Matiyu 23:8 - Hanunuu

⁸ “Dapat kamu danga pagpaingarni maisturu. Dahil usa lang kanyu Maisturu, kamu tanan magtar-arian.

Matiyu 23:8 Iomraidhean Croise

Matiyu 10:25

Makabaya ti tuludluan nu pumarihu sa kay maisturu, makabaya diman ti panawuhun nu pumarihu siya sa kay amu. Nu ti puun magtal-anakan pag-ingarnan Biilsibul, lalu waya pagmuransahun kay manga kaibahan.”

Matiyu 17:5

Sa kay di waya magbagaw hinamuyan sida masinay pag rurum. May nagbagaw ati ginan sa rurum magkun, “Inda kang pagmahalun pag Anak, siya lubus kang pagbayaun. Patingihi gid niyu siya.”

Matiyu 23:10

Danga kamu pagpaingarni, ‘Amu,’ dahil usa lang kanyu amu, imaw yi ti Pinili Diyus Manugribri pag Hari.

Matiyu 23:7

Kay gustu nida paggalangun sida manga tawu nu maglakaw sa palingkihan. Kanda gustu pag-ingarnan sida magkun, ‘Maisturu.’

Matiyu 26:25

Pagka sinabi ni Hisus tunda, nagpaingana diman si Hudas, imaw ti magpakampi sa kalaban, magkun, “Maisturu, aku aw nguna?” Magkun si Hisus, “Kawu ti nagsabi tunda.”

Matiyu 26:49

Nakan dinmulud si Hudas sa kan Hisus magkun, “Mayad pag yabi, Maisturu.” Bag-u kay inarkan.

Markus 10:51

Nagpaingana si Hisus sa kanya, magkun, “Hintay duy kanmu gustu kang buwatun sa kanmu?” Nagsagut ti buta, “Maisturu, kang gustu mana kang mata pag maghiling yi.”

Markus 11:21

Naisipan ni Pidru ti nangyari nakan sinabi niya sa kan Hisus magkun, “Malu duy Maisturu, nalayung yi maaw ti puun igus kanmu sinaadan kaaldaw.”

Markus 14:45

Pagras-ug ni Hudas, kadaka siya dinmulud sa kan Hisus magkun, “Maisturu”, bag-u kay inarkan.

Markus 9:5

Nakan ngani magkun si Pidru tabug sa kan Hisus, “Maisturu, mayad gid duy kita sitay. Bumuwat kami tulu ka payag, kay usa sa kanmu, kay usa kan Muysis, kay usa kan Ilyas.”

Lukas 22:32

Dapat Simun, kawu kan idinarangin sa unman lumumuy kanmu pagsarig. Nu umimbung maan aban kanmu pagsarig, parig-una yi nimu kanmu manga patar-ari.”

Huwan 1:38

Nangaliwliw si Hisus. Pagka nakitan niya sida magkuyug, pinmaingana siya sa kanda magkun, “Hintay duy kanyu paghanapun?” Sinmagut sida magkun, “Naan duy kawu pag mag-uli, Rabi?” (Ti Rabi kay ibug sabihun Maisturu.)

Huwan 1:49

Magkun si Natanail, “Maisturu, kawu yi duy ti Anak Diyus, kawu yi ti Hari nasyun Israil.”

Huwan 11:8

Sinabi niya manga tuludluan magkun, “Udwaya dugay pagkaibgan yi manga Hudiyu kawu bintukun. Hayga duy kawu bumalik maan atag?”

Huwan 20:16

Bag-u sinabi ni Hisus sa kanya magkun, “Marya.” Napasrangu si Marya sa kanya bag-u kay sinabi sa bagaw Hibriyu magkun, “Rabuni!” (Kay ibug sabihun, “Maisturu.”)

Huwan 3:2

Nag-ati siya sa kan Hisus sa yabi. Bag-u kay sinabi sa kan Hisus magkun, “Maisturu, alam nimi duy kawu sinugu Diyus hampay manugtudlu sa manga tawu. Dahil tunda pag manga tanda kanmu pagbuwatun, mabuwat lang tawu nu sa kanya gid ti Diyus.”

