Matiyu 22:15 - Hanunuu

¹⁵ Bag-u nag-ati ti manga Parisiyu nagpululungan sida nu kabitay nida mapasalan si Hisus sa kay bagaw.

Matiyu 22:15 Iomraidhean Croise

Kanta 2:2

Ti manga hari hanggan ti manga takinan sa kalibutan nagmirinsanan, nag-alistu hampay lumaban sa Panginuun hanggan sa kay pinili pag hari.

Kanta 41:6

Nu magsabang sida sa kangku, magpabalhingu mayad kanda turunu; dapat maaw magtipun lang sida daut pag manga tultulanun tungkul sa kangku. Ag sa pagluwas nida pag-itultul nida inda sa iba.

Kanta 57:6

Nabung-anan aku dahil nagpauli suduk sa kang lakawan kang manga kalaban. Nagkali diman sida ukang sa kang lakawan, dapat sida ngapu ti nalagpak siti pag ukang.

Kanta 59:3

Panginuun, bantayi nu kabitay sida mag-alagad sa pagmatay sa kangku una balaw aku nagsalan sa kanda.

Isayas 29:21

hanggan ti tanan manga magbangdan balaw may tutuu sa kaparihu, ti manga marapudil hampay lang papaniwalaun nida ti manga manughusay, hanggan ti pudilun pag kastigus hampay balaw mapakan-an katadlungan ti manga unman may kasalanan.

Hirimyas 18:18

Bag-u magkun ti manga tawu, “Abala kamu, mamuwat kita paraan hampay maampara nita si Hirimyas! May manga manughandug diman manudlu kasuguan sa kanta, ag may mamaanyu diman manga madunung pag tawu sa kanta, hanggan may manga purupita diman magpaliwanag bagaw Diyus sa kanta. Nakan mamuwat kita manga tultulanun laban sa kanya, danga yi kita magpatingi sa kay manga pagsabihun.”

Hirimyas 20:10

Nasaydan niku ti magpuya manga tawu. Pag-ulitun nida kang manga pagsabihun magkumun, “Madala ti nakasangput sa kanta! Isumbung nita siya!” Una kang manga kakilala mag-alagad sa kang kadamhakan. Pagsabihun nida, “Barang abi madaya nita siya. Nu mangyari tida, manalu kita ag mabalusan nita siya.”

Matiyu 12:14

Nagluwas ti manga Parisiyu ginan sa simbahan manga Hudiyu, nagpululungan sida nu kabitay pag ipamatay nida si Hisus.

1 Kurintu 7:35

Inda duy kang pagsabihun sa ikaayad niyu. Balaw aku mag-ampara sa kanyu kagustuhan naisipan, nu unman ipinaalaala lang niku sa kanyu ti mayad hampay kamu unman may kaabalahan sa kanyu pagsirbi sa Panginuun.

Hibriyu 12:3

Isip-isipa niyu si Hisus nu kabitay unman sinmuku siya una linabanan siya manga tawu makasalanan. Nakan danga kamu maglubay sa kanyu naisipan, danga waydi magsuku.