Matiyu 21:5 - Hanunuu

⁵ “Sabiha niyu sa banwa Siun, ‘Atay tag yi kanmu Hari. Maawaun siya ag masakyan sa anak asnu.’”

Matiyu 21:5 Iomraidhean Croise

Gimpuunan 49:10

Parargu kawu magpangulu, Huda. Ginan sa kanmu linahi ti bumaliw manga takinan. Nakan pumakaun buhis sa kanmu ti manga nasyun ag sumunud sa kanmu.

2 Samwil 16:2

Pinaingana ni Dabid si Siyba, “Hayga nagdara kawu tunda?” Sinmagut si Siyba, “Ti manga asnu duy hampay sakyan nimu magtal-anakan, ti manga tinapay waydi hanggan burak kayu para kan-un niyu hanggan nimu manga kaibahan, bag-u ti intus ubas hampay kanyu inmun nu magkagasa kamu sa pangawakawaan.”

1 Hari 1:33

bag-u magkun ti hari sa kanda, “Pasakyan niyu kang anak si Sulumun sa kang mula, ag daran-a niyu siya hanggan kang manga manugpamahala tag sa Gihun.

1 Hari 10:26

May 1,400 ka kalisa si Sulumun para sa kay manga kabayu ag manga kalisa. May 12,000 siya ka kabayu ipinauli niya sa manga banwa palaulian niya manga kalisa, ag kay iba ati sa kanya sa Hirusalim.

Kanta 9:14

hampay mitultul niku sa manga tawu ati sa manga sabian Siun kanmu manga binwat, imaw kay dahilan nakan magdayaw aku sa kanmu. Makabaya aku ati dahil irinibri nimu aku.

Isayas 12:6

Panringgit kamu ag pagkanta sa kabayaan, kamu pag manga taga Siun. Dahil makamaskihan ti Banal pag Diyus Israil sa kanyu arani.”

Isayas 40:9

Kamu pag manga manugpadakit mayad pag barita sa Siun, ti banwa Hirusalim, pagdayik kamu sa abwat pag bantud, ag iringgit niyu ti mayad pag barita. Danga kamu magkadala, sabihun niyu sa manga banwa Huda kuntay asan yi kanda Diyus.

Isayas 62:11

Pagpatingi kamu! Nagpadara tultulanun ti Panginuun sa buu kalibutan, magkumun, “Sabiha niyu sa tanan taga Israil kanda Manugribri rinmas-ug yi may dara pirimyu, ti irinibri sa pagkabihag!

Isikil 34:24

Aku, ti Panginuun, bumaliw kanda Diyus, ag ti linahi niku suruguun ni Dabid imaw ti manug-alaga sa kanda. Aku, ti Panginuun, ti magbagaw inda.

Isikil 37:24

Humari sa kanda ti hari ginan sa linahi niku suruguun si Dabid. Sida tanan may usa lang ka manug-alaga. Sundun nida mayad kang manga sugu ag manga surundanun.

Husyas 1:7

Dapat kaawaan niku ti nasakupan Huda. Aku, ti Panginuun nida Diyus, ti rumibri sa kanda sa panab-anan niku kamaskihan, balaw sa panab-anan labanan: pamana, baladaw, manga kabayu ngatay manga manugkabayu.”

Mikas 5:2

Magkun ti Panginuun, “Bitlihim Iprata, una usa kawu sa pinakadiit pag banwa Huda, ginan sa kanmu pag tawu ti sumirbi sa kangku bilang takinan sa Israil. Kay manga kaumputan bantug kaybi sa un-an pag panahun.”

Bilang 24:19

Mandumara ti usa ka takinan sa Israil ag rurisun niya ti manga nasawad buhi sa banwa Muab.”

Matiyu 11:29

Paulian niyu sa kanyu liug kang singkaw, pagpatudlu kamu sa kangku, dahil maalumanay aku ag mapinakumbabaun pag tawu bag-u makakit kamu kahusayan sa kanyu buhi.

Matiyu 2:2

Namaingana sida, “Naan nguna pag iinanak ti Hari manga Hudiyu? Dahil nakitan nimi kay pamgasan sa butlakan init, nakan nagsitay kami hampay mansamba sa kanya.”

Matiyu 2:6

‘Kawu, Bitlihim, sa daga Huda, balaw kawu uryan sa manga un-an pag manga banwa sa Huda; dahil lumuwang aban ginan sa kanmu ti usa ka takinan. Siya yi ti mangalaga sa kang nasyun Israil.’”

Matiyu 21:6

Nag-ati yi ngani ti manga tuludluan, binwat nida ti angay sa kay isinugu ni Hisus sa kanda.

Lukas 24:27

Bag-u ipinaliwanag ni Hisus sa kanda ti manga bagaw tungkul sa kanya sa tanan Banal Kasuratan ginan sa kan Muysis hanggan waya sa manga Purupita.

Huwan 1:49

Magkun si Natanail, “Maisturu, kawu yi duy ti Anak Diyus, kawu yi ti Hari nasyun Israil.”

2 Kurintu 10:1

Aku inda si Pablu, ti sabi iba kuntay maparakumbabaun nu kaatubang niyu, dapat maisug nu sa arayu. Magpakihampang aku sa kanyu angay sa mapagpakumbabaun naisipan hanggan kaayadan ni Kiristu.

Diyuturunumiyu 17:16

Kanyu hari balaw mahimu manipun mayamu pag manga kabayu, ag balaw niya ipaatag kay manga tawu sa Ihiptu hampay mamili manga kabayu, dahil ti Panginuun niyu Diyus nagsabi sa kanyu danga yi gid kamu magbalik atabug.

Talaghusay 12:14

May 40 siya ka anak lalaki ag 30 ka laki lalaki, ag ti kada usa sa kanda may asnu pagsakyan. Pinangunahan niya ti Israil sa sulud walu ka timpu.

Talaghusay 5:10

Kamu pag manga mayaman masakyan sa malagti pag manga asnu ag sa marinu pag turukawan tunda, ag kamu pag manga pugri maglakaw lang, pagpatingi kamu!