Huwan 3:26

Bag-u nagpakarani sida sa kan Huwan ag sinabi nida sa kanya magkun, “Maisturu, kaybi pagka kita baliwa sa butlakan pag pangpang sapa Hurdan, may kaibahan kabay kawu usa ka tawu, kanmu diman itinultul sa kanmi. Siya maaw magtulbaw yi waydi kainda, kadamlan ngap tawu ti atag sa kanya.”

Huwan 4:31

Kay ati waya sa banwa ti babayi, pagpilitun mana niya manga tuludluan si Hisus magkun, “Maisturu, pagkaun dapu kawu.”

Huwan 6:25

Pagka nakadipay ti manga tawu sa danaw, nakitan ngani nida si Hisus. Bag-u pinmaingana sida sa kanya magkun, “Maisturu, kapira kawu pag rinmas-ug sitay?”

Huwan 9:2

Pinmaingana kay manga tuludluan magkun, “Maisturu, si unu nguna ti nagkasala nakan iinanak siya buta, ngatay siya ti nagkasala aw ngatay kay gurang?”

2 Kurintu 1:24

Balaw duy kanmi gustu kamu giyahan waya nimi sa kanyu pagsarig, dahil marig-un yi waydi kamu sa kanyu pagsarig. Magkaibug kami umawat hampay masulung kamu sa kanyu buhi sa kan Kiristu.

2 Kurintu 4:5

Si Hisu-Kiristu kanta Panginuun ti kanmi pag-itudlu, balaw kanmi sadili. Kami kanyu manga panawuhun dahil ngani sa kan Hisus.

Ipisu 3:15

Siya ti Ama tanan sa langit hanggan sa babaw daga.

Pilimun 1:16

Bukun yi nimu masabi panawuhun nu unman kanmu yi pagmahalun pag patar-ari. Lubus gid pagmahalun niku siya, dapat ay kanmu pagmahal sa kanya balaw lang ga kang pagmahal sa kanya, dahil balaw lang kanmu panawuhun nu unman ngap patar-ari waya nimu siya sa Panginuun.

Santiyagu 3:1

Manga patar-ari niku, danga mana maghingbut ti mayamu sa kanyu hampay manga manugtudlu, kabay alam diman niyu kita manga manugtudlu lalu gid pihuun aban nu daut nu mayad.

1 Pidru 5:3

Danga waydi kamu ga usa ka amu niyu manga nasakupan. Lalu ngap kailangan kamu ti mayad pag mustara sa manada niyu.

Ipinakakit 1:9

Aku si Huwan, kanyu patar-ari. Magpakiusa kita sa kan Hisus, nakan parihu kita makalakaw sa kakurian, kanta gid pag agwantahun dahil sa kanta magpasakup sa kay paghari Diyus. Tinulak aku atag sa puru Patmus sa karaw-an dagat dahil sa kang magtudlu Bagaw Diyus imaw yi ti katutuuhanan kay ipinakilala ni Hisus.

Ipinakakit 19:10

Napadapa aku sa atubangan anghil hampay magsamba sa kanya. Dapat sinabi niya sa kangku, “Danga duy, aku kabay suruguun diman ga kanmu, parihu diman gid ga kanmu manga patar-ari manga magpadakit tungkul sa kan Hisus. Diyus ti sambahun nimu.” Dahil ti katutuuhanan tungkul sa kan Hisus imaw yi ti pinakabusul sa tanan sinabi ag isinurat manga purupita.

Ipinakakit 22:9

Dapat sinabi niya sa kangku magkun, “Danga duy, aku hanggan suruguun parihu sa kanmu, parihu sa kanmu manga patar-ari manga nagpurupita, parihu diman sa tanan manga magpaniwala sa manga bagaw nisurat sa inda pag ribru. Sambahun nimu ti Diyus.”