Matiyu 22:13 - Hanunuu

¹³ Bag-u sinabi hari sa manga suruguun magkun, ‘Gapusa niyu kay manga lulud hanggan kamang bag-u iyamut niyu siya tag sa madlum sa luwas. Ati sida magnguruynguyan ag mangubut kanda manga ngipun.’ ”

Matiyu 22:13 Iomraidhean Croise

Kanta 112:10

Makitan inda manga daut pag tawu ag mangubut kanda manga ngipun sa pangagalit, ag ga matunas sida sa kakay-ahan. Kanda manga gayak balaw pumanalu.

Kanta 37:12

Ti manga daut maggayak balaw mayad sa manga matadlung, ag pagkagalitan nida sida.

Isayas 52:1

Pagbangun kawu, Siun, ag pagpakarig-un. Ipakakit nimu kanmu kapangyarihan, Banal pag banwa Hirusalim. Isulung maan nimu kanmu marinu pag rutay, dahil kanmu manga kalaban balaw Israilita, binaliw nimu mauring udyi utru makaslud sa kanmu sabian.

Danyil 3:20

Bag-u sinugu niya kay pinakamabisug pag manga sundalu kuntay gapusa sida ni Sadrak, ni Misak, ni Abidnigu ag yamtan sa maglabdaban pag pugun.

Matiyu 12:29

“Nu mabisug pag tawu ti may puun balay, kabitay may makasaka sa siti pag balay hampay umagaw kay butang nu unman gapusun dapu niya kay apu mabisug, bag-u mahimu siya sumaka umagaw kay butang.

Matiyu 13:30

Pabay-ani lang niyu parihu magdaka hanggan sa ud tig-arani. Sa udas tig-arani aban sabihun niku sa manga manug-ani, “Tumpuka dap niyu ti manga ilamnun bag-u bugkusa niyu hampay sunugun sa apuy. Bag-u tipuna niyu ti tirigu sa kang balay haramnuan.” ’ ”

Matiyu 13:42

bag-u iyamut sida sa maglabdaban pag apuy. Ati sida pag man-nguruynguyan ag mangubut kanda manga ngipun.

Matiyu 13:50

Bag-u iyamut nida ti manga makasalanan sa labdaban pag apuy. Ati sida pag man-nguruynguyan ag mangubut kanda manga ngipun.”

Matiyu 24:51

Barian yi siya sa parusa niya amu, iminsan yi sa manga magpabalhinguun. Ati sida magnguruynguyan ag mangubut kanda manga ngipun.”

Matiyu 25:30

Iyamut niyu atag sa luwas, atag sa kaduluman ti panawuhun unman may kasanyugan. Ati siya man-nguynguy ag mangubut kay manga ngipun.”

Matiyu 8:12

Dapat mayamu sa manga linahi ni Israil manga sakup mana sa kaharian Diyus tulakun ngap tag sa luwas sa kaduluman. Ati aban sida manlulumian ag man-ngararutan kanda manga ngipun.”

Lukas 13:28

Ati mamiyak kamu aban, mangubut gid kanyu manga ngipun, nu makakit kamu sa kanda ni Abraham, ni Isaak, ni Hakub hanggan ti tanan manga purupita ati sa kaharian Diyus, kamu bay anung sa luwas di.

Huwan 21:18

Ungud duy kang pagsabihun sa kanmu, nu udwaya kawu gurangun magsulung kawu kanmu rutay maglakaw una naan tag kanmu gustu. Dapat nu gurangun yi aban kawu, ihunat nimu kanmu kamang bag-u kawu gapusun manga iba, darahun kawu sa balaw kanmu kagustuhan.”

Binwat 21:11

Pagka nag-ati siya sa kanmi, bin-ul niya kan Pablu huragkus bag-u ginapus niya kay sadili lulud hanggan kamang bag-u kay sinabi magkun, “Inda kay pagsabihun Ispiritu Banal magkun, ‘Kainda waydi gapusun aban manga Hudiyu sa Hirusalim ti may apu inda pag huragkus bag-u kanda ipabahala siya sa manga balaw Hudiyu.’ ”

Binwat 7:54

Pagka nadnugan manga Pinunu kan Istiban binagaw, nangubut yi gid kanda manga bibig sa isug.

2 Tisalunika 1:9

Inda aban ti sintinsiya sa kanda, atag sida sa unman may katapusan pag kadamhakan ag miblag sida sa Panginuun hanggan sa kadayawan niya kamaskihan.

2 Pidru 2:17

Tunda pag manga manugtudlu pudilun parihu ga manga bubun nak-at, parihu sa manga rurum pag-ipayag durus. Hinandaan sida Diyus ulian sa basad piris pag dulum.

2 Pidru 2:4

Unman pinatawad Diyus ti manga anghil. Bagkus ngap pagka sida nagkasala iyinmut sida atabug sa kaabasad-basadan, pinirisu sida sa basad piris pag madlum hampay mag-alagad sa sintinsiya.

Hudas 1:13

Sida ga manga humbak sa dagat, pagbulwatun nida kanda kahalayan, ga manga talang pag pamgasan. Kanda patabgan pihu gid atag sa masyadu kadudulman hanggan aban.

Hudas 1:6

Isipa diman niyu tunda pag manga anghil ti naglakbang sa kanda sadili kahamtangan. Tinayakan ngap nida kanda sadili kahamtangan. Sida ginapus Diyus tunda unman magkabugtas pag tarikada pinirisu sa masyadu kadudulman hanggan sa udway kaudasan sintinsiya.

Ipinakakit 21:27

Dapat unman may makasulud ati una hintay pag manga bagay mayagting sa kay magbantay Diyus, una hintay tigbuwat kahalayan, una ti manga magpudil unman gid sumulud. Tunda lang pag manga tawu ti makasulud ati ti nakasurat kanda manga ngaran sa ribru kabuhian. Anak Karanidu kay apu tunda pag ribru.