usa ka gatus may upatpulu may upat ka libu ka tawu manga linukat ginan sa babaw daga.

Ipinakakit 7:17

Dahil ti Anak Karanidu sa karaw-an tukawan hari tig-alaga sa kanda. Sida ibahan niya sa manga bulbugan gimpuunan buhi. Payidan Diyus kanda luwa sa kanda manga mata.”