Ti Israil wayakun manga taga Aram baliwa sa butlakan, hanggan manga Pilistiyu baliwa sa isalpan, parihu sa maisug pag hayup ti mankub sa kanda. Dapat balaw waya madura ti pangagalit Panginuun, nakan alistu di siya pumarusa sa kanda.
Nakan balaw magbaya ti Panginuun sa manga kalay-awan nida lalaki, ag balaw niya pagkaawaan ti manga ilu ag manga buranday nida. Dahil daut ti tanan ag balaw maka-diyus; makakaray-a ti tanan pagsabihun nida. Nakan balaw gid madura ti pangagalit Panginuun, alistu di gid siya pumarusa sa kanda.
Mangarawayan ti Manasis ag ti Ipraim, ag girahun nida duwa ti Huda. Dapat ti pangagalit Panginuun balaw gid madura, alistu di gid siya pumarusa sa kanda.
“May panahun kamu magbag-u buhi dapat dahil unman kamu may intindi, pag-ipasipala niyu inda. Parihu kamu sa lapsag balaw magkaibug lumwas sa tiyan sa kay kaudasan.
Dahil manlalabanan aban ti parihu nasyun, manlalabanan aban ti parihu kaharian. May linug aban sa tuhay-tuhay pag rugar. May lun-us aban. Dapat ti tanan tunda umpisa lang manga rumas-ug kakurian aban.
“Dapat bag-u mangyari tunda, dakpun kamu ag unu-unuhun bistahun kamu sa simbahan manga Hudiyu bag-u pirisuhun. Daran-un kamu sa atubangan manga hari, manga gubirnadur dahil sa kanyu pakiusa sa kangku.
Nu pagkumnun manga tawu, “Kita may kahusayan unman may pagkadalaan!” tunda ngap bigla pag mangyari ti kadamhakan. Dayu gid sida umiwas dahil inda mangyari parihu sa udas nu magpanamdam ti babayi manganak.
