Matiyu 24:36 - Hanunuu

³⁶ Sinabi ni Hisus magkun, “Dapat unman may tawu umalam nu kapira tunda pag mangyari aban una kay sirang, una kay udas. Unman may makaalam una manga anghil sa langit, una paman ti Anak. Ti Ama lang ti makaalam tunda.

Matiyu 24:36 Iomraidhean Croise

Markus 13:32

Magkun si Hisus, “Dapat unman may tawu umalam nu kapira tunda pag mangyari aban una kay sirang una kay udas. Unman may makaalam una manga anghil sa langit, una paman ti Anak. Ti Ama lang ti makaalam tunda.

Binwat 1:7

Nagsagut si Hisus magkun, “Lubus yi lang kang Ama ti bahala magpili kay taning pag kaudasan. Unman kailangan maalaman niyu nu kapira aban pag mangyari tunda.

Matiyu 24:44

Nakan ngani kailangan pirmi kamu alistu dahil rumas-ug ti Anak Tawu pagka udyi kanyu pag-isipun.”

2 Pidru 3:10

Rumas-ug ti kaudasan Panginuun parihu sa mananakaw. Sa tunda pag udas madnugan ti matnug gid pag tunug ag madura ti manga langit. Mairub ti init, ti bulan, hanggan ti manga pamgasan. Ti daga hanggan ti tanan bagay sa babaw daga madura diman.

1 Tisalunika 5:2

Dahil alam yi waydi niyu ti pagras-ug kaudasan Panginuun parihu sa pagras-ug mananakaw sa yabi.

Ipinakakit 16:15

“Pagpatingi kamu, rumas-ug aku parihu sa mananakaw. Papaladan Diyus ti tawu nu maimatahan diman ag nu unman linukasan niya kay rutay hampay unman lumakaw siya malukasan ag dayu mangay-a siya sa kayamuan tawu.”

Matiyu 24:42

Nakan pag daan kamu alistu, dahil unman niyu alam ti sirang ngatay udas pagras-ug niyu Panginuun.

Matiyu 25:13

Magkun si Hisus, “Nakan ngani pag daan kamu alistu, dahil unman niyu alam ti sirang ngatay udas niku pagras-ug.”

Ipinakakit 3:3

Pag-isip-isipa gid nimu nu kabitay nimu natanggap ti kanmu nadnugan pag manga tudlu. Tupada nimu tida. Ampui yi patlikudi yi kanmu buwat kadautan. Nu unman kawu mimata, asan tag aku parihu ga mananakaw. Unman nimu alam ti udas niku pagras-ug sa kanmu.

Sakaryas 14:7

Tuhay inda pag sirang, dahil unman may yabi nu unman pasay sirang lang. Ti Panginuun lang ti may alam nu kapira tunda pag mangyari.