Matiyu 21:21 - Hanunuu

²¹ Sinmagut si Hisus magkun, “Ungud duy kang pagsabihun sa kanyu, nu kamu may sarig ag unman mag-alinlangan, kanyu mabuwat balaw lang ga nangyari sa puun igus. Nu kanyu sabihun sa bantud inda, ‘Pag-ighit yi kawu, ati pag mipadna yi sa dagat’, mangyari yi tunda.

Matiyu 21:21 Iomraidhean Croise

Matiyu 14:29

Magkun si Hisus, “Abala kawu.” Dinmugsun si Pidru ginan sa duunduun linmakaw ngani sa babaw danum atag sa kan Hisus.

Matiyu 17:20

Nagsagut siya magkun, “Dahil kurang duy kanyu sarig. Ungud duy kang pagsabihun sa kanyu, nu kanyu sarig ga butir mutsasa lang mana kay kadaka, mahimu sabihun niyu sa inda pag bantud, ‘Pag-ighit kawu sitay ginan’, bag-u umighit yi ngani. Nu katunda, ti tanan bagay makaya niyu mabuwat.” [

Matiyu 21:20

Pagka nakitan manga tuludluan, naglingut gid sida magkun, “Hayga kadaka nalayung ti puun igus?”

Matiyu 8:12

Dapat mayamu sa manga linahi ni Israil manga sakup mana sa kaharian Diyus tulakun ngap tag sa luwas sa kaduluman. Ati aban sida manlulumian ag man-ngararutan kanda manga ngipun.”

1 Kurintu 13:2

Una pinakan-an yi aku Panginuun hampay makapurupita ag una maalaman niku ti tanan katutuuhanan unman ipinaburayhaw sa tawu, hanggan ti tanan kaalamanan, una abi pinakan-an aku Panginuun buu pagsarig hampay ipakababa niku ti manga bantud, bag-u unman aku may pagmahal, unman diman aku may pulus.

Santiyagu 1:6

Dapat ti tawu nu maghagad kailangan pag may sarig. Danga mag-alinlangan, dahil ti mag-alinlangan parihu ga humbak dagat paghuypun durus una naan tag.