Matiyu 25:1 - Hanunuu

¹ Sinabi ni Hisus magkun, “Ti kaharian langit ipaparihu sa sampulu ka daraga. May sampulu ka daraga linmakaw hampay manulang sa lalaki ipasaru. Masigdara sida sulul-an.

Matiyu 25:1 Iomraidhean Croise

Kanta 45:14

Masulungan kanmu marinu pag rutay, darahun kawu atag sa hari. Ag ti dinara sa kanmu pag manga daraga sumunud sa kanmu, kanmu manga abay.

Kanta ni Sulumun 1:3

Mabanglu gid kanmu manga pamanglu. Marinu gid kanmu ngaran, mag-alamyu ga manga pamanglu. Nakan balaw kaladulawan ti manga daraga magkaibug sa kanmu.

Kanta ni Sulumun 5:16

Mayad arukan kay bibig, marinu gid siya. Manga babayi sa Hirusalim, siya kang mahal, kang kakilala.

Kanta ni Sulumun 5:8

Kamu pag manga babayi Hirusalim, pagtaratu kamu nu makitan niyu kang mahal sabihi niyu siya magpanlumuy aku dahil sa pagmahal.

Isayas 54:5

Dahil aku kanmu manuglalang ga kanmu asawa. Kang ngaran Yawi Makamaskihan sa tanan. Aku ti Banal pag Diyus Israil, kanmu Manugribri. Pag-ingarnan aku ‘Diyus buu kalibutan.’

Danyil 2:44

“Sa ati pag panahun manga hari, ti Diyus sa langit pumatindug usa ka kaharian unman gid magpu hanggan aban. Balaw gid inda matalu iba kaharian, nu unman papasun waya ngap niya ti tanan kaharian ag pihu pumirmaminti inda hanggan aban.

Matiyu 13:24

Itinultul diman ni Hisus inda pag pahalimbawa sa kanda magkun, “Ti kaharian langit kainda nangus: may tawu nagpamgas mayad pag binhi sa kay tanman.

Matiyu 13:31

Usa waya ka pahalimbawa kay itinultul ni Hisus sa kanda magkun, “Ti kaharian langit ga butir mutsasa. May tawu nagtanum usa ka butir mutsasa sa kay tanman.

Matiyu 13:38

Ti tanman imaw yi ti kalibutan. Ti mayad pag binhi imaw yi ti manga tawu pagharian Diyus. Ti manga ilamnun imaw waydi ti manga tawu pagharian diyablu.

Matiyu 13:47

Magkun si Hisus, “Ti kaharian langit parihu diman sa usa ka daka pag sarap tinaktak sa dagat, nakablay tuhay-tuhay pag isda.

Matiyu 20:1

Sinabi ni Hisus magkun, “Ti kaharian langit parihu sa usa ka may puun ubasan linmakaw nanurip hampay manhanap manga manugtarabahu sa kay ubasan.

Matiyu 22:2

“Ti kaharian langit parihu ga sa usa ka hari naghanda pamasaruhan niya anak lalaki.

Matiyu 25:7

Bigla nagbangun ti sampulu ka daraga, inalistu nida kanda manga sulul-an.

Matiyu 3:2

“Iampu yi niyu kanyu kasalanan, dahil udyi dugay rumas-ug yi ti kaharian langit.”

Matiyu 5:16

Katunda diman waydi iparayaw niyu kanyu sulu sa atubangan tanan tawu hampay makitan nida kanyu manga mayad buwat bag-u kanda dayawun kanyu Ama sa langit.”

Matiyu 9:15

Sinmagut si Hisus magkun, “Mahimu aw nguna maruku ti binan-awan sa pamasaruhan nu kaibahan waya nida ti lalaki ipinasaru? Dapat aban bul-un siya ginan sa kanda. Nu udyi siya sa kanda bag-u di unman manhandum karan-unun sida.

Huwan 18:3

Nakan nag-ati sa halamanan si Hudas may taban usa ka gurupu sundalu taga Ruma, hanggan manga guwardiya ginan sa manga pangulu manughandug ag sa manga Parisiyu. May dara sida manga sulu hanggan manga armas.

Huwan 3:29

Ti babayi ipasaru sa kay lalaki arasawan-un. Ti iribahun mag-alagad sa lalaki ipasaru. Nakabaya ti manug-iba nu makad-nug siya sa kay magbagaw lalaki ipasaru. Katunda diman ungud kang magbaya taynguna.

Binwat 20:8

Mayamu pag manga sulu siyun sa kanmi tiripnan pag sulud-sulud ati sa tungud pag ugpu salug.

1 Kurintu 11:2

Pagbayaun niku kamu dahil unman aku magkalimtan niyu, kanyu di pagsundun kang itinudlu sa kanyu.

2 Kurintu 11:2

Aku hanggan ga sa Diyus kang mag-irang sa kanyu tabug sa kasalanan. Parihu kamu ga usa ka daraga mabuut, kang itinaratu sa usa ka lalaki, sa kan Kiristu ngani hampay siya ga kanyu asawa.

2 Timutiyu 4:8

Matanggap yi niku aban kang pirimyu sa kang nanalu. Panginuun ti matadlung pag talaghusay, imaw ti pumakaun kang pirimyu ati katpung pag kaudasan sa kay pagbalik niya aban. Balaw lang waydi aku ti makatanggap pirimyu. Makatanggap waydi kanda pirimyu ti tanan manga magmahal sa Panginuun, manga magpatigagad sa kay pagbalik niya aban.

Titu 2:13

Paggagadun nita ti pihu gid mangyari aban, ti madayaw pag kaudasan nu mihayag si Hisu-Kiristu sa karaw-an niya kadayawan. Siya yi ngani kanta makamaskihan pag Diyus hanggan Manugribri.

Ipinakakit 14:4

Inda ti manga lalaki unman niamut sa manga babayi, unman sida nag-asawa. Magkuyug sida sa Anak Karanidu una naan tag siya. Linukat sida ginan sa tanan linahi tawu bilang ga un-an pakaun sa Diyus ag sa Anak Karanidu.

Ipinakakit 19:7

Pagbaya kita pagmasulung, dayawun nita kay kamaskihan, dahil arani yi aban ti pamasaruhan Anak Karanidu.

Ipinakakit 21:2

Nakitan niku ti Banal pag Banwa, imaw ti bag-u pag Hirusalim, magpakababa ginan sa langit, ginan sa Diyus, parihu ga babayi kalasalun, lubus alistu magsulang sa kay arasawan-un pag lalaki.

Ipinakakit 21:9

Nagpakarani sa kangku ti usa ka anghil kabilang sa pitu ka anghil may bitbit pinggan malukung ayaw-ayaw, kada pinggan punu pangatapusan pag kahigpitan. Bag-u nagbagaw sa kangku tunda pag anghil magkun, “Abala duy kawu, ipakakit niku sa kanmu ti aguman babayi, imaw ti arasawan-un Anak Karanidu.”

Ipinakakit 4:5

Ginan sa tukawan hari magluwang ti manga kilat, ti manga linti hanggan magkurarug. Sa atubangan tukawan hari may pitu ka sulu magduag. Inda imaw ti pitu ka Ispiritu Diyus.

Ipinakakit 8:10

Pagka inyup ikatlu pag anghil kay budyung, nalagpak ginan sa langit ti daka pag pamgasan, maglabdab parihu sa sulu, nalagpak sa ikatlu pag bahagi manga sapa hanggan bulbugan.