Matiyu 22:4 - Hanunuu

⁴ Nagpasugu maan uman ti hari sa kay manga panawuhun magkun, ‘Sabiha niyu sa kang manga pinaalaman, malu ihinanda yi niku ti manga karan-unun, iniyaw yi niku kang manga tudu baka hanggan ti pinatabul pag manga ibun baka. Pagluwang yi kamu sitay sa pamasaruhan.’

Matiyu 22:4 Iomraidhean Croise

Nihimyas 9:17

Dayu sida mamatingi sa manga pagsabihun nimu, ag pagkalimtan lang nida ti manga makadululaw nimu binwat sa kanda. Nagbaliw maganit kanda manga ulu, ag magsalumpang sida sa kanmu palakaw sa panab-anan pagpili takinan mandara sa kanda pabalik sa pagkapanawuhun sa Ihiptu. Dapat kawu mapinatawadun pag Diyus, maawaun, maalalahanun, balaw daldali magkagalit, ag mapagmahal. Nakan unman nimu sida pinabay-anan,

Kanta 86:5

Tutuu mayad kawu ag mapinatawadun, ag punu kawu pagmahal sa tanan magtawag sa kanmu.

Kabagawan 15:17

Mas mayad waya mangaun gulay lang pag upi may pagmalahalan kaysa taguban pag upi may aratwan.

Kanta ni Sulumun 5:1

Sinmulud aku sa kang gardin, sa mahal niku pag babayi. Tinipun niku kang mira hanggan manga pamanglu. Kinaun niku kang daykut ag nanginum kang intus hanggan gatas. Kamu pag manga magmalahalan, pagkaun kamu ag pag-inum.

Matiyu 21:36

Bag-u sinugu maan niya kay iba maan pag manga panawuhun, balaw lang ga kay kabag-u sinugu kay kaaduk. Dapat katida diman waydi ti binwat manga manugtarabahu.

Matiyu 22:5

“Dapat balaw sida nagsunud sa manga panawuhun. Sida ngap naglinakaw, ti usa tag sa kay tanman, ti usa nangasikasu di sa kay manga nigusyu.

Matiyu 22:8

Bag-u sinabi hari sa kay manga panawuhun, ‘Alistu yi mana ti pamasaruhan dapat unman may karampatan ti manga pinaalaman sa kabag-u.

Lukas 14:17

Pagka katpung yi manyapun sinugu niya kay panawuhun hampay ban-awan ti manga pinaalaman magkun, ‘Kamu pagluwang yi, dahil manhayin yi.’

Binwat 1:8

Dapat makatanggap kamu kapangyarihan nu lubus kamu suldan Ispiritu Banal. Bag-u kamu yi gid ti manga manugpadakit magtudlu tungkul sa kangku sa Hirusalim una sa bilug Hudiya hanggan sa Samarya, hanggan waya sa katugkaan daga.”

Binwat 13:46

Dapat matutum di kanda naisipan nida ni Pablu ni Birnabi magkun, “Sa kanyu dapu kailangan pag-itultul ti Bagaw Diyus. Dapat ay kainda ginan kami dayi sa kanyu. Ati yi kami sa manga balaw Hudiyu. Dahil ipinurya niyu ti Bagaw Diyus ag pinasnuan niyu kanyu sadili kuntay unman may karampatan kamu sa tutuu pag buhi unman may katapusan.

Ruma 8:32

Unman inirangan niya kay sadili Anak, bagkus ipinakaun ngap niya para sa kanta tanan. Nu kay ipinakaun kay sadili Anak sa kanta, unman aw lugud ipakaun niya sa kanta ti tanan manga bagay minsan sa kay Anak?