Matiyu 21:43 - Hanunuu

⁴³ “Nakan ngani kang pagsabihun sa kanyu, bul-un ginan sa kanyu ti kaharian Diyus bag-u ipakaun sa usa ka nasyun tawu magtupad sa kagustuhan Diyus.

Matiyu 21:43 Iomraidhean Croise

Pag-ighit 19:6

dapat piliun niku kamu hampay kang yi manga nasakupan, ag bumaliw kamu usa ka kaharian magsirbi sa kangku bilang manga manughandug.’ Inda ti sabihun nimu sa manga Israilita.”

Isayas 26:2

Bukasan ti manga puwirtahan banwa hampay makaslud ti nasyun matadlung, matinupadun sa Panginuun.

Isayas 28:2

Pagpatingi kamu! Ti Panginuun may inalistu mabaskug ag makapangyarihan pag nasyun imaw ti manwayak sa Samarya. Parihu inda sa magpandaut pag bagyu ag sa magpaywas pag baha.

Matiyu 12:28

Nu bay Ispiritu Diyus ti nagpakaun kapangyarihan sa kangku hampay magpalwas manga labang, kay ibug sabihun rinmas-ug yi sa kanyu kay maghari Diyus.

Matiyu 21:41

Sinabi manga manugpatingi sa kan Hisus, “Papasun unman may awa tunda pag manga tawu daut, bag-u iintirga maan niya ti ubasan sa iba pag manga manugtarabahu, sa manga magpakaun sa kay apu nu udas tig bururak.”

Matiyu 21:42

Kay sabi ni Hisus sa kanda, “Udwaya aw gid nabasa niyu sa Banal Kasuratan magkun, ‘Ti batu dinayu manga manugbuwat balay, binwat ngap mahalaga pag kalap. Panginuun ti may buwat tunda, tutuu ungud makadululaw.’

Matiyu 21:44

Una si unu nu malagpak tag sa babaw batu inda, marunut gid. Dapat una waydi hintay ti madugsakan mapisi.”

Huwan 3:3

Sinmagut si Hisus magkun, “Ungud duy kang pagsabihun sa kanmu, dayu gid makapasakup ti tawu sa kay paghari Diyus, purya lang nu siya ainanak inuman.”

Huwan 3:5

Sinmagut si Hisus magkun, “Ungud duy kang pagsabihun sa kanmu, dayu makapasakup ti tawu sa kay paghari Diyus, purya lang nu siya ainanak sa panab-anan danum hanggan Ispiritu Banal.

1 Kurintu 13:2

Una pinakan-an yi aku Panginuun hampay makapurupita ag una maalaman niku ti tanan katutuuhanan unman ipinaburayhaw sa tawu, hanggan ti tanan kaalamanan, una abi pinakan-an aku Panginuun buu pagsarig hampay ipakababa niku ti manga bantud, bag-u unman aku may pagmahal, unman diman aku may pulus.

1 Pidru 2:9

Dapat kamu ungud usa ka pinili pag lahi. Parihu sa manga manughandug sa Balay Diyus, kanyu pagsirbihan si Kiristu pag Hari. Kamu usa ka nasyun binukud para sa Diyus. Pinili kamu Diyus hampay kamu kay sadili yi pag nasakupan ag hampay ipaburayhaw niyu kay manga buwat makadululaw. Siya diman waydi ti nagtawag sa kanyu ginan sa kadudulman tabug sa kaladulawan pag karayawan niya.