Matiyu 26:26 - Hanunuu

²⁶ Pagka sida magkaun yi, nagpunpun si Hisus tinapay ginan sa lamak. Pagka nakapasalamat siya sa Diyus, pinikapika niya ti tinapay bag-u kay ipinakaun sa kay manga tuludluan. Magkun siya, “Tanggapa niyu inda kan-a. Inda kang bilug.”

Matiyu 26:26 Iomraidhean Croise

Matiyu 14:19

Pagka pinatukaw niya ti kayamuan tawu sa babaw ilamnun, bin-ul niya ti lima ka tinapay ag ti duwa ka isda. Nagtangda siya sa langit, nagpasalamat sa Diyus. Bag-u pinikapika niya ti manga tinapay bag-u ipinakaun niya sa manga tuludluan, kanda maan ipinakaun sa manga tawu.

Matiyu 26:27

Binitbit niya ti ungut, nagpasalamat siya sa Diyus bag-u itinunghul niya sa kanda, magkun siya, “Pag-inum kamu tanan inda.

Markus 6:41

Bag-u bin-ul ni Hisus ti lima ka tinapay hanggan ti duwa ka isda. Nagtangda siya sa langit, nagpasalamat sa Diyus bag-u pinikapika niya ti manga tinapay bag-u ipinakaun niya sa kay manga tuludluan hampay ihayin nida sa manga tawu. Hinuray-huray niya ti duwa ka isda sa kanda tanan.

Lukas 22:17

Bag-u binitbit ni Hisus ti ungut, nagpasalamat siya sa Diyus bag-u kay sinabi magkun, “Tanggapun niyu inda, ayaw-ayaw kamu pag-inum.

Lukas 24:30

Pagka nagpakarani siya sa lamak, binitbit niya ti tinapay bag-u ipinasalamat niya sa Diyus bag-u pinikapika bag-u ipinakaun sa kanda.

Binwat 2:46

Kanda ugali sirang-sirang magtiripun sa Balay Diyus ag magmirinsanan magkaun sa balay manga patar-ari, masulung kanda tagipusuun sa kanda magkaun.

Binwat 20:7

Pagka sa malambung duminggu, nagtiripun kami hampay magpakiusa sa karan-an. Bag-u nanudlu si Pablu sa manga tawu, pinalawig niya kay paliwanag hanggan karaw-an yabi, dahil kay gayak nu aldaw yi lumakaw yi siya.

1 Kurintu 10:4

Sida tanan nag-inum waydi danum ipinakaun Diyus, dahil nag-inum sida danum ginan sa batu ipinapalad Diyus. Pagka sida nakatapus inum nagkuyug sa kanda ti batu. Inda pag batu si Kiristu yi ngapu.