Matiyu 21:22 - Hanunuu

²² Ag nu kamu may sarig, una hintay kanyu hagadun sa kanyu darangin, pihu matanggap niyu.”

Matiyu 21:22 Iomraidhean Croise

Matiyu 18:19

“Ungud duy kang pagsabihun sa kanyu, nu ti duwa sa kanyu sitay sa babaw daga magkausa sa una hintay pag bagay kanyu idarangin, tupadun tunda sa kanyu niku Ama sa langit.

Matiyu 7:11

Madi kamu manga makasalanan, madunung diman kamu magpakaun mayad pag pakaun sa kanyu manga anak, lalu waya kanyu Ama sa langit madunung gid. Ipakaun gid niya ti manga marinu pag pakaun sa manga maghagad sa kanya.

Matiyu 7:7

Magkun si Hisus, “Paghagad kamu sa Diyus hampay pakan-an kamu. Paghanap kamu sa Diyus hampay makakit. Pagbukasan ti sabian sa una hintay tigtaragham.

Markus 11:24

“Nakan ngani kang pagsabihun sa kanyu, una hintay kanyu hagadun sa kanyu magdarangin, pihu mangyari sa kanyu nu kamu magsarig kuntay natupad tunda sa kanyu.

Huwan 14:13

Una hintay kanyu hagadun sa kangku dahil kamu napasakup sa kangku, kang gid buwatun hampay ipaburayhaw niku ti kadayawan niku Ama.

Huwan 15:7

Nu kamu minsan di sa kangku ag kang manga bagaw pumirmaminti sa kanyu, mahimu hagadun niyu sa darangin una hintay kanyu magustuhan, pihu ipakaun inda sa kanyu.

Huwan 16:24

Hanggan taynguna tugka udwaya kamu may hinagad sa kanya madi kamu napasakup sa kangku. Paghagad kamu bag-u kamu may matanggap hampay lubus udyi may kurang kanyu kabayaan.”

Santiyagu 5:16

Nakan ngani isabi niyu kanyu manga kasalanan sa usa kag sa usa, bag-u pagdararanginan kamu sa usa kag sa usa agud kamu paayadun. Daka kay magkabuwat ti darangin tawu matadlung.

1 Huwan 3:22

Una hintay kanta hagadun, matanggap nita ginan sa kanya, dahil pagtupadun nita kay manga sugu, pagbuwatun nita ti angay sa kay kagustuhan.