Matiyu 21:19 - Hanunuu

¹⁹ Pagka nakitan niya ti usa ka puun igus sa saruy dalan kay dinuawan, dapat ud may nakitan siya burak, nu ud manga labung lang. Sinmabi siya sa igus, “Kainda ginan danga yi lang kawu magburak una hanggan aban.” Susun nalayung yi ngap ti puun igus.

Matiyu 21:19 Iomraidhean Croise

Isayas 5:2

Inaradu niya inda, ipinasaruy di ti manga batu, ag tinanuman pinakamayad gid pag ubas. Namatindug siya usa ka barantayan pag bantayaw sa inda pag ubasan, ag namabuwat pirigsan ubas sa batu. Siyun gin, mag-alagad siya mamurak inda matagsing, pat-ay namurak inda maaslum.

Hirimyas 8:13

Lubus niku sida rurisun ag dautun ti manga burak nida ubas hanggan igus; una kay manga labung magkararubay. Kang manga ipinakaun sa kanda magkaradura.

Matiyu 21:20

Pagka nakitan manga tuludluan, naglingut gid sida magkun, “Hayga kadaka nalayung ti puun igus?”

Markus 11:14

Bag-u sinabi ni Hisus sa puun igus, magkun, “Kainda ginan danga yi may makakaun kanmu burak hanggan aban.” Nadnugan diman niya manga tuludluan kay binagaw tunda.

Markus 11:20

Sa maglakaw nida ni Hisus sa surip, nakitan nida ti puun igus nalayung yi ginan sa kay gamut hanggan tugka sa kay suru.

Lukas 3:9

Kaati nakahanda yi ti wasay sa puun kayu. Ti kada puun kayu nu unman magburak marinu, pukanun yi lang bag-u iyamut sa apuy.”

Huwan 15:2

Nu may manga sanga sa kangku unman magburak, kay pungpungun niya. Ti kada sanga magburak puldan niya kay baliw hampay lalu mamurak.

Huwan 15:6

Nu ti tawu napablag yi sa kangku, iyamut siya malayung bag-u parihu diman ga manga sanga tipunun siya, bag-u isawug sa apuy hampay sunugun.

2 Timutiyu 3:5

Magpabalhinguun sida kuntay maka-diyus, dapat nu sa ungud pag-itanggi nida ti kamaskihan Diyus. Pag-aman kawu sa katunda pag manga tawu.

Titu 1:16

Ti sabi nida kilala kunu nida ti Diyus, dapat sa kanda tarabahu pag-ipaulam ngap nida ti Diyus. Pagpanab-angan yi sida, dahil sida manga supladu, dayu mahimu sida sa una hintay pag mayad buwat.

Hudas 1:12

Daka gid pag kakay-ahan niyu, pagbul-an yi halaga kamu sa kanda magpaminsan sa kanyu karan-an magtar-arian, dahil aranghadu sida sa magkaun. Unman sida may pag-isipun nu unman kanda lang sadili. Sida ga manga rurum pagdarahun durus dapat unman waydi may ipakaun uran. Sida ga manga puun kayu unman magburak una mana kay udas mamurak, naayit una gamut, ungud namatay yi.

Ipinakakit 22:11

Ti daut pag tawu pagpadayun yi lang sa kay kadautan, ti mayagting pag tawu pagpadayun yi lang sa kay kayagtingan. Dapat ti mayad pag tawu pagparargu sa kay kaayadan, katunda diman ti tawu napasakup sa Diyus, pagparargu sa kay pagpasakup.”