Matiyu 24:15 - Hanunuu

¹⁵ Magkun si Hisus, “Makitan niyu aban mangyari sa Balay Diyus ti lapastangan unman may pumarihu imaw ti pagsabihun ni Purupita Danyil. (Kailangan intindihun manga manugbasa).

Matiyu 24:15 Iomraidhean Croise

Hirimyas 44:29

Inda kay tanda kuntay parusahan gid niku kamu sa inda pag rugar hampay maalaman niyu kuntay ungud matupad kadamhakan pagsabihun niku laban sa kanyu:

Isikil 40:4

Magkun ti tawu sa kangku, “Anak tawu, pagpatingi kawu ag bantayi kaayad ti tanan ipakakit niku sa kanmu dahil imaw inda kay dahilan nu hayga dinara kawu sitay. Bag-u tultulan sa nasakupan Israil ti tanan nimu nakitan.”

Danyil 1:6

Kaibahan sa manga napili sida ni Danyil, ni Ananiyas, ni Misail hanggan ni Asariyas ginan sa lahi ni Huda.

Danyil 11:31

“Suguun hari Sirya ti manga sundalu hampay uringan ti Balay Diyus sangput alad batu. Paapasun niya ti sirang-sirang pagsagda ag ipauli ti mayagting pag bagay imaw kay kadahilanan mapabay-anan ti Balay Diyus.

Danyil 12:11

“Lumawuy ti 1,290 ka sirang ginan sa udas pag-ampara sa sirang-sirang pag handug ag pagpauli manga mayagting pag bagay imaw ti kadahilanan pabay-anan ti Balay Diyus tugka sa rumas-ug ti katapusan.

Danyil 9:23

Sa kabag-u di waya nimu darangin may ipinaburayhaw yi ti Diyus, nakan nag-ataytag aku hampay itultul sa kanmu, dahil pagmahalun kawu Diyus. Nakan pagpatingi kawu ag intindiha kang sabihun sa kanmu.

Danyil 9:25

“Kailangan nimu maintindihan ag masalman ginan sa udas nagsugu kuntay patindugan maan ti Hirusalim tugka sa pagras-ug pinili Diyus pag takinan, makalawuy dap ti 49 ka timpu. Ag sa sulud 434 ka timpu utru maan ipatindug ti Hirusalim may manga buruybuyahan hanggan palalan-iban. Bumaliw magulu sa tunda katpung pag udas.

Danyil 9:27

Tunda pag hari mamuwat matibay pag kasunduan sa kayamuan tawu sa sulud pitu ka timpu. Dapat pagkalawuy tulu ka timpu may tunga, amparahun niya ti manga handug ag ipauli niya sa Balay Diyus ti manga mayagting pag bagay, nakan pabay-anan ti Balay Diyus. Pumirmaminti inda ati tugka sa rumas-ug ti katapusan hari, angay sa itinagka Diyus.”

Matiyu 24:16

Pagka mangyari tunda, ti manga tawu sa Hudiya pagpalagiw yi tabug sa kabantudan.

Markus 13:14

Magkun si Hisus, “Makitan niyu aban ti lapastangan ud may pumarihu mag-apu sa rugar balaw dapat ulian niya (kailangan intindihun manga manugbasa). Nu mangyari tunda ti manga tawu sa Hudiya pagpalagiw yi tabug sa bantud.

Lukas 19:43

Dahil aban pag manga udas sangputun gid kawu nimu manga kalaban. Kulungun yi kawu, apikihun kawu sa baliw-baliw.

Lukas 21:20

Magkun waya si Hisus, “Nu makitan niyu aban ti Hirusalim linibut yi kayamuan sundalu, pagkilala gid kamu arani yi wasakun ti Hirusalim.

Huwan 11:48

Nu kanta lang pabay-anan kay manga buwat katida, ti tanan tawu sumarig sa kanya. Bag-u sumitay ti manga taga Ruma bag-u dautun nida ti Balay Diyus ag daugun nida ti nasyun manga Hudiyu.”

Binwat 21:28

Namagrit sida magkun, “Kamu duy pag manga Israilita, awati niyu kami. Inda yi ngani pag tawu tigtudlu sa tanan manga tawu una naan pag rugar laban sa nasyun Israil, laban sa Kasuguan ni Muysis ag laban diman sa inda pag Balay Diyus. Tuhay waya siti, nagtaban waya siya manga balaw Hudiyu atag sa sulud Balay Diyus. Nilapastangan niya inda ti banal pag rugar.”

Binwat 6:13

Bag-u may bin-ul sida manga tawu magbintang sa kan Istiban magkun, “Inda pag tawu unman mag-apas sa kay sarabihun laban sa banal pag Balay Diyus ag laban sa Kasuguan ni Muysis.

Hibriyu 2:1

Nakan kailangan intindihun gid nita ti manga bagay kanta nadnugan, hampay balaw kita tumalang sa katutuuhanan.

Ipinakakit 1:3

Papaladan Diyus ti manugbasa inda pag ribru hanggan ti manga magpatingi sa inda pag ipinurupita tungkul sa manga mangyari aban lalu nu matinupadun sa inda pag isinurat. Dahil inda tanan balaw yi dugay mangyari yi.

Ipinakakit 3:22

“Ti may tuli kailangan pagpatingi sa pagsabihun Ispiritu sa manga iglisya.”