Matiyu 22:16 - Hanunuu

¹⁶ Nakan sinugu nida kanda manga tuludluan hanggan manga napakampi sa kan Hirudis, sinabi nida sa kan Hisus, “Maisturu, alam nimi kawu matinupadun. Pag-itudlu nimu ti buu katutuuhanan hampay tupadun manga tawu ti kagustuhan Diyus. Unman kawu magkadala una sa kantapu pag tawu, dahil kawu balaw may pag-apihun.

Matiyu 22:16 Iomraidhean Croise

1 Hari 22:14

Dapat magkun si Mikaya, “Magsumpa aku sa buhi pag Panginuun kuntay sabihun lang niku ti pag-ipasabi niya sa kangku.”

Kanta 12:2

Harus ti tanan magpudil sa kanda kaparihu. Pagpaumangun nida ti iba hampay madaya.

Kanta 5:9

Balaw masarigan ti pagsabihun niku manga kalaban, dahil paghingbutun nida ipadamhak ti iba. Kanda manga baragawun mahawag ga kalubngan mabukasan. Kanda manga pagsabihun pudu pandaya.

Kanta 55:21

Maalumanay ag mayad siya magbagaw, dapat may galit kay tagipusuun, ag kay manga pagbagawun makabiyag parihu sa matarum pag baladaw.

Kabagawan 29:5

Ti tawu magpabalhinguun magdayaw sa kay kaparihu, may paggayakun daut.

Malakyas 2:6

Itinudlu niya ti katutuuhanan ag balaw ti kapudilan. Mayad kay magsunud sa kangku ag matadlung kay buhi. Ag mayamu pag manga tawu kay inawatan hampay balaw yi makabuwat kasalanan.

Malakyas 2:9

Nakan pinahintulutan niku puyaan kamu ag pakay-ahun tanan tawu dahil unman niyu sinunud kang manga palakaw ag may pagkilingan waya kamu sa kanyu manga magtudlu.”

Matiyu 22:24

“Maisturu, itinudlu ni Muysis, nu mamatay ti usa ka lalaki balaw may anak, kay patar-ari kailangan mag-asawa sa buranday hampay may anak sida imaw ti makamana sa kay pinagkagurang kayamanan.

Matiyu 22:26

Nakan ngani nag-asawa maan sa buranday ti ikadwa. Katida diman ti nangyari sa ikadwa, hanggan sa kay ikatlu, hanggan waya sa ikapitu.

Matiyu 26:18

Nagsagut siya, “Pag-ati kamu sa banwa hanapa niyu tunda pag tawu sabiha sa kanya, kainda kay pagsabihun Maisturu, ‘Arani yi kang udas. Aku hanggan kang manga tuludluan sa kanmu balay pag kumaun kanmi yapun para sa Pag-alaala sa Karibrihan.’ ”

Matiyu 26:49

Nakan dinmulud si Hudas sa kan Hisus magkun, “Mayad pag yabi, Maisturu.” Bag-u kay inarkan.

Markus 10:17

Pagka magkalakaw yi maan si Hisus, may usa ka tawu nalagiw tag sa kanya, nagluhud sa kay atubangan bag-u namaingana sa kan Hisus magkun, “Mayad pag Maisturu, hintay nguna kang buwatun hampay matanggap niku ti buhi unman may katapusan?”

Markus 12:13

Bag-u kanda sinugu atag sa kan Hisus manga Parisiyu hanggan manga napakampi sa kan Hirudis hampay pasalanun siya sa kay bagaw.

Markus 12:14

Nag-ati sida sa kan Hisus bag-u kanda sinabi sa kanya, “Maisturu, alam nimi kawu matinupadun. Unman kawu magkadala una sa kantapu pag tawu dahil kawu balaw may pag-apihun. Alam nimi pag-itudlu nimu ti buu katutuuhanan hampay pagtupadun manga tawu ti kagustuhan Diyus. Angay aw nguna sa Kasuguan Diyus nu bumuhis ti tawu sa Pangulu Hari aw ngatay unman? Ngatay kailangan mamuhis kami, aw ngatay unman?”

Markus 3:6

Nagluwas yi sa simbahan manga Hudiyu ti manga Parisiyu. Kadaka nagpululungan sida sa manga nagpakampi sa kan Hirudis, nu kabitay kanda ipamatay si Hisus.

Markus 8:15

Nagbilin si Hisus sa kanda magkun, “Pag-aman gid kamu sa pamadaka sa tinapay manga Parisiyu hanggan sa kan Hirudis pag pamadaka sa tinapay.”

Lukas 20:21

Ipinaingana nida sa kanya, “Maisturu, alam nimi kanmu bagaw hanggan tudlu tama gid ag unman kawu may pag-apihun. Pag-itudlu nimu ti katutuuhanan hampay pagtupadun manga tawu ti kagustuhan Diyus.

Lukas 7:40

Sinmabi si Hisus magkun, “Simun, may isabi aku sa kanmu.” Magkun si Simun, “Sabiha yi nimu duy, Maisturu.”

Huwan 14:6

Sinmagut si Hisus sa kanya magkun, “Aku ti dalan, ti katutuuhanan, ti buhi. Ginan lang sa kangku pag makaati ti tawu sa Ama.”

Huwan 18:37

Pinmaingana maan si Pilatu magkun, “Nu katunda hari aw gid kawu?” Sinmagut si Hisus magkun, “Hu, tama kanmu pagsabihun kuntay aku hari. Nakan nagsitay aku iinanak sa babaw daga inda lang kang turunu hampay itultul niku ti katutuuhanan sa manga tawu. Nu ti tawu napasakup sa katutuuhanan, pumatingi siya sa kang manga pagsabihun.”

Huwan 7:18

Nu kay pagbagawun tawu ginan lang sa kay sadili naisipan, kay gustu siya ti dayawa manga tawu. Dapat nu kay gustu manugtudlu hampay dayawun ngap manga tawu ti nagsugu sa kanya, pihu gid pag-itudlu niya ti katutuuhanan unman may pabalhingu.”

2 Kurintu 2:17

Balaw kami parihu sa iba, magkaibug sida pag may bayad sa kanda magtudlu Bagaw Diyus. Bagkus ngap kami magtupad sa kay isinugu Diyus magtudlu gid kay bagaw sa atubangan Diyus dahil sa kanmi magpakiusa sa kan Kiristu.

2 Kurintu 4:2

Dinayu nimi ti makakaray-a ag lihim pag manga buruwatun. Balaw kami magdaya, unman mag-uman kami Bagaw Diyus. Bagkus ngap ipinaburayhaw nimi ti katutuuhanan, nakan alistu kami pausisa una sa kantapu nu may pagkutubun sa atubangan Diyus.

2 Kurintu 5:16

Nakan taynguna kanmi magkilala una sa kantapu bukun yi angay sa pagkatawu lang pag ugali. Nu kaybi angay lang sa pagkatawu diman ngap ngani kanmi magkilala sa kan Kiristu, dapat taynguna udyi.

Galasya 1:10

Taynguna nangahulugan aw kang hingbut hampay dayawun tawu? Bukun ay duy. Kang hingbut ngap hampay dayawun aku Diyus. Nakan aw lugud aku masipag agud pagbayaun tawu? Nu tunda lang kang gustu, balaw mahimu aku suruguun ni Kiristu.

Galasya 2:6

Ti manga pagkilalan-un manga iba kuntay manga pinagkatakinan iglisya udyi waydi may paanyu sa kangku. Unman diman mahalaga sa kangku una si unu sida, dahil unman may pag-apihun ti Diyus.

Diyuturunumiyu 33:9

Nagpakakit sida daka pag unung sa kanmu kaysa kanda manga ginurang, manga patar-ari, hanggan manga kalay-awan. Sinunud nida kanmu bagaw, ag iningatan nida kanmu kasunduan.

1 Tisalunika 2:4

Dahil pinili kami Diyus bag-u kay yi iinintirga sa kanmi ti Mayad pag Barita. Nakan ngani kami magpanudlu una abi balaw pagbayaun tawu basta kami pumakaun kabayaan sa Diyus, imaw tig-usisa sa kanta manga tagipusuun.

Santiyagu 3:17

Dapat ti may kadunungan ginan sa Diyus pihu marinu gid kay ugali, mairibgun siya sa kahusayan, maalumanay, mapinaangayun, maawaun, hanggan masipag sa mayad buwat, balaw mag-ihid, unman waydi magpabalhinguun.

1 Huwan 5:20

Magkaalaman diman nita nagsitay ti Anak Diyus, bag-u pinakan-an niya kita intindi hampay makilala nita ti Diyus tutuu. Kita magpakiusa sa Diyus tutuu, dahil sa kanta magpakiusa sa kay Anak, sa kan Hisu-Kiristu. Inda yi gid ti Diyus tutuu, ag ti tutuu pag buhi unman may katapusan.