Matiyu 23:7 - Hanunuu

⁷ Kay gustu nida paggalangun sida manga tawu nu maglakaw sa palingkihan. Kanda gustu pag-ingarnan sida magkun, ‘Maisturu.’

Matiyu 23:7 Iomraidhean Croise

Matiyu 11:16

“Naan pag ipaparihu niku ti manga tawu taynguna? Parihu sida ga manga anak matukawan sa palingkihan magtawag sa kanda manga kaparihu magkun,

Matiyu 23:8

“Dapat kamu danga pagpaingarni maisturu. Dahil usa lang kanyu Maisturu, kamu tanan magtar-arian.

Matiyu 26:25

Pagka sinabi ni Hisus tunda, nagpaingana diman si Hudas, imaw ti magpakampi sa kalaban, magkun, “Maisturu, aku aw nguna?” Magkun si Hisus, “Kawu ti nagsabi tunda.”

Matiyu 26:49

Nakan dinmulud si Hudas sa kan Hisus magkun, “Mayad pag yabi, Maisturu.” Bag-u kay inarkan.

Markus 10:51

Nagpaingana si Hisus sa kanya, magkun, “Hintay duy kanmu gustu kang buwatun sa kanmu?” Nagsagut ti buta, “Maisturu, kang gustu mana kang mata pag maghiling yi.”

Markus 11:21

Naisipan ni Pidru ti nangyari nakan sinabi niya sa kan Hisus magkun, “Malu duy Maisturu, nalayung yi maaw ti puun igus kanmu sinaadan kaaldaw.”

Markus 12:38

Nanudlu maan si Hisus sa manga tawu magkun, “Pag-aman kamu sa manga manugtudlu Kasuguan, magkaibug mamasyar sadsad kay rutay, masulungun sida paggalangun, magpabaya-baya sa manga luwas balay. Kanda gustu tumukaw sa tukawan ihinanda sa may kangaranan.

Markus 14:45

Pagras-ug ni Hudas, kadaka siya dinmulud sa kan Hisus magkun, “Maisturu”, bag-u kay inarkan.

Markus 9:5

Nakan ngani magkun si Pidru tabug sa kan Hisus, “Maisturu, mayad gid duy kita sitay. Bumuwat kami tulu ka payag, kay usa sa kanmu, kay usa kan Muysis, kay usa kan Ilyas.”

Lukas 11:43

“Anung kaawaawa kamu pag manga Parisiyu. Dahil kanyu pagkaibgan ti manga marinu gid pag tukawan sa sulud simbahan ag kanyu diman gustu kamu paggalangun manga tawu sa palingki.

Huwan 1:38

Nangaliwliw si Hisus. Pagka nakitan niya sida magkuyug, pinmaingana siya sa kanda magkun, “Hintay duy kanyu paghanapun?” Sinmagut sida magkun, “Naan duy kawu pag mag-uli, Rabi?” (Ti Rabi kay ibug sabihun Maisturu.)

Huwan 1:49

Magkun si Natanail, “Maisturu, kawu yi duy ti Anak Diyus, kawu yi ti Hari nasyun Israil.”

Huwan 11:8

Sinabi niya manga tuludluan magkun, “Udwaya dugay pagkaibgan yi manga Hudiyu kawu bintukun. Hayga duy kawu bumalik maan atag?”

Huwan 20:16

Bag-u sinabi ni Hisus sa kanya magkun, “Marya.” Napasrangu si Marya sa kanya bag-u kay sinabi sa bagaw Hibriyu magkun, “Rabuni!” (Kay ibug sabihun, “Maisturu.”)

Huwan 3:2

Nag-ati siya sa kan Hisus sa yabi. Bag-u kay sinabi sa kan Hisus magkun, “Maisturu, alam nimi duy kawu sinugu Diyus hampay manugtudlu sa manga tawu. Dahil tunda pag manga tanda kanmu pagbuwatun, mabuwat lang tawu nu sa kanya gid ti Diyus.”

Huwan 3:26

Bag-u nagpakarani sida sa kan Huwan ag sinabi nida sa kanya magkun, “Maisturu, kaybi pagka kita baliwa sa butlakan pag pangpang sapa Hurdan, may kaibahan kabay kawu usa ka tawu, kanmu diman itinultul sa kanmi. Siya maaw magtulbaw yi waydi kainda, kadamlan ngap tawu ti atag sa kanya.”

Huwan 4:31

Kay ati waya sa banwa ti babayi, pagpilitun mana niya manga tuludluan si Hisus magkun, “Maisturu, pagkaun dapu kawu.”

Huwan 6:25

Pagka nakadipay ti manga tawu sa danaw, nakitan ngani nida si Hisus. Bag-u pinmaingana sida sa kanya magkun, “Maisturu, kapira kawu pag rinmas-ug sitay?”

Huwan 9:2

Pinmaingana kay manga tuludluan magkun, “Maisturu, si unu nguna ti nagkasala nakan iinanak siya buta, ngatay siya ti nagkasala aw ngatay kay gurang?”