Matiyu 21:41 - Hanunuu

⁴¹ Sinabi manga manugpatingi sa kan Hisus, “Papasun unman may awa tunda pag manga tawu daut, bag-u iintirga maan niya ti ubasan sa iba pag manga manugtarabahu, sa manga magpakaun sa kay apu nu udas tig bururak.”

Matiyu 21:41 Iomraidhean Croise

Kanta 2:9

Panguluhan nimu sida, ag balaw gid may makaampara sa kanmu magpangulu. Bumaliw lang sida ga anglit kanmu runutun.’ ”

Isayas 65:15

Kanyu manga ngaran saadan niku manga ipinasaman, ag aku, ti Panginuun Diyus ti mumatay sa kanyu. Dapat kang manga manugsirbi pakan-an niku bag-u pag ngaran.

Danyil 9:26

Pagkalawuy 434 ka timpu, matyun ti pinili Diyus pag takinan ag unman may mangawat sa kanya. Rumas-ug ti usa ka hari ag dautun niya manga tawuhan ti banwa hanggan ti Balay Diyus. Ag angay sa itinagka Diyus, ti pagwayak ag paggira pumarargu tugka sa katapusan. Ti katapusan rumas-ug ga baha.

Sakaryas 12:12

Manlumi ti kada magtal-anakan sa buu daga Israil: ti manga magtal-anakan linahi ni Dabid, ni Natan, ni Libi, ni Simaya, ag ti iba waya pag manga magtal-anakan. Bululagan manlulumian ti manga lalaki ag manga babayi.”

Sakaryas 13:8

Mamatay ti duwa sa tulu ka bahagi nasakupan sa buu daga Israil.

Matiyu 21:34

Pagka arani yi tigpuruti, sinugu niya kay manga panawuhun tabug sa kay manga manugtarabahu hampay bul-un yi kay kaparti burak ubas.

Matiyu 21:40

“Nu rumas-ug kay apu ubasan, hintay nguna kay buwatun sa tunda pag manga manugtarabahu?”

Matiyu 21:43

“Nakan ngani kang pagsabihun sa kanyu, bul-un ginan sa kanyu ti kaharian Diyus bag-u ipakaun sa usa ka nasyun tawu magtupad sa kagustuhan Diyus.

Matiyu 3:12

Sa kay yi kamang ti pangayat paruk hampay kay rayawan ti girik-an. Tipunun niya kay tirigu sa kay balay haramnuan dapat kay dayami sunugun niya sa unman magkapsa pag apuy.”

Lukas 20:16

Atihan niya hampay matyun tunda pag manga manugtarabahu bag-u iintirga maan sa manga iba kay ubasan.” Pagka nakadnug ti manga manugpatingi sa kan Hisus tultulanun sinabi nida magkun, “Danga maniring mana sa ati pag tultulanun.”

Binwat 15:7

Pagka dugay yi kanda mag-aragawan ayad, tinmindug si Pidru bag-u kay sinabi magkun, “Manga patar-ari, alam niyu kaybi sa kanta tanan aku ti napili Diyus manugpadakit Mayad pag Barita sa manga balaw Hudiyu hampay makadnug waydi sida ag makasarig diman sa kan Hisus.

Binwat 18:6

Pagka dugay naglaban yi sida sa kanya naglibak hanggan. Nakan winagwag ni Pablu ti galbuk sa kay rutay kay tanda laban sa kanda magkun, “Kanyu yi sadili kasalanan nu kamu midamhak sa kaparusahan. Unman yi aku may saragtun. Taynguna ginan aku atag yi sa manga balaw Hudiyu.”

Binwat 28:28

Bag-u sinabi waya ni Pablu magkun, “Kailangan pagmaalaman yi gid niyu, duy, inda pag barita ginan sa Diyus tungkul sa karibrihan ipadakit sa manga balaw Hudiyu. Nu bay sida gid pihu mamatingi.”

Binwat 28:8

Ati katpung kay ama ni Publiyu maigyaan, dahil pagramigan siya mag-iput. Nakan dinuawan siya ni Pablu sa kay sulud-sulud. Pagka kan Pablu idinarangin ti gurangun ag kinup-an kamang, pinaayad yi ngani siya.

1 Tisalunika 2:16

Nakan pilit gid kanda mana pag-amparahun kanmi pagtudlu Mayad pag Barita sa manga balaw Hudiyu sa ikaribri nida. Aput yi ngani sa katugkaan kanda buwat kadautan nakan sa katapusan nangyari ngani sa kanda ti pangagalit Diyus.

Hibriyu 12:25

Nakan pagpatingi kamu kaayad-ayad sa kan Hisus magbagaw sa kanyu. Ti manga tawu kaybi unman nakaiwas sa kaparusahan nu sida nagbugya mamatingi sa kan Muysis namadakit sa kanda sitay sa babaw daga sa kay manga pagsabihun Diyus. Mas lalu kita dayu makaribri nu patlikudan nita ti magbagaw ginan sa langit.

Hibriyu 2:3

Kabitay kita dayu parusahan gid nu unman intindihun nita ti barita tungkul sa inda pag mahalaga pag karibrihan. Pagka sa kabag-u, Panginuun gid ti nagpaalam bag-u ti manga nakadnug sa kanya nagtultul maan sa kanta, pinatutuuhanan nida ti karibrihan.