Matiyu 22:11 - Hanunuu

¹¹ Dapat pagka nanduaw ti hari sa manga tawu nagluwang sa pamasaruhan, may nakitan siya ati usa ka tawu kay sulung pag rutay balaw angay sa pamasaruhan.

Matiyu 22:11 Iomraidhean Croise

2 Hari 10:22

Magkun si Hihu sa manug-asikasu manga rutay pansamba, “Pasulungan ti manga rutay sa tanan mansamba kan Baal.” Nakan sinunud niya inda.

Isayas 52:1

Pagbangun kawu, Siun, ag pagpakarig-un. Ipakakit nimu kanmu kapangyarihan, Banal pag banwa Hirusalim. Isulung maan nimu kanmu marinu pag rutay, dahil kanmu manga kalaban balaw Israilita, binaliw nimu mauring udyi utru makaslud sa kanmu sabian.

Isayas 64:6

Kami tanan nagbaliw ga mauring pag bagay, ag ti tanan nimi mayad buwat bilang ga mauring pag tarapu. Kami tanan nagbaliw ga labung magkalayung, ag parihu sa durus, ipinayag kami nimi kadautan.

Karukuan 5:22

Masyadu yi aw kanmu pangagalit sa kanmi ag ipinurya yi gid nimu kami?

Sipanyas 1:12

“Sa ati pag sirang, usisaun niku mayad ti manga taga Hirusalim ag parusahan niku ti manga tawu masalimpayaan lang sa buhi ag magkumun, ‘Unman may buwatun ti Panginuun, mayad ngatay daut.’

Matiyu 13:30

Pabay-ani lang niyu parihu magdaka hanggan sa ud tig-arani. Sa udas tig-arani aban sabihun niku sa manga manug-ani, “Tumpuka dap niyu ti manga ilamnun bag-u bugkusa niyu hampay sunugun sa apuy. Bag-u tipuna niyu ti tirigu sa kang balay haramnuan.” ’ ”

Matiyu 22:10

“Bag-u nag-ati yi ngani ti manga panawuhun sa manga karsada. Kanda tinipun ti tanan-tanan nida nakitan, una daut una mayad pag tawu. Nakan napnu tawu ti balay may apu pamasaruhan.

Matiyu 3:12

Sa kay yi kamang ti pangayat paruk hampay kay rayawan ti girik-an. Tipunun niya kay tirigu sa kay balay haramnuan dapat kay dayami sunugun niya sa unman magkapsa pag apuy.”

Ruma 13:14

Ipasakup niyu kanyu sadili sa Panginuun Hisu-Kiristu hampay siya ti humari sa kanyu buhi ag danga pakan-an rugar ti sadili naisipan hampay dayu pasibut-an lang ti sadili kagustuhan.

Ruma 3:22

Una si unu pag tawu nu sumarig siya sa kan Hisu-Kiristu, pagkilalan-un siya Diyus kuntay matadlung, dahil lang sa kay magsarig sa kan Hisus, una manga Hudiyu una manga balaw Hudiyu.

1 Kurintu 4:5

Nakan ngani danga dapu pagpihua una hintay pag tawu nu daut nu mayad hanggan sa ud rumas-ug ti Panginuun. Siya ti pumaburayhaw sa manga ilinihim ga sa madlum. Bulwatun niya aban ti pagkutubun tawu. Ati katpung ti kada tawu dayawun Diyus angay sa kay binwat.

2 Kurintu 5:3

hampay nu pasulungan kita bag-u bilug, kita dayu makitan ga lilus lang.

Galasya 3:27

Dahil kamu ti manga itinulbaw sa kan Kiristu, ga isinlung yi niyu kay buhi ni Kiristu.

Ipisu 4:24

Kailangan gamitun niyu kanyu bag-u pagkatawu ti linalang ga kay histuda Diyus, bag-u mag-akitan sa kanyu ti tutuu gid pag katadlungan sa kanyu lubus magpasakup sa Diyus.

Ipinakakit 16:15

“Pagpatingi kamu, rumas-ug aku parihu sa mananakaw. Papaladan Diyus ti tawu nu maimatahan diman ag nu unman linukasan niya kay rutay hampay unman lumakaw siya malukasan ag dayu mangay-a siya sa kayamuan tawu.”

Ipinakakit 19:8

Alistu yi kay aguman babayi. Ipinakaun Diyus sa kanya ti karampatan hampay makasulung rutay unman may uring, malagti gid masyadu.” Tunda pag rutay malagti kay ibug sabihun ti matadlung pag buwat manga tawu napasakup sa Diyus.

Ipinakakit 2:23

Matyun aban niku hanggan kay manga anak agud maalaman tanan manga iglisya aku lang ti makasuyasid sa tawu isip ag tagipusuun. Ti kada usa sa kanyu pakan-an niku angay sa kanyu manga binwat.

Ipinakakit 3:18

Nakan ngani kang pagsabihun sa kanmu, pagbili kawu sa kangku lunsay yi pag gintu hampay kawu ungud gid yumaman. Pagbili diman waydi kawu malagti pag rutay hampay kawu may isulung, udyi kawu mangay-a sa kanmu pagkalilus. Pagbili waydi pamulung sa mata hampay kawu kumakit maan.