Barang abi man-ampu ti manga nasakupan Huda nu madnugan nida ti tanan kadamhakan kang paggayakun buwatun sa kanda ag patlikudan nida ti daut pag ugali nida. Bag-u nu mangyari inda, patawadun niku sida sa kanda manga kadautan ag kasalanan.”
Dahil sa kang manga binwat inda inisip niku igalang yi aku niku manga nasakupan ag tanggapun yi nida kang tamyaw sa kanda, hampay balaw yi maguba kanda banwa angay sa kang itinagka sa kanda. Dapat lalu waya gid sida nagpakadaut.
Bag-u sinugu maan niya kay iba maan pag manga panawuhun, balaw lang ga kay kabag-u sinugu kay kaaduk. Dapat katida diman waydi ti binwat manga manugtarabahu.
Dapat pagka nakitan manga manugtarabahu ti anak nida amu, nagharampangan sida magkun, ‘Inda aban ti mumana ubasan, kanta yi matyun hampay kanta yi apuun kay ama pamana.’
Usa wadi ti nasawad sa may apu ubasan, kay ngani pagmayadun pag anak lalaki. Imaw kay sinugu niya sa katapusan atag sa kanda. Magkun siya, ‘Pihu galangun nida kang anak.’
Kaybi ginan unman may tawu nakakit sa Diyus. Ti Bugtung Anak ti nagpakilala sa manga tawu nu kabitay ti Diyus. Dahil ti Bugtung Anak kaibahan Diyus ag pirmi gid sa kay arani Ama.
Daka gid kay pagmahal Diyus sa tanan tawu sa babaw daga, nakan ipinakaun niya kay Bugtung Anak hampay una si unu pag tawu nu magsarig sa kanya, dayu ipadamhak sa kamatayan, bagkus ngap may tutuu pag buhi siya unman may katapusan